بھٹکل مسلم ایسوسی ایشن ریاض کی عید ملن تقریب؛ نوائطی ڈرامے، کوئیز، فینسی ڈریس سمیت کئی دلچسپ پروگرام سے حاضرین نے اُٹھایا لطف

Source: S.O. News Service | Published on 9th June 2019, 7:47 PM | خلیجی خبریں |

ریاض 9؍جون (ایس او نیوز) بھٹکل مسلم ایسوسی ایشن ریاض کی طرف سے عید کی رات ٹھیک 10بجے کراون پلازہ ہوٹل میں ایک شاندار عید ملن تقریب کا اہتمام کیا گیا جس میں  تفریحی پروگرام، بچوں کا فینسی ڈریس ، نوائطے ڈرامے، کوئز اور ریفل ڈراء  وغیرہ جیسے مختلف پروگراموں سے  حاضرین نے خوب لطف اُٹھایا۔

مہمانِ خصوصی کے طور پر بہار کے رکن اسمبلی  ڈاکٹر فراس فاطمی نے  عید ملن تقریب پر خوشی کا اظہار کرتے ہوئے تمام لوگوں کو عید کی مبارکباد پیش کی، بعد میں  ہندوستان کے موجودہ سیاسی حالات پر روشنی ڈالی اور مفید مشوروں سے نوازا، اسی طرح ایک اور مہمان  جناب راشد علی شیخ صاحب جو کہ پیشہ سے ایک تاجر ہیں اور ریاض میں مقیم ہیں انہوں نے بھی بہت ہی اہم اور مفید باتوں کی طرف اشارہ کیا۔

جناب  عماد الجلیل کوبٹے  کی  تلاوت کلام پاک مع ترجمہ سے  پروگرام کا آغاز ہوا۔ مولوی ریان برماور نے پروگرام  کی نظامت کی۔ جماعت کے  صدرمحمد نجف کھومی نے صدارتی خطاب کرتے ہوئے  موجود حالات پر روشنی ڈالی ۔ جنرل سکریٹری جناب ابوبکر صدیقی نے تمام ممبران جماعت اور مہمانوں کا استقبال کیا ساتھ ساتھ جماعت  کا تعارف پیش کیا۔ 

پروگرام کے  کنوینر عبدالماجد ایس ایم  نے تفریحی پروگرام کی شروعات کی۔سب سے پہلے بچوں کا فینسی ڈریس پروگرام رکھا گیا جسکو  نصیف ائیکری  نے خوبصورت انداز میں پیش کیا۔ دو نوائطی ڈرامے ایک "امچے گاوں انی امچو ہاسپٹل" اور دوسرا "کوئپہ  مھیلی انی چڈو یں" کو  بچوں نے بہت ہی بہترین  انداز میں پیش کیا۔ تفریحی پروگرام میں بچوں نے  نعت وغیرہ بھی پیش کیں ۔ اس بار آن  لائن کوئز  کہوت kahootکو پہلی مرتبہ آزمایا گیا جسکو حاضرین  نے بے حد  سرایا ۔ کوئز کو جناب محمد نجف  نے پیش کیا۔  اس مرتبہ   چار بمپر انعامات کے ساتھ ساتھ اور بھی بہت سارے انعامات تھے۔ جو  قرعہ اندازی کے ذریعے تقسیم کئے گئے  ۔ 

اول انعام 60,001 روپیہ کا قرعہ  محمد عمران حاجی فقیہ اور دوسرا 50,000روپیہ کا قرعہ   محمد ظہیر شیخ کے نام نکلا۔ ساتھ ساتھ دو موٹر بائک کا قرعہ بالترتیب    فضل قاضی اور عبدالشکور خان کے نام نکلا۔ رات تین بجکر 15منٹ پر پروگرام اختتام پذیر ہوا۔

ایک نظر اس پر بھی

مکہ مکرمہ: خانہ کعبہ کا غلاف ’کِسوہ‘ کیا گیا تبدیل

ہر سال کی طرح اس بار بھی 9 ذی الحجہ کے موقع پر خانہِ کعبہ کا غلاف ’کِسوہ‘ تبدیل کردیا گیا۔ حرمین شریفین کے امور کے سربراہِ عام شیخ عبدالرحمن السدیس کے زیر نگرانی میں جمعہ اور ہفتے کی درمیانی شب ہونے والے اس عمل میں 160 متعلقہ اہل کاروں نے حصہ لیا۔

تم زمین والوں پر رحم کرو، اللہ تم پر رحم فرمائے گا، خطبۂ حج میں امام کعبہ کا پیغام

مفتی اعظم و امام کعبہ نےمسجد نمرہ میں خطبہ حج کے دوران اس قول رسولؐ کو دہرایا کہ تم زمین والوں پر رحم کرو اللہ تم پر رحم فرمائے گا۔ بظاہر عالمی حالات کے پس منظر میں انہوں نے اللہ کی رحمت سے مایوس نہ ہونے پر زور دیتے ہوئے کہا کہ اللہ نے تمام مسلمانوں کو آپس میں ایک دوسرے کا بھائی ...

مناسک حج کا آغاز لبیک اللھم لبیک کے ورد کے ساتھ فرزندان توحید منیٰ میں خیمہ زن، وقوف عرفہ آج

”لبیک اللہم لبیک“ کے ورد کے ساتھ جمعہ کی علی الصباح سے مناسک حج کا آغاز ہوگیا-مناسکِ حج کے پہلے دن جمعہ کو لاکھوں کی تعداد میں عازمین مکہ مکرمہ سے 8 کلومیٹر دور مِنیٰ پہنچ چکے ہیں -

بھٹکل کے علما و ذمہ داران کی دعاوں سے دبئی کے قریبی شہر عجمان میں کھلاڑیوں کے ملبوسات کے شوروم کا خوبصورت افتتاح

قریبی شہر عجمان میں بھٹکل کے نوجوان  عبدالباسط صوبیدار  کے  اسپورٹس وئیر کے شوروم کا گذشتہ روز خوبصورت افتتاح بھٹکل کے علماء و ذمہ داران کی دعاوں کے ساتھ کیا گیا ۔ شوروم میں  اسپورٹس کے کپڑوں کے ساتھ ساتھ   بچوں  کے کپڑوں سمیت خواتین کی اعلیٰ کوالٹی اور خوبصورت ڈیزائن کی ...

بھٹکل اور اطراف کے عوام توجہ دیں: دبئی اور امارات میں حادثات کے بڑھتے واقعات؛ ہندوستانی قونصل خانہ نے جاری کی سفری انشورنس کی ایڈوائزری

دبئی سمیت متحدہ عرب امارات کے مختلف شہروں اور قصبوں  میں  مختلف حادثات میں شدید  طور پر زخمی ہوکر اسپتالوں میں ایڈمٹ ہونے کی  تعداد میں  اضافہ کو دیکھتے ہوئے  اور اسپتالوں  میں اُن کا کوئی پرسان حال نہ ہونے  کے واقعات کا مشاہدہ کرنے کے بعد  ہندوستانی سفارت خانہ کی طرف سے  عرب ...