عید کے پس منظر میں رات 11بجے تک دکانیں کھلی رکھنے کی اجازت کے لئے بھٹکل مسلم مرچنٹس ایسو سی ایشن نے اے سی کو دیا میمورنڈم
بھٹکل 29/جولائی (ایس او نیوز) بھٹکل میں عید کی خریداری کے پس منظر میں دکانیں رات 11بجے تک کھلی رکھنے کی اجازت طلب کرتے ہوئے بھٹکل مسلم مرچنٹس ایسو سی ایشن نے اسسٹنٹ کمشنر کو میمورنڈم دیا۔
میمورنڈم میں کہا گیا ہے کہ چونکہ بقر عید کی خریداری کا موسم ہے اس لئے دکانداروں اور عوام کی سہولت کے لئے 29اور 30جولائی کو صرف 2دنوں کے لئے دوگھنٹوں کی رعایت کے ساتھ رات میں 9بجے کی جگہ 11بجے تک بازار کھلا رکھنے کی اجازت دی جائے۔
میمورنڈم اے سی کو دینے کے بعد اخبارنویسوں سے گفتگو کرتے ہوئے اسوسی ایشن کے ذمہ دار ثناء اللہ گوائی نے بتایا جاتا کہ اے سی نے اس مطالبے پر غور کرنے کا یقین دلایا ہے۔ میمورنڈم سونپنے کے دوران ثناء اللہ کے ساتھ دیگر تاجر حضرات محمد حبیب اللہ سدی باپا، عبدالرحیم و دیگر کئی کاروباری حضرات موجودتھے۔