پانی سپلائی کرنے پر مرکزی خلیفہ جماعت المسلمین نے کی بھٹکل مسلم یوتھ فیڈریشن کی خوب پذیرائی؛ اللہ کی مخلوق کو فائدہ پہونچانے والے لوگ ہی اللہ کو سب سے زیادہ محبوب ترین؛ مقررین کا اظہار خیال

Source: S.O. News Service | By I.G. Bhatkali | Published on 20th June 2019, 10:16 PM | ساحلی خبریں |

بھٹکل 20/جون (ایس او نیوز) شدت کی گرمی  اور روزہ کی حالت میں بھی شہر کے مختلف علاقوں میں پانی سپلائی کرنے  پر بھٹکل مسلم یوتھ فیڈریشن کے ذمہ داروں  کی زبردست پذیرائی اور ستائش کرتے ہوئے  آج جمعرات شام کو یہاں  مرکزی خلیفہ جماعت المسلمین کی طرف سے   خصوصی اجلاس کا انعقاد کیا گیا اور فیڈریشن کے صدر اور  جنرل سکریٹری  سمیت پانی سپلائی کرنے میں پیش پیش رہنے والے نوجوانوں کی خوب ہمت آفزائی کی گئی اور انہیں تہنیت سے نوازا گیا۔

اس موقع پر خطاب کرتے ہوئے قاضی مرکزی خلیفہ جماعت المسلمین بھٹکل مولانا خواجہ معین الدین اکرمی مدنی نے  کہا کہ  اللہ کو سب سے زیادہ محبوب وہ لوگ ہیں جو اللہ کی مخلوق کو سب سے زیادہ فائدہ پہونچاتا  ہو اور فیڈریشن کے نوجوانوں نے رمضان المبارک میں روزہ کی حالت میں  گھر گھر پانی پہونچانے کا جو کام انجام دیا ہے وہ نہایت قابل تعریف ہے، ہمارے نوجوانوں نے مسلمانوں کے ساتھ ساتھ غیر مسلمانوں میں  بھی پانی  سپلائی کرکے انسانیت کی جو خدمت انجام دی ہے، دراصل یہی مسلمانوں کا اصل کام ہے۔ انہوں نے بھٹکل مسلم یوتھ فیڈریشن کے نوجوانوں کو ہدایت دی  کہ وہ کھیل کو ثانوی رکھیں اور انسانیت کی فلاح و بہبوی کے کاموں میں مزید بہتری پیدا کریں، انہوں نے کہا کہ بھٹکل مسلم یوتھ فیڈریشن  ابتدا سے ہی  شہر میں سماجی اور ملی کاموں کو انجام دیتے آرہے ہیں ، مگر اس میں مزید بہتری پیدا کرنے کی ضرورت ہے۔انہوں نے کہا کہ  ہمارے نوجوانوں نے  جس طرح  پانی سپلائی کرنے کا کام انجام دیا، اسی طرح دیگر  انسانیت کے  فلاح و بہبودی کے کاموں کی طرف بھی  توجہ دیں ، مولانا نے فیڈریشن کے نوجوانوں کی خوب سراہنا کی اور اُن کی خدمات کی نہایت ستائش کی۔ اس موقع پر مولانا جعفر فقی بھاو ندوی سمیت دیگر حضرات  و ذمہ داران نے بھی اپنے اپنے تاثرات پیش کرتے ہوئے  فیڈریشن کے نوجوانوں کی ستائش کی۔

فیڈریشن کی طرف سے  صدر امتیاز اُدیاور،  جنرل سکریٹری  نصیف خلیفہ ودیگر  کارکنوں  نے  جماعت کا شکریہ ادا کرتے ہوئے  بتایا کہ فیڈریشن  کی طرف سے  ضرورت مندوں کو خون  (بلڈ)  عطیہ کرنے کا کام بھی گذشتہ دو سالوں سے انجام دیا جارہا ہے، بھٹکل کے ساتھ ساتھ  کنداپور، اُڈپی اور مینگلور کے مختلف اسپتالوں میں ایڈمٹ  مریضوں کو ایمرجنسی کے موقع پر بلڈ فراہم  کیا جاتا ہے، جس کے لئے وقتاً فوقتاً  بلڈ ڈونیشن کے کیمپ بھی آرگنائز کئے جاتے رہے ہیں۔  اسی طرح  مختلف موقعوں پر  بھی فیڈریشن   کے نوجوان  ہمہ وقت  ہر طرح کی خدمات  فراہم کرنے  تیار رہتے ہیں۔

