بھٹکل: نوائط کلب کی جانب سے ’ای -تکبیر ‘مقابلہ جات کی انعامی تقریب؛ علی اکرمی اور عائشہ نبا نے حاصل کیا اول مقام

Source: S.O. News Service | By Abu Aisha | Published on 12th June 2020, 10:10 PM | ساحلی خبریں |

بھٹکل:12؍جون (ایس او نیوز/موصولہ رپورٹ) عید الفطر کی مناسبت سےنوائط کلب کی جانب سے چھوٹے بچوں کے لئے دو زمروں پر مشتمل ’ای-تکبیر ‘مقابلہ جات کی انعامی تقریب  بروز جمعہ 12مئی کو  مولانا ابوالحسن علی میاں اکیڈمی بھٹکل میں منعقد ہوئی جس میں  2سے 5سال کی عمر کے  زمرے  میں علی اکرمی ابن ابراہیم اواب اکرمی اول انعام کے حقدار پائے۔

 علی جاہ بنت عبدالقادر موٹیا دوم اور عمر ابن مبشرحسین ہلارے سوم انعام کے حق دار بنے تو 6سے 9سال کے زمرے میں عائشہ نبا بنت نجیب حسین سدی باپا اول، انس ابن مصدق ہلارے دوم اور فاطمہ مہریش بنت عبدالقادر عیدروسہ نے سوم مقام حاصل کیا۔

تقریب کا آغاز حافظ احمد خذیمہ ہلارے کی تلاوت قرآن سے ہوا۔ ایڈوکیٹ  آفا ق کولا نے استقبال کیا،  مصعب عابیدہ نے کلب کاتعارف پیش کیا۔ مہمان خصوصی محمد ارقم معلم نے اپنے خیالات پیش کرتےہوئے کہاکہ بھٹکل کے نوجوانوں میں ہرطرح کی صلاحیت و قابلیت موجود ہے، انہیں جلابخشنے اور افادی نقطہ نظر سے استعمال کرنے کی ضرورت ہے۔ مولانا محمد الیاس جاکٹی ندوی نے کہاکہ ہمارے یہاں ایمان والوں کا اثر ہے کہ اللہ کے فضل سے ہمارے لئے  لاک ڈاؤن  زحمت نہیں بلکہ رحمت بنا ہے ۔ مولانا عبدالنور فکردے ندوی نے موجودہ حالات پر روشنی ڈالتے ہوئے کہاکہ ہمیں ان سنگین حالات میں اپنی ذمہ داریوں کو سمجھتے ہوئے  ادا کرنے کی ضرورت ہے۔ لاک ڈاؤن میں بھی بچوں میں دینی حس بیدار کرنے کے لئے نوائط کلب کی طرف سے کی گئی آن لائن کوششوں کی انہوں نے ستائش کی۔ ربیع رکن الدین نے شکریہ ادا کیا۔

ایک نظر اس پر بھی

کاروار:ایس ایس ایل سی امتحان کے نتائج۔ سرسی کی سنّدھی ہیگڈے نے پایا ریاست میں پہلا رینک

امسال ریاست میں ایس ایس ایل سی کے جو امتحانات ہوئے تھے اس کا سامنا طلبہ نے کووڈ وباء کے پس منظر میں ذہنی تناؤ کے ساتھ کیا تھا۔اس کے بعد کافی دنوں سے طلبہ بڑی بے چینی کے ساتھ اپنے نتائج کا انتظار کررہے تھے۔

یلاپورکے دیہات میں محکمہ جنگلات کے افسران اور عملے کی طرف سے مسلسل ہراسانی کے خلاف بھٹکل میں دیا گیا میمورنڈم

ضلع شمالی کینرا کے یلاپور تعلقہ میں گولاپور نامی دیہاتی علاقے میں رہائش پزیر ایک 70سالہ خاتون اوراس کے خاندان کو محکمہ جنگلات کے افسران اور عملے کی جانب سے مسلسل ہراساں کیے جانے کا الزام لگاتے ہوئے جنگلاتی زمین پر بسنے والے لوگوں کے حقوق کے لیے جدوجہد میں مصروف تنظیم نے وزیر ...