بھٹکل کے سدھارتھ ڈگری کالج میں استقبالیہ اور تہنیتی پروگرام
بھٹکل :19؍جولائی (ایس اؤ نیوز) سدھارتھ ڈگری کالج بھٹکل میں نئے داخلہ لئے طلبا کے لئے استقبالیہ اور ہونہار طلبا کا تہنیتی پروگرام منعقد ہوا۔
پروگرام میں مشہور مویشی ڈاکٹر گوریش پڈوکونے نے مہمان خصوصی کی حیثیت سے بات کرتے ہوئے طلبا کو کالج میں میسر سہولیات سے استفادہ کرتے ہوئے مسابقاتی دنیا میں اپنی شخصیت کی تعمیر کرنے اور بہتر مستقبل بنانے کی تلقین کی۔ سدھارتھ ایجوکیشن ٹرسٹ کے صدر موظف کیپٹن کے آر نائک نے پروگرام کی صدارت کی۔ ٹرسٹ کے سکریٹری اور پی یو کالج کی پرنسپال ارچنا یو نے بھی اپنے خیالات کا اظہار کیا۔ سدھارتھ ڈگری کالج پرنسپال سگنیان ایس بیندور نے افتتاحی کلمات پیش کئے۔ پروگرام میں گزشتہ سال امتیازی نمبرات سے کامیاب ہونےو الے ہونہار طالبات اشونی پائی اور دیویا نائک کی تہنیت کی گئی ۔ کرتیکا ناڈکرنی نے استقبال کیا تو وئشالی نائک نے پروگرام کی نظامت کی۔ کیشوو نائک نے شکریہ اداکیا۔
