دبئی : 6 فروری سے شروع ہورہا ہے بھٹکل پریمیئر لیگ کا نواں کرکٹ ٹورنامنٹ؛ کھلاڑیوں کے آوکشن میں آسجد حیدر اور صفوان شانو ثابت ہوئے سب سے مہنگے کھلاڑی

Source: S.O. News Service | By I.G. Bhatkali | Published on 18th January 2022, 7:32 PM | خلیجی خبریں | اسپورٹس |

دبئی 18 جنوری (ایس او نیوز) بھٹکل پریمئیر لیگ (بی پی ایل) کا نواں  کرکٹ ٹورنامنٹ 6 فروری سے شروع ہورہا ہے جو  27 فروری تک جاری رہے گا۔  گذشتہ سالوں کی طرح اس بار بھی ٹورنامنٹ کے تمام میچس  عجمان گراونڈ میں  کھیلے جائیں گے۔

اس بار اس ٹورنامنٹ میں حصہ لینے کے لئے امارات کے مختلف شہروں میں مقیم بھٹکل  و اطراف بھٹکل کے  140 کھلاڑیوں نے اپنے ناموں کا اندراج کرایا تھا جس میں چھ ٹیموں نے  آوکشن کے  ذریعے  جملہ 90 کھلاڑیوں  کا انتخاب کیا۔ کھلاڑیوں کے انتخاب کے لئے ہر ٹیم کو 300 پوائنٹس دئے گئے تھے۔

بھٹکل اسداللہ ٹیم کے معروف آل رانڈر اسجد حیدر اس بار سب سے مہنگے کھلاڑی ثابت ہوئے جنہیں   گیلیکسی  ٹائٹین نے  113  پوائنٹس سے حاصل کیا، اسی طرح بھٹکل  کے وائی ایم ایس اے  میں آل راونڈ کارکردگی کا مظاہرہ  کرنے والے  صفوان شانو  دوسرے مہنگے کھلاڑی رہے جنہیں  ڈی وائی ایس یونائیٹید نے 110 پوانٹس سے حاصل کیا۔

ٹورنامنٹ میں جملہ چھ ٹیمیں   ابوظبی رائیڈر، ٹریک چارجرس، آوس  چیلنجر، گیلیکسی ٹائٹینس، ڈی وی ایس  یونائیٹیڈ اور رکن الدین برادر ورئیرس  شریک ہیں۔

گذشتہ سالوں میں ٹورنامنٹ کے میچس جمعہ کو کھیلے جاتے تھے، مگر اس بار چونکہ حکومت متحدہ عرب امارات  نے اتوار کو ہفتہ واری چھٹی کا اعلان کیا ہے، اس بنا پر ہر اتوار کو میچس   کھیلے جائیں گے۔ البتہ ایک سیمی فائنل جمعہ کو  یعنی  25 فروری  کی شب کو رکھا گیا ہے۔

بتاتے چلیں کہ اتوار کو پہلا میچ  دوپہر دو بجے، دوسرا  5:30 بجے اور تیسرا میچ  شام 8:45 بجے  شروع ہوگا۔ ٹورنامنٹ کا پہلا سیمی فائنل جمعہ 25 فروری کو رات  8:30 بجے کھیلا جائے گا، جبکہ دوسرا سیمی فائنل  اتوار 27 فروری کو  دوپہر دو بجے اور  ٹورنامنٹ کا فائنل میچ اسی شام سات بجے  کھیلا جائے گا۔

ٹیموں میں کھلاڑیوں کے انتخاب کے لئے دبئی کے ایک ہوٹل میں  گذشتہ روز  اوکشن کی تقریب رکھی گئی تھی جس کا آغاز حافظ حماد پلّور کی تلاوت کلام پاک سے ہوا۔ زفیف شینگیری نے  نعت پاک سنائی، سمیر قاضیا، معاذ شاہ بندری اور اسماعیل ڈی ایف نے   بہترین انداز میں کھلاڑیوں کا تعارف اور ان کا  پروفائل پیش کرتے ہوئے   کھلاڑیوں کا اوکشن کرایا۔

