بھٹکل 19/جنوری (ایس او نیوز) جناب محمد قمر مرچنٹ صاحب بھٹکل مسلم اسوسی ایشن کے صدر منتخب ہوگئے جبکہ جناب مصباح وصی اللہ صاحب جنرل سکریٹری کے عہدہ پر فائز ہوگئے۔ ان دونوں کا انتخاب جمعہ کی شب الیکشن کمشنر جناب خواجہ فوزان محتشم صاحب کی رہائش گاہ پر منعقدہ انتخابات کے بعد ہوا۔ دیگر عہدیداران میں عبدالواجد دامودی نائب صدر، رکن الدین مرتضیٰ نائب صدر اول، ایم جے نثار احمد سکریٹری، ائیکری ربیع احمد محاسب، محمد ریاض مرچنٹ اوڈیٹر اور سعدا محمد سلیم خازن کے طور پر منتخب ہوئے۔
خیال رہے کہ مورخہ 2/جنوری کو جماعت کا الیکشن منعقد ہوا تھا جس میں 25 ممبران کا انتخاب عمل میں آیا تھا ۔اس سے پہلے سبکدوش ہونے والی انتظامیہ میں سے 5 اراکین کا انتخاب کیا گیا تھا۔ 17 جنوری کو عہدیداروں کا انتخاب کیا گیا جس میں 9 عہدیداروں کو منتخب کرنے کے ساتھ ساتھ جماعت کی انتظامیہ میں 5 نئے اراکین کو بھی منتخب کرکے شامل کیا گیا۔ جماعت کے چار سرپرست بھی ہیں اس طرح مسقط جماعت جملہ 39 اراکین انتظامیہ پر مشتمل ہے۔
نشست میں تمام ذیلی کمیٹیاں بھی ترتیب دی گئی اور چیرمین نیز نائب چیرمین کا بھی انتخاب عمل میں آیا۔
مسقط جماعت کے جملہ اراکین انتظامیہ کے نام اس طرح ہیں:
سبکدوش شدہ انتظامیہ میں سے پانچ اراکین: خواجہ فوزان محتشم، دلدار مُبین، ایم جے نثار، ابوالاعلیٰ محتشم اور سید حسن شیگا
انتخابات کے بعد منتخب اراکین: محمد قمر مرچنٹ ، محمد افضل گوائی، سید اسماعیل ضیاد ایس ایم، مرتضیٰ رکن الدین، محمد ریاض مرچنٹ، عبدالواجد دامودی، عبدالغنی صوبیدار، عبدالحفیظ صدیقہ، ربیع احمد ائیکری، وصی اللہ مصباح، حشمت اللہ رکن الدین (نواب)، عبدالرحمن طارق رکن الدین، سید فرید ایس جے، سید سلیم علی اکبرا، عبدالباسط ائیکری، سید صائم سید حُسینا، عبدالباری رکن الدین، جعفر صادق نورا لدین، عبدالمغنی شینگیری، حافظ محمد معظم سعدا، عمر قیس رکن الدین، حافظ رکن الدین افضل، سُہیل احمد ائیکری، محمد آصف کولا، عبدالباری ایس پی۔
عہدیداران کے انتخاب کے بعد منتخب شدہ پانچ اراکین : ایوب سدی باپا، ایوب دامدابو ، اسحاق سدی باپا، غسان شاہ بندری ، محمد عیسی صدیقہ ۔ جماعت میں چار سرپرست بھی ہیں جن کے نام یہ ہیں: ایس ایم سید شکیل، ایس ایم سید شعور، سعدا محمد سلیم اور ابوبکر لونا