بھٹکل: مرڈیشور سمندر میں غرق ہوکر لاپتہ ہونے والے ماہی گیر کی نعش برآمد
بھٹکل 24 جنوری (ایس او نیوز) تعلقہ کے مرڈیشور سمندر میں سنیچرصبح ایک ماہی گیر کشتی کے ذریعے ماہی گیری کرنے کےدوران سمندر میں گر کر لاپتہ ہوگیا، جس کی نعش سنیچر شام کو اُسی جگہ سے برآمد کرلی گئی ہے۔
مہلوک کی شناخت شرالی موگیرکیری کے رہنے والے منجوناتھ نارائن موگیر (55) کی حیثیت سے کی گئی ہے۔
بتایا گیا ہے کہ منجوناتھ اپنے داماد کے ساتھ ایک ہی کشتی پر سوار مرڈیشور سمندر میں ماہی گیری کرنے کے دوران سمندر میں گرگیا تھا، سمجھا جارہا ہے کہ سمندر میں گرتے ہی وہ مچھلی کے جالے میں پھنس گیا جس کی وجہ سے وہ اپنے آپ کو بچانے میں کامیاب نہ ہوسکا۔
سنیچر شام کو اُس کی نعش سمندر سے برآمد کرلی گئی اور پوسٹ مارٹم کے بعد نعش گھروالوں کے حوالے کی گئی۔
مرڈیشور پولس تھانہ میں اس تعلق سے معاملہ درج کیا گیا ہے۔