حضرت محمد ﷺ کی ہتک کرنےوالوں کو سزا دی جائے: تنظیم پریس کانفرنس میں بھٹکل قاضی صاحبان کا مطالبہ

Source: S.O. News Service | By Abu Aisha | Published on 18th June 2022, 11:02 AM | ساحلی خبریں | ان خبروں کو پڑھنا مت بھولئے |

بھٹکل:18؍ جون   (ایس اؤ نیوز) خاتم النبین حضرت محمد مصطفیٰ ﷺ کےلئے ہم جان بھی قربان کرسکتےہیں، اور ہم اپنے پیغمبر کی ہتک بالکل برداشت نہیں کرتے، ہم حکومت سے مطالبہ کرتے ہیں کہ ہتک کرنے والوں کےخلاف فوری اور سخت کارروائی کی جائے۔ اس بات کا مطالبہ بھٹکل کے قاضی صاحبان نے کیا۔

تنظیم دفتر میں منعقدہ پریس کانفرنس میں تنظیم میڈیا کو آرڈی نیٹر ڈاکٹر محمد حنیف شباب نے واضح کیا کہ آج نہ صرف ہندوستان بلکہ عالم اسلام میں بھی اہانت رسولﷺ پر سخت احتجاج کیا جارہا ہے تو اس کا سبب یہ ہے کہ مسلمان اپنے پیغمبر کی ہتک برداشت نہیں کرسکتے۔ اسلام میں پیغمبر کا کیا مقام ہے اور کیوں پوری دنیا کے مسلمانوں میں ناراضگی پائی جارہی ہے، اس پر بھٹکل کے قاضی صاحبان روشنی ڈالیں گے۔

اس موقع پر پہلے مرکزی خلیفہ جماعت المسلمین بھٹکل کے قاضی مولانا خواجہ معین الدین اکرمی مدنی نے مختصر مگر مدلل انداز میں بات کرتے ہوئے نپور شرما اور جندال کا نام نہ لیتے ہوئے کہا کہ جن لوگوں نے بھی رسول ﷺ کی توہین کی ہے ان کو سخت سزا دی جانی چاہئے۔ مولانا نےقران کی آیت کا حوالہ دیتے ہوئے بتایا کہ اللہ نے قرآن میں فرمایا کہ اللہ کے نبی حضرت محمدﷺ ایمان والوں کے لئے ان کی اپنی جانوں سے بھی زیادہ عزیز ہیں اور اللہ کے نبی کی جو پاک بیویاں ہیں وہ تمام مسلمانوں کی مائیں ہیں۔  انہوں نے صاف کیا کہ ان کے ساتھ گستاخی صرف ہندوستان کے مسلمانوں کا مسئلہ نہیں ہے بلکہ پوری دنیا کے مسلمانوں کا مسئلہ ہے۔ اور یہ ایک ایسا جذباتی مسئلہ ہے کہ مسلمان جذبات میں آجاتے ہیں۔ انہوں نے لیڈران اور زمہ داران پر زور دیا کہ ان کو ایسی بات نہیں کرنی چاہئے جس سے ملک کے امن وامان میں خلل پیدا ہوتا ہو۔ انہوں نے صاف کہا کہ بالخصوص حضرت محمد ﷺ اور ان کی پاک بیویوں کے تعلق سے اگرکوئی گستاخی کرے گا تو مسلمان اس کو برداشت نہیں کرے گا۔ انہوں نے حال ہی میں ہوئے گستاخ رسول اور اس کے بعد کے حالات کا ذکر کرتے ہوئے حکومت سےمطالبہ کیا کہ وہ پہلے اپنے موقف کی وضاحت کرے کہ حکومت ان لوگوں کے ساتھ نہیں ہے اور حکومت ان لوگوں کے خلاف سخت سے سخت سزا دینا چاہتی ہے۔ انہوں نے اس بات کا بھی مطالبہ کیا کہ نہ صرف پیغمبر اسلام اور انبیاء بلکہ کسی بھی مذہبی شخصیات  کی ہتک کرنے کی اجازت نہ دی جائے مولانا نے اس کے لئے سخت قانون بنانے پر زور دیا تاکہ آئندہ کوئی بھی اس طرح کی ہمت نہ کرسکے۔

بھٹکل جماعت المسلمین کے قاضی مولانا عبدالرب ندوی نے کہاکہ حضرت محمد ﷺ پر ایمان کے بغیر اسلام کا ایمان نامکمل ہے۔اگر ہم  دنیا کی مشہور 100شخصیتوں کی فہرست تشکیل دینا چاہیں تو حضرت محمد ﷺ اول شمار کئے جائیں گے۔ 

