بھٹکل:19؍اگست)ایس اؤ نیوز)کرناٹکا سروئیر،رونیو مینجمنٹ اور رجسٹرار ملازمین سنگھ (کرناٹکا راجیا بھوماپنا ، کندایا ووستھے متو بھو داخلیگل کاریانرواہک نوکررسنگھ  ) کی جانب سے مختلف مطالبات کو حل کرنےکی مانگ لے کر 4ستمبر کو منائی جارہی ’ بنگلورو چلو ‘ احتجاج کی حمایت میں بھٹکل کے مختلف محکمہ جات کے عملے نے سیاہ پٹی باندھ کر خدمات کو انجام دیا۔

سروئیرس کو دی گئی ماہانہ کام تکمیل کی شرط ختم کرنے کی مانگ سنگھ کے اہم مطالبات میں سے ایک ہے۔ سال 2017کے 4نومبر کو جاری کیاگیا سرکاری حکم غیر سائنٹفک ہے۔ عملے پرماہانہ کام کی تکمیلی شرط عائد کرکے  ظلم کیا جارہاہے اس کو ختم کیا جائے اور اس سے قبل جس طرح ماہانہ 18فیلڈ اور 5درستی فائل سمیت کل 23فائلوں کو ماہانہ کاموں کی تکمیلی شرط جاری کیا جائے۔ سرکاری تعطیلات، عملے کی ذاتی چھٹیوں کو شمار کرتےہوئے ماہانہ کام کی شرط لگائی جائے۔ ماہانہ کام کی تکمیل نہ کرنےو الے عملے کے خلاف دی جانے والی سزا کے حکم کو فوری طورپرواپس لیاجائے۔ کانٹراکٹ معاون ملازمین کی تقرری کو منسوخ کرتے ہوئے سروئیر عہدوں سے مطابقت رکھتےہوئے نئے عہدوں کی بھرتی کی جائے۔ رینکنگ کی بنیاد پر تبادلے نہ کئےجائیں۔ سفری بھتہ میں اضافہ کرنے جیسی مختلف مانگوں کو لےکر محکمہ تحصیل کا عملہ احتجاج کی تیاری میں ہے۔ مرکزی سنگھ کی ہدایات پر 4ستمبر کو بنگلورو چلو احتجاج طئے کیاگیا ہے، اس کی حمایت میں 19اگست سے 31اگست تک سیاہ پٹی باندھ کر سرکاری خدمات کو انجام دینے کی جانکاری تحصیل عملے نے دی۔