بی پی ایل کے صدر ابومحمد مختصر نے  استقبالیہ پیش  کرتے ہوئے  پروگرام کی صدارت کی، اپنے خطاب میں ابو محمد مختصر نے  کہا کہ   عرب امارات کے مختلف شہروں اور علاقوں میں  بھٹکل، مرڈیشور اور منکی کے  سینکڑوں نوجوان برسرروزگار ہیں، اُنہیں ایک پلیٹ فارم پر لانے اور  انہیں ایک دوسرے کے قریب لانے کے مقصد کے تحت بی پی ایل  ہر سال کرکٹ ٹورنامنٹ کا انعقاد کرتی آرہی ہے، انہوں نے اسپورٹس کے ذریعے آپسی اتحاد اور بھائی چارگی کو فروغ دینے  پر زور دیتے ہوئے نوجوانوں کو تاکید کی کہ وہ پورے دسپلن کے ساتھ میچس میں اپنا پرفارمینس پیش کریں۔ مہمان خصوصی کی حیثیت سے تشریف فرما قائد قوم جناب ایس ایم سید خلیل الرحمن نے   بی پی ایل کی کوششوں کی سراہنا کی اور اسپورٹس کے ذریعے  نوجوانوں کے گیٹ ٹوگیدر پر خوشی کا اظہار کرتے ہوئے  آواز دی کہ وہ  کھیل کے ساتھ ساتھ دیگر سماجی کاموں میں بھی اپنی صلاحیتیوں کا بھرپور مظاہرہ کریں اور اپنی جماعتوں   سمیت  سماجی و تعلیمی اداروں کو مضبوط کرنے کی طرف توجہ دیں۔ بھٹکل مسلم جماعت دبئی کے  جنرل سکریٹری  مولوی شکیب شاہ بندری ،  بی پی ایل کے سرپرست محمد غوث خلیفہ اور کینرا مسلم خلیج کونسل کے صدر رکن الدین عبدالقادر باشہ نے بھی  اپنے اپنے خیالات کا اظہار کیا۔میچس کی تفصیلات طحٰہ معلم نے پیش کی۔ ڈائس پر بی پی ایل  کے ٹائٹل اسپاونسر۔   ین جی ٹی۔نُہیٰ جنرل ٹریڈنگ کے عبدالبدیع مُنیری،  اوربی پی ایل کے سرگرم رکن  ضیاء جوکاکو بھی موجود تھے۔  عبدالباسط صوبیدار نے کلمہ تشکر پیش کیا، آخر میں رات کے تواضع کے ساتھ جلسہ   اختتام کو پہنچا۔

ایک نظر اس پر بھی

کورونا کا اثر: سعودی عرب نے ہندوستان سمیت 16 ممالک کے سفر پر لگائی پابندی

سعودی عرب نے کووڈ-19 کے حالات کو لے کر ہندوستان سمیت 16 ممالک میں شہریوں کے سفر پر پابندی لگا دی ہے۔ میڈیا رپورٹ میں اس کی جانکاری دی گئی ہے۔ پاسپورٹ ڈائریکٹوریٹ جنرل نے کہا کہ ممالک کی فہرست میں لبنان، سیریا، ترکی، ایران، افغانستان، ہندوستان، یمن، صومالیہ، ایتھوپیا، کانگو، ...

جناب یونس قاضیاء کینرا مسلم خلیج کونسل کے نئے صدر اور جناب امین سیف اللہ جنرل سکریٹری منتخب

  بھٹکل کے جناب محمد یونس قاضیا  اورمرڈیشور کے جناب امین سیف اللہ  کینرا مسلم خلیج کونسل کے بالترتیب  صدر اور سکریٹری جنرل کے اہم  عہدہ  پر فائز ہوگئے جس کے لئے دبئی میں اتوار کو    سالانہ کانفرنس کا انعقاد کیا گیا تھا۔ کونسل کے لئے  نائب صدر اول کے طور پر  منکی جماعت دبئی کے ...

مسقط کے مطرح میں بھٹکل مسلم اسوسی ایشن کا شاندار گیٹ ٹوگیدر؛ جماعت کی طرف سے پُر تکلف عشائیہ تقریب

بھٹکل مسلم اسوسی ایشن مسقط کی طرف سے  عمان میں مقیم بھٹکلی حضرات  کے لئے عید الفطر کے موقع پر ایک گیٹ ٹوگیدر پروگرام مسقط کے رویل  ہاوس  مطرح کورنیش میں منعقد کیا گیا  جس میں جماعت کے اراکین نے کثیر تعداد میں شرکت کرتے ہوئے  ایک   دوسرے کو عید کی مبارکبادیاں  پیش کیں۔ 

عمان کے سیب میں بھٹکل کمیونٹی کا شاندار سیب ملن ؛ پروگرام میں شریک حضرات نے اُٹھایا خوب لطف

بھٹکل  مسلم  اسوسی ایشن  مسقط کے رکن اور سیب کے معروف  کاروباری عبدالواجد دامودی کی صدارت میں عمان کے سیب  میں  بھٹکلی کمیونٹی کے لئے   پہلی بار عید ملن کا انعقاد کیا گیا  جس میں سیب اور اطراف میں  برسرروزگار بھٹکل کے کثیر لوگوں نے شرکت کرتے ہوئے پروگرام کا بھرپور  لطف ...