 انہوں نےکہا کہ اگر حکومت وقت پر بیدار ہوتی تو ملک کے عوام سڑکوں پر نہ آتے۔ مولانا نے حکومت کو مشورہ دیا کہ وہ عدل و انصاف کا دامن ہاتھ سے نہ چھوڑے، مولانا نے متنبہ کیا اگر حکومت عدل کو چھوڑے گی تو پھر حکومت باقی نہیں رہے گی انہوں قوم عاد، قوم ثمود، فرعون، ہامان، قارون کی مثالیں پیش کرتے ہوئے بتایا کہ وہ اپنے وقت پر اپنے آپ کو سب کچھ سمجھتے تھے، لیکن اللہ نے ان کا کیا حشر کیا وہ سب کے سامنے ہے۔

 پریس کانفرنس میں تنظیم سکریٹری جیلانی شاہ بندری، صدیق ڈی ایف، بھٹکل مسلم یوتھ فیڈریشن کے صدر عزیز الرحمن رکن الدین ندوی ، جامع مسجد بھٹکل کے خطیب مولانا عبدالعلیم خطیب ندوی، مولانا اسامہ ندوی ، انجم گنگاولی، محمد جعفر محتشم وغیرہ موجود تھے۔

ایک نظر اس پر بھی

موڈ بیدری میں انجینئرنگ کالج کمپاونڈ کی دیوار گرنے سے 4 کاروں کو نقصان 

میجارو گرام پنچایت حدود میں واقع مینگلورو انسٹی ٹیوٹ آف ٹیکنالوجی اینڈ انجینئرنگ (مائٹ) کی کمپاونڈ وال بھاری برسات کی وجہ سے گر گئی جس کے نتیجہ میں حالانکہ کسی کا جانی نقصان نہیں ہوا مگر وہاں پارک کی گئی طلبہ اور والدین کی 4 کاروں کو نقصان پہنچا ۔ 

اتر کنڑا ضلع میں موسلادھار بارش جاری : یلاپور میں بجلی لائن درستی کے دوران ایک شخص فوت ،درخت اور بجلی کے کھمبے گرنےسے نقصانات

اترکنڑا ضلع میں منگل کو بھی موسلادھار بارش جاری رہی۔ کاروار، بھٹکل ، سرسی ، یلاپور سمیت کئی تعلقہ جات میں رک رک کر طوفانی ہواؤں کےساتھ تیز رفتار بارش برستی رہی ہے۔ سڑکیں، قومی شاہراہیں ، گلی محلوں میں بارش کا پانی جمع ہونےسے چھوٹے چھوٹے تالاب بن گئے ہیں ، بجلی کے کھمبے اور ...

بھٹکل سمیت اُترکنڑا میں موسلادھار بارش کا سلسلہ جاری؛ کل بدھ کو بھی اسکولوں اور کالجوں میں چھٹی کا اعلان

بھٹکل سمیت ضلع اُترکنڑا میں موسلادھار بارش کا سلسلہ جاری ہے جسے  دیکھتے ہوئے اُترکنڑا  ڈپٹی کمشنر ملئے مہیلن نے کل بدھ کو بھی پیشگی حفاظتی انتظامات کے تحت  اسکول اور کالجس سمیت تمام تعلیمی اداروں میں چھٹی کا اعلان کیا ہے۔ بھٹکل کی طرح ہوناور، کمٹہ ، انکولہ اور کاروار میں ...

گھریلو ایل پی جی سلنڈر کے داموں میں 50 روپے کا اضافہ

عوام کو اس وقت مہنگائی کا بڑا جھٹکا لگا جب ایل پی جی سلنڈر کے داموں میں اضافہ ہو گیا۔ گھریلو ایل پی جی سلنڈر کی قیمت میں بدھ کے روز 50 روپے فی سلنڈر اضافہ ہوا ہے۔ بڑھتی ہوئی قیمتوں کا اطلاق آج سے ہو گیا ہے۔ اس اضافے کے بعد دہلی میں ایل پی جی سلنڈر 1053 روپے فی سلنڈر کے حساب سے دستیاب ...

انڈونیشیا کے سمندر میں لاپتہ ہونے والے 15 ماہی گیروں کی تلاش جاری

 انڈونیشیا کے بحیرہ ارافورا میں ایک کشتی ڈوبنے سے لاپتہ ہونے والے 15 ماہی گیروں کی تلاش جاری ہے۔ انڈونیشیا کے صوبے پاپوا کے ضلع میروکے میں سرچ اور ریسکیو آفس کے ترجمان درماوان ویدی نے بتایا کہ کے ایم سیتیا مکمور 06 کشتی گزشتہ ہفتے خراب موسم کی وجہ سے سمندر کی تیز لہروں کی زد میں ...

کاروار: ضلع میں موسلادھار بارش ، انموڈگھاٹ سے گزرنے والی گوا۔ بیلگام قومی شاہراہ پر پہاڑ کھسکنےسے سواریوں کی آمد ورفت بند

تیز رفتار بھاری بارش ہونےکی وجہ سے انموڈ گھاٹ کے دودھ ساگر درگاہ کے قریب بیلگام۔ گوا قومی شاہراہ 4اے پر پہاڑ کھسکنے سے سواریوں کی آمد ورفت مکمل طورپر بند ہوگئی ہے۔