بھٹکل میں کورونا کو بھول کر معمول پر لوٹتی زندگی : بازار میں عوامی چہل پہل کی رونق؛ یکم جون سے کھُلیں گی تمام دکانیں

Source: S.O. News Service | By Abu Aisha | Published on 31st May 2020, 6:05 PM | ساحلی خبریں |

بھٹکل :31؍مئی(ایس اؤ نیوز)لاک ڈاؤن میں سرکاری سطح پر دی گئی راحت سے  شہری سطح پر تھوڑی سی ہلچل نظر آرہی ہے۔ پچھلے دو تین دنوں سے لوگ صبح 8-9بجے سے دوپہر دو بجے تک اپنی ضروریات کے لئے باہر نکل رہے ہیں۔ مجموعی طورپر مابعد کورونا سے مطابقت پیدا کرتے ہوئے آگے بڑھنے کی کوشش میں ہیں۔

صبح 8بجتے ہی بھٹکل کے بازار میں سرگرمیاں شروع ہوجا تی ہیں  اور دو بجے سے پہلے اپنی تمام سرگرمیوں اور کاموں کو انجام دے کر گھروں کو لوٹنے کی کوشش ہوتی ہے۔ خاص کر مزدور طبقہ مزدوری کے لئے سرگرداں دیکھا گیا۔ پہلے کی طرح بائک سواروں کی گونج سنائی دے رہی ہے۔ کہیں کہیں ایک دو آٹو رکشابھی دیکھے جا رہے  ہیں۔ بازار میں کرانا دکانیں ، مچھلی اور گوشت کی مارکیٹ آہستہ سے عوامی بھیڑ بھاڑ کی طرف جارہے ہیں۔ جسمانی فاصلہ اپنی جگہ باقی رکھتے ہوئے عوام اپنے کاموں کو انجام دینے کی کوشش میں تو ہیں مگر کورونا کے قوانین سماجی ضروریات کے لئے آڑے آرہے ہیں ، لوگوں کو  بھی جہاں اپنی ضروریات پوری کرنی ہیں وہاں ضرورت پر زیادہ توجہ دے رہے ہیں، کل ملا کر کورونا کو بھولتے ہوئے عوام معمول کی زندگی پر لوٹ رہے ہیں۔

آج اتوار تک صرف  گروسریس، مچھلی، گوشت اور ضروری اشیاء کی دکانیں کھل رہی تھیںِ ، انشاء اللہ کل یکم جون سے بھٹکل میں دیگر تمام دکانوں کو بھی کھولنے کی اجازت دی جاچکی ہے۔  توقع ہے کہ کل یکم جون سے  پورا بازار کھل جائے گا، البتہ  صبح  آٹھ بجے سے دوپہر دو بجے تک کا وقت متعین کیا گیا ہے،  ساتھ ساتھ لوگوں کو کہا گیا ہے کہ وہ ایک دوسرے سے فاصلہ بنائے رکھیں،  چہروں پر ماسک لگاکر باہر نکلیں اور زیادہ ہجوم ایک جگہ جمع نہ ہونے پائیں۔ اسی طرح دکانداروں کو بھی اس بات کی ہدایت دی گئی ہے کہ وہ ان قوانین کی پاسداری کریں اور لوگوں کو کہیں کہ وہ ایک دوسرے سے فاصلہ بناتے ہوئے خریداری کریں۔

کل یکم جون سے بھٹکل میں آٹو سروس بھی شروع ہورہی ہے،  بس اور ٹمپو بھی  راستوں پر نظر آئیں گی، سمجھا جارہا ہے کہ سرکاری بسوں کو چھوڑ کر دیگر بس  بھی کل سے اپنی  سروس شروع کرسکتی ہیں۔

ایک نظر اس پر بھی

کورونا سے اُڈپی میں مرنے والوں کی تعداد ہوگئی 6؛ بھٹکل میں بھی ایک شخص کی موت

جمعرات کو اُڈپی میں مزید ایک شخص کی کورونا سے موت واقع ہونے کے بعد ضلع میں کورونا سے مرنے والوں کی تعداد بڑھ کر 6 ہوگئی ہے۔ اسی طرح بدھ کی شب کو بھٹکل میں بھی ایک شخص کی موت واقع ہونے کی خبر  موصول ہوئی ہے جس کی رپورٹ آج جمعرات کو کورونا پوزیٹیو آنے کی اطلاع ملی ہے۔اس طرح بھٹکل ...

مینگلور : دکشن کنڑا میں ایک ہفتہ تک جاری رہنے والے لاک ڈاون کا آج سے ہوا نفاذ، راستے سنسان، دکانیں بند، عام زندگی مفلوج

کورونا کے بڑھتے معاملات اور روز بروز اضافہ کو دیکھتے ہوئے  ایک ہفتہ طویل لاک ڈاون کا آج  سے مینگلور سمیت دکشن کنڑا ضلع میں نفاذ عمل میں آیا جس کے دوران شہر کی سڑکیں سنسان اور بہت زیادہ چہل پہل والے علاقوں میں بھی سناٹا نظر آیا۔ 

بنگلورکے ساتھ ساتھ ساحلی کرناٹکا میں کورونا کا قہر جاری؛ اُترکنڑا میں 76 معاملات؛ بھٹکل میں پھر ایک شخص کی موت

ریاست کرناٹک بالخصوص بنگلور میں کورونا کا قہر جاری ہے مگر ساحلی کرناٹکا میں بھی کورونا کے معاملات رُکنے کا نام نہیں لے رہے ہیں، ایک طرف آج ضلع اُترکنڑا میں کورونا کے 76 معاملات سامنے آئے تو وہیں پڑوسی ضلع اُڈپی میں 52 اور دکشن کنڑا میں 76 پوزیٹیو کیسس کی تصدیق ہوئی ہے۔