پروگرام کا آغاز مولوی میراں ارشاد نائطے ندوی  کی تلاوت کلام پاک سے ہوا، جنرل سکریٹری جناب سعدا محمد میراں نے استقبالیہ پیش کیا، مولوی اسماعیل انجم گنگاولی ندوی نے  نظامت کی اور صدر جناب محتشم محمد جعفر نے صدارت کی۔مولانا  خواجہ اکرمی مدنی کی دُعا پر جلسہ برخواست ہوا۔

ایک نظر اس پر بھی

یلاپور : دو ہفتوں بعد اربیل گھاٹ پر بھاری گاڑیوں کے لئے دی گئی اجازت

دو ہفتہ قبل نیشنل ہائی وے 63 کے اربیل گھاٹ  علاقہ میں  کئی جگہ زمین کھسکنے اور ملبہ سڑک پر گرنے کی وجہ سے موٹر گاڑیوں کی آمد و رفت پر پابندی لگائی گئی تھی جس کی وجہ سے مختلف مقامات سے سامان لاد کر آنے جانے والے ٹرکس اور ایندھن کے ٹینکرس سڑک کناے لمبی قطاریں لگا کر کھڑے رہنے پر ...

الال : آئی ایس آئی ایس سے رابطہ ہونے کا شبہ ۔ سابق ایم ایل اے عیدن ابّا کے بیٹے کے گھر پر این آئی اے نے مارا چھاپہ 

شام کی دہشت گرد تنظیم آئی ایس آئی ایس سے رابطہ ہونے کے شبہ میں نیشنل انویسٹی گیشن ایجنسی کی ٹیم نے الال کے سابق رکن اسمبلی بی ایم عیدن ابّا کے بیٹے بی ایم باشاہ کے گھر پر صبح کی اولین ساعتوں میں چھاپہ مارا ۔

دبئی کے بعد بحرین میں بھی بھٹکلی طالبہ نے حاصل کی شاندار کامیابی؛ بارہویں میں ملے 98 فیصد مارکس

دبئی میں  بھٹکلی طالبہ کی شاندار کامیابی کے بعد اب بحرین سے خبر موصول ہوئی ہے کہ وہاں بھی بھٹکل سے تعلق رکھنے  والی طالبہ نے بارہویں کے  سینٹرل بورڈ آف سکینڈری ایجوکیشن  (CBSE) میں 98 فیصد مارکس کے ساتھ امتیازی کامیابی درج کی ہے۔

کاروار :ڈیزل کی بڑھتی قیمتوں کو دیکھتے ہوئے ماہی گیری پر پابندی ہٹنے کے باوجود مچھیرے سمندر میں اُترنے میں تذبذب کے شکار

مانسون کے آغاز پر جون کے مہینے میں گہرے سمندر میں ماہی گیری پر جو سرکاری پابندی لگی تھی وہ 31 جولائی کو ختم ہوگئی مگر یکم اگست سے ماہی گیر سمندر میں اترنے کے بجائے ڈیزل کی بڑھتی ہوئی قیمتوں کو دیکھتے ہوئے ابھی کنارے پر ہی رکے ہوئے ہیں ۔ 

منڈگوڈ: لاری ڈرائیور کو اغوء کرکے 22ہزار روپئے لوٹ لئے گئے

تعلقہ کے کاتور مضاف کے قریب والی ریاستی شاہراہ پر پیشاب کرنے لاری سے اترے ڈرائیور کو چار شر پسند عناصروں اغواء کرکے 22ہزارروپئے لوٹ لئے۔ یہ واردات  یلاپور تعلقہ منچی کیری دیہات کے عبدول پیر صاحب شیخ (35) کے ساتھ پیش آئی ہے