جدہ میں بھٹکل کمیونٹی کی جانب سے "پیغام انسانیت اور دورِحاضر میں ہماری ذمہ داریاں" کے موضوع پر خوبصورت پروگرام

Source: S.O. News Service | Published on 19th February 2020, 11:37 PM | خلیجی خبریں | ساحلی خبریں |

جدہ،19/فروری (ایس او نیوز)  معروف عالم دین ، داعی اور کل ہند تحریک پیام انسانیت کے جنرل سکریٹری  مولانا بلال حسنی ندوی کی عمرہ کے لئے مکہ مکرمہ کی آمد پر  پیر  17فروری کو بھٹکل کمیونٹی جدہ کی جانب سے جدہ میں "پیغام انسانیت اور دورِحاضر میں ہماری ذمہ داریاں" کے موضوع پر ایک پروگرام منعقد کیا گیا جس میں  مولانا نے  اجتماعیت پر زور دیتے ہوئے  اس بات پر خوشی کا اظہار کیا کہ بھٹکل والوں نے الگ الگ علاقوں میں جماعت قائم کرتے ہوئے   اپنے مرکزی اداروں  کے ساتھ  اپنا تعلق   وابستہ  رکھا ہے۔ انہوں نے امت کے  حال پر افسوس کا اظہار کرتے ہوئے کہا کہ آج اُمت کو  اپنے گھر کا ہوش نہیں ہے ، اپنے محلے کی خبر نہیں ہے حالانکہ اس امت کو تمام انسانوں کے لئے پیدا کیا گیا ہے  مگریہ امت آج اپنی ہی ذات سے غافل ہے، اپنے گھر والوں سے غافل ہے،  یہی وجہ ہے کہ آج دنیا کے  لوگ  نہ مسلمانوں کو سمجھنے کے لئے تیار  ہیں اور نہ ہی اسلام کو  سمجھ پارہے ہیں۔ مولانا نے کہا کہ آج ہمارا حال یہ ہوگیا ہے کہ جو  دین دار ہیں انکی بھی زندگی  میں نبی اکرم ﷺ کی  زندگی کا حصہ نظر نہیں آرہا ہے۔ لوگ ہم کو دیکھنا چاہتے ہیں اور ہمیں دیکھ کر اسلام کو سمجھنا چاہتے ہیں لیکن  ہم نے اسلام کو مسجدوں  اور  مدرسوں میں محدود کردیا ہے۔ مولانا نے کہا کہ اللہ نے اس امت کو اس لئے پیدا کیا کہ عالم میں انسانوں کی رہنمائی کا کام کریں  اس سے پہلے کسی بھی امت کو یہ کا م سونپا نہیں گیا تھا۔ مولانا نے حضرت محمد ﷺ کو اور صحابہ کی زندگی کو اپنا نمونہ بنانے کی تاکید کرتے ہوئے  اللہ اور اللہ کے رسول ﷺ کے بتائے ہوئے طریقوں  پر چلنے کی تلقین کی۔

 پروگرام کا آغاز مولوی  مختار کی تلاوت کلام پاک سے ہوا، جماعت کے جنرل سکریٹری حبیب اللہ محتشم نے  مہمانوں کا استقبال کرتے ہوئے  پروگرام کی غرض و غایت بیان کی۔ جماعت کے صدر عبدالسلام دامدا ابو نے صدارتی خطاب کرتے ہوئے آخر میں تمام حاضرین کا شکریہ ادا کیا۔  پروگرام میں بھٹکل سمیت  منکی کے ذمہ داران اور  ممبران بھی موجود تھے ۔

ایک نظر اس پر بھی

سعودی عرب: 26سالہ نوجوان کو سزائے موت دے دی گئی

سعودی عرب نے منگل کے روز چھبیس سالہ مصطفی الدرویش کی سزائے موت پر عمل کیا اور ان کی گردن مار دی گئی۔ تاہم انسانی حقوق کی تنظیموں کا کہنا ہے کہ مصطفی درویش پر جن جرائم کے ارتکاب کا الزام تھا وہ ان سے سن بلوغت تک پہنچنے سے قبل سرزد ہوئے تھے۔ سعودی عرب کے حکام نے اس سزائے موت پر عمل ...

ابو ظبی ایک بار پھر رہائش کے لیے سب سے بہترین شہر قرار

عالمی وبا کورونا کے بحران اور اس کے چیلنج سے نمٹنے، معاشی اور معاشرتی ترقی کے باعث اماراتی دارالحکومت ابوظبی رہائش کے لیے سب سے بہترین شہر بن گیا۔ اماراتی میڈیا رپورٹس کے مطابق متحدہ عرب امارات کا دارالحکومت ابوظبی کو معاشرتی و معاشی ترقی اور صحت کے شعبے میں بہترین کارکردگی و ...

حج 2021: صرف 24 گھنٹے میں ساڑھے 4 لاکھ درخواستیں موصول

 سعودی عرب کی وزارت حج و عمرہ نے گزشتہ روز رواں برس حج کی درخواستوں کے لیے لنک جاری کیا اور صرف 24 گھنٹے کے اندر وہاں ساڑھے 4 لاکھ درخواستیں موصول ہوگئی۔ عرب میڈیا کے مطابق سعودی ویب سائٹ کے مطابق سعودی عرب میں مقیم ملکی و غیر ملکی شہریوں کی جانب سے اب تک حج کے لیے 4 لاکھ 50 ہزار ...

خاتون عازمین حج کے لیے سعودی حکومت کا بڑا فیصلہ، محرم کے بغیر حج و عمرہ کا راستہ صاف

حج 2021 کا موقع جیسے جیسے قریب آ رہا ہے، سعودی حکومت اس سے متعلق احکامات بھی جاری کر رہا ہے۔ پہلے تو کورونا وبا کی وجہ سے صرف سعودی عرب میں رہائش پذیر افراد کو ہی حج کی سعادت کا موقع فراہم کرنے کا اعلان وزارت حج و عمرہ نے کیا، اور اب خصوصی طور پر خواتین سے متعلق ایک ایسا فیصلہ ...

ہوناور کے کاسرکوڈ سمندر سے ایک نامعلوم خاتون کی نعش برآمد؛ شناخت کے لئے عوام سے تعاون کی اپیل

تعلقہ کے کاسرکوڈ سمندر سے ایک نامعلوم خاتون کی نعش برآمد ہوئی ہے جس کی عمر  35 سے 45 سال  تک ہوسکتی ہے۔ پولس نے عوام الناس سے اپیل کی  ہے کہ اگر کسی کو اس خاتون کےتعلق سے کوئی جانکاری ہوتو پولس کو خبرکریں۔

منگلورو: بس پر سفر کے دوران خاتون کی بیگ سے 2.5 لاکھ روپے مالیت کے زیورات چرانے والا ملزم گرفتار

شیموگہ سے منگلورو کی طرف بس میں سفر کررہی ایک خاتون کی بیگ سے 53 گرام وزنی 2.5 لاکھ روپے مالیت کے سونے کے زیورات چوری کرنے کے الزام میں پولیس نے ایک شخص کو گرفتار کرلیا ہے جس کی شناخت  پی جنارتنم کرپا راو کی حییثیت سے کی گئی ہے۔