بھٹکل مسلم اسوسی ایشن مسقط کی نئی انتظامیہ کے لئے منعقدہ الیکشن میں25 اراکین کا انتخاب
بھٹکل 30 جنوری (ایس او نیوز) بھٹکل مسلم ایسوسی ایشن مسقط کی نئی انتظامیہ کے لئے 27 جنوری کو عام انتخابات منعقد ہوئے جس میں 25 ممبران کا انتخاب عمل میں آیا۔
الیکشن کمشنر جناب ریاض مرچنٹ نے بتایا کہ جماعت کے جملہ ممبران کی تعداد 579 ہے جس میں سے 350 اراکین نے اپنے ووٹوں کا استعمال کیا۔ اس میں سے تین ووٹ ضائع ہوگئے جبکہ انتخابات میں 45 اُمیدوار میدان میں تھے۔
ریاض مرچنٹ نے بتایا کہ اگلی دو سالہ میعاد کے لئے جو 25 اراکین انتخابات کے ذریعے منتخب ہوئے ہیں، اُن کے نام یہ ہیں: محتشم خواجہ فوزان، ائیکری سُہیل احمد، ایس پی عبدالباری، لونا سعد بن ابوبکر، برماور سید حُسین، کولا محمد آصف، ایس ایم سید اسماعیل زیاد، مولانا گوائی محمد افضل، ڈی ایف محمد سلیم، مولانا عسکری عمر سلیم، دلدار مُبین، محتشم ابوالاعلیٰ، گوائی ابراہیم خلیل، ائیکری ربیع احمد، خطیب محمد رفیع، ایم جے نثار احمد، محتشم اطہر وسیم، سید حُسینا سید شمویل، سدی باپا محمد ایوب، مصباح وصی اللہ، مرچنٹ محمد قمر، شاہ بندری محمد فیصل، سقاف سید اُمران، شاہ بندری عبدالحمید، ایس پی عبدالمنعم
جناب ریاض مرچنٹ نے بتایا کہ مسقط جماعت کی انتظامیہ کے لئے 25 اراکین کو الیکشن کے ذریعے منتخب کیا جاتا ہے، انتخابات سے قبل تحلیل شدہ انتظامیہ میں سے پانچ اراکین کا انتخاب ہوتا ہے، جماعت کے چارسرپرست ہیں ، جبکہ جماعت کا صدر منتخب ہونے کے بعد صدر کے اختیار میں مزید پانچ لوگوں کو جماعت کی انتظامیہ میں شامل کیا جاتا ہے، اس طرح مسقط جماعت 39 اراکین انتظامیہ پر مشتمل ہے۔
تحلیل شدہ انتظامیہ میں سے جن پانچ لوگوں کو منتخب کیا گیا تھا اُن کے نام یہ ہیں: ریاض مرچنٹ، غسان شاہ بندری، طارق رکن الدین بائیدہ، عبدالباسط ائیکری، حافظ افضل رکن الدین
جماعت کے چار سرپرست ہیں، جن کے نام یہ ہیں: ایس ایم سید شکیل، ایس ایم سید شعور، ابوبکر لونا اور سعدا سلیم
الیکشن کمشنر نے بتایا کہ عنقریب جماعت کی نئی انتظامیہ کی میٹنگ منعقد ہو گی جس میں عہدیداران کا انتخاب عمل میں آئے گا۔