بھٹکل تھانہ کا ایک پولس جوان منی پال اسپتال میں انتقال کرگیا
بھٹکل 26/جنوری (ایس او نیوز) بھٹکل ٹاون پولس تھانہ کا ایک پولس جوان ونائک مادھو نائک (35) پھھپڑوں میں کچھ شکایت پیش آنے کی وجہ سے منی اسپتال میں انتقال کرگیا۔ وہ گذشتہ پانچ سالوں سے بھٹکل پولس تھانہ میں اپنی خدمات انجام دے رہا تھا۔
پڑوسی تعلقہ ہوناور کے نویلگاون کا رہنے والا ونائک پچھلے تین سال سے انٹرنل سیکوریٹی ڈپارٹمنٹ (یعنی پولس کاخفیہ محکمہ) میں جُڑا ہوا تھا، لوگوں سے سادگی سے ملتا تھا اور اچھے اخلاق کا مظاہرہ کرتا تھا۔ اس کے دو چھوٹے چھوٹے بچے ہیں ، اس کی اہلیہ بھٹکل کے ایک سرکاری اسکول میں ٹیچر ہے۔
بتایا گیا ہے کہ ایک ہفتہ قبل اسے پھپھڑوں میں شکایت کی وجہ سے منی اسپتال میں داخل کیا گیا تھا، اس سے قبل اسے گردے کی بھی شکایت تھی۔ پولس ذرائع نے بتایا کہ اسپتال میں حالت بہتر ہونے کے بجائے بگڑتی چلی گئی اور آج اتوار شام وہ انتقال کرگیا۔
منی پال سے نعش جب ہوناورلے جانے کے دوران بھٹکل پہنچی تو سرکیوٹ ہاوس کے باہر نعش کا آخری دیدار کرنے کافی تعداد میں لوگ پہلے سے جمع تھے، کچھ دیر تک ایمبولنس کو یہاں روکا گیا اور لوگوں کو آخری دیدار کا موقع دیا گیا، بعد میں ایمبولنس کو آگے بڑھایا گیا۔
ضلع اُترکنڑا کے ایس پی شیو پرکاش دیوراج ، بھٹکل اے ایس پی نکھل سمیت دیگر اعلیٰ آفسران نے بھی ان کے انتقال پر نہایت افسوس کا اظہار کیا ہے اور گھروالوں کے ساتھ تعزیت کی ہے۔