بھٹکل:04؍اپریل (ایس او نیوز)بہتی ندی میں غیرقانونی طورپر پمپ سٹ نصب کرکے پانی استعمال کئے جانےکےخلاف سخت کارروائی کا مطالبہ کرتے ہوئے کونار، ہیرور، یلووڑی کوؤور ، گولی بیلور، بٹے بیلور اور منڈلی علاقہ کے عوام نے اسسٹنٹ کمشنر کے توسط سے ڈپٹی کمشنر کو اپیل سونپی۔

میمورنڈم میں کہاگیا ہےکہ ہماری دیہات کی ندی میں یلووڑی کووور سے کونارتک یعنی 20کلومیٹر طویل ندی پر غیرقانونی طورپر پمپ سٹ لگا کر اپنے اتی کرم زمینات کے لئے پانی سینچا جارہاہے، اس طرح پانی کا غلط استعمال کرنے سے ندی کے نشیب پر بسنے والوں کو پانی نہیں مل پارہاہے اور کنوئیں،تالاب، نالے  خشک ہورہے ہیں۔ کنوؤوں اور نالوں پر منحصر عوام کو پینےکا پانی تک میسر نہیں ہے۔ہماری زرعی زمین کی سینچائی کےلئے ہم  اسی پانی پر انحصار کئے ہوئے تھے اب وہ بھی سوکھتے جارہے ہیں، اس سلسلے میں ہیسکام محکمہ والوں کو بھی اطلاع دی تو وہ  بھی کچھ معلوم نہیں ہونے کا ناٹک کھیل رہے ہیں اور ابھی تک اس سلسلے میں کوئی کارروائی نہیں کئے ہیں۔ ہم اب آپ سے اپیل کرتے ہیں کہ غیرقانونی طورپر لگائے گئے پمپ سٹ کو نکال پھینک کر دیہی عوام کے ساتھ انصاف کا مطالبہ کیاگیا ہے۔ بھٹکل اسسٹنٹ کمشنر ساجد ملا نے اپیل وصول کی۔ اس موقع پر گنیش نائک، منجوناتھ نائک، رمیش نائک، ایرپا نائک، بیرمیا نائک سمیت کئی لوگ موجود تھے۔