رائل چیلنجرس بنگلورو کو7 وکٹوں سے شکست دے کر 14 برس بعد راجستھان رائلس کا آئی پی ایل فائنل میں داخلہ

تیز گیند باز پرشانت کرشنا (22 رن پر 3 وکٹ) اور عبید مکاؤ (23 رن پر 3 وکٹ)کی شاندار گیند بازی اور زبردست فارم میں چل رہے جوس بٹلر (106 ناٹ آؤٹ) کی بہترین سنچری اننگز سے راجستھان رائلز نے رائل چیلنجرس بنگلورو کو یک طرفہ انداز میں 11 گیندباقی رہتے ہوئے7 وکٹ سے شکست دے کر 14 برسوں کے طویل ...

آئی پی ایل 2022: بنگلور نے لکھنؤ کو 14 رنز سے ہرا کر دوسرے کوالیفائر میں جگہ بنائی

رائل چیلنجرز بنگلور ونے آئی پی ایل 2022 کے ایلیمینیٹر میچ میں لکھنؤ سپر جائنٹس کو 14 رنز سے شکست دے دی۔ اس جیت کے ساتھ بنگلور نے دوسرے کوالیفائر میں جگہ بنالی ہے۔ اب ان کا مقابلہ راجستھان رائلز سے ہوگا۔

’کلر‘ ملر نے گجرات ٹائٹنز کو آئی پی ایل2022کے فائنل میں پہنچایا

 ’کلر ملر‘ کے نام سے مشہور ڈیوڈ ملر (ناٹ آؤٹ 68) نے آخری اوور کی پہلی تین گیندوں پر تین چھکے لگا کر گجرات ٹائٹنز کو منگل کو راجستھان رائلز کے خلاف سات وکٹوں سے جیت دلائی اور 2022کے آئی پی ایل کے فائنل میں جگہ بنا لی۔

آئی پی ایل -2022: فائنل میں جگہ بنانے کیلئےگجرات اور راجستھان کے درمیان مقابلہ

آئی پی ایل 2022 کا کوالیفائر 1 آج کھیلا جائے گا جس میں گجرات ٹائٹنز اور راجستھان رائلز فائنل میں جگہ بنانےکے لیے آمنے سامنے ہوں گے۔ ایسے میں دونوں ٹیموں کی کوشش ہوگی کہ وہ یہ میچ جیت کر فائنل کا ٹکٹ کنفرم کرلیں۔

آئی پی ایل 2022: ممبئی نے دہلی کو ہراکر بنگلورو کو پلے آف میں پہنچا دیا

دہلی کیپٹلس کو ڈی آر ایس نہ لینے کی وجہ سے سخت دھچکا لگا جب ٹم ڈیوڈ کا کھاتہ نہیں کھلا تھا لیکن ڈیوڈ نے اس نئی زندگی کا پورا فائدہ اٹھاتے ہوئے صرف 11 گیندوں میں چار چھکوں کی مدد سے 34 رنز بنائے اور ممبئی نے دہلی کو پانچ وکٹ سے ہراکر رائل چیلنجرز بنگلور وکوآئی پی ایل کے پلے آف میں ...

بھٹکل میں منعقدہ ٹی-10کرکٹ ٹورنامنٹ میں الشمع کی شاندار کامیابی، فائنل میں محمدن شیرور کو دی 12 رنوں سے شکست

جامعہ آباد گراونڈ میں الشمع اسپورٹس سینٹر کے زیر اہتمام 10 اوروں کا ٹینس بال کرکٹ ٹورنامنٹ شاہ فیصل ٹرافی بدھ 18 مئی کو کامیابی کے ساتھ اختتام پزیر ہوا۔ فائنل میں آرگنائزر الشمع تینگن گنڈی نے محمدن شیرور کو شکست دی اور ٹرافی کو اپنے نام کرلیا۔