بھٹکل: 3؍نومبر (ایس او نیوز)پاپولر فرنٹ آف انڈیا (پی ایف آئی )بھٹکل یونٹ کی جانب سے عوام میں صحت کے متعلق بیداری پیدا کرنے قومی سطح پر منائی جارہی مہم  ’’ صحت مند عوام ، صحت مند ملک ‘‘ کے تحت صحت ریلی نکالی گئی ۔

مخدوم کالونی سے پی ایف آئی ضلعی صدر توفیق بیاری نے  صحت ریلی کو ہری جھنڈی دکھائی۔ ریلی بندرروڈ، شمس الدین سرکل ، قومی شاہراہ سے ہوتے ہوئے نوائط کالونی تعلقہ کھیل میدان پہنچ کر اختتام پذیر ہوئی ۔تعلقہ کھیل میدان میں پی ایف آئی کے صحت ماہرین نے کسرت کے مختلف طریقے بتائے اس کے بعد ساحل آن لائن سے گفتگو کرتے ہوئے  پی ایف آئی کے علاقائی صدر سراج الدین نے مہم کے مقاصد بتاتے ہوئے کہاکہ ہم صحت مند ہوں تو ملک بھی مضبوط و مستحکم ملک ہوگا۔ عوام جوڑوں وغیرہ کی درد کے لئے کئی رقم ڈاکٹرس کو دیتے ہیں۔ اس سلسلے میں عوام میں بیداری پیدا کرنے کے لئے ریلی کا اہتمام کیاگیا اور میدان میں نمائشی طورپر یہ دکھایاگیا کہ کس طرح اپنے آپ کو معمولی کسرت کے ذریعے ہم چاک و چوبند رہ سکتے ہیں۔  اس موقع پرپی ایف آئی کے  ائیریا صدر عبدالکریم ، ائیر سکریٹری زین الدین وغیرہ موجود تھے۔