بھٹکل مسلم اسوسی ایشن مسقط کے عام انتخابات؛ پولنگ کے لئے وہاٹس ایپ کا بھی استعمال؛ 52اُمیدواروں میں 25 اراکین کا انتخاب
مسقط 3 جنوری (ایس او نیوز) بھٹکل مسلم اسوسی ایشن کے عام انتخابات مورخہ 2 جنوری کو منعقد ہوئے جس میں 25 اراکین کا انتخاب عمل میں آیا۔ الیکشن کمشنرجناب خواجہ فوزان محتشم نے منتخب اراکین کا اعلان کرتے ہوئے بتایا کہ اسوسی ایشن کے جملہ 630 ممبران میں سے 347 ممبران نے پولنگ میں حصہ لیا تھا اس طرح 55 فیصد پولنگ ریکارڈ کی گئی۔
بتایا گیا ہے کہ بعض جگہوں پر پولنگ کے لئے ایک طرف موبائل ووٹنگ کرائی گئی، وہیں ضرورت کے تحت وہاٹس ایپ کی بھی مدد لی گئی۔ الیکشن میں جملہ 52 اُمیدوار میدان میں تھے۔
اس سے قبل سبکدوش شدہ انتظامیہ میں سے پانچ اراکین خواجہ فوزان محتشم، دلدار مُبین، ایم جے نثار، ابوالاعلیٰ محتشم اور سید حسن شیگا کا انتخاب کیا گیا تھا، جس میں سے خواجہ فوزان محتشم کو الیکشن کمشنر کی ذمہ داری سونپی گئی تھی، انہوں نے اپنی ذمہ داری کو بخوبی نبھاتے ہوئے صاف و شفاف انتخابات کروائے۔
صلالہ میں بدھ کو اور دیگر روی اور سیب وغیرہ علاقوں میں جمعرات صبح سے رات بارہ بجے تک انتخابی کاروائیوں کو انجام دیا گیا، بعض جگہوں پر موبائل ووٹنگ کرائی گئی جبکہ اس بار پولنگ کے لئے نئی ٹیکنالوجی یعنی وہاٹس ایپ کی بھی مدد لی گئی۔جمعرات دیر رات ووٹوں کی گنتی کا عمل شروع ہوا جس کے بعد جمعہ علی الصباح منتخب اراکین انتظامیہ کا اعلان کیا گیا۔ساحل آن لائن سے گفتگو کرتے ہوئے فوزان محتشم نے بتایا کہ انتخابی کاروائی کے کامیاب انعقاد کے بعد اگلے دس دنوں کے اندر عہدیداران کا انتخاب عمل میں آئے گا۔ انہوں نے انتخابی کارروائیوں کو بحسن و خوبی انجام دینے میں پیش پیش رہنے والے تمام اراکین کا شکریہ بھی ادا کیا۔
25 منتخب اراکین انتظامیہ کے اسمائے گرامی یہ ہیں: محمد قمر مرچنٹ ، محمد افضل گوائی، سید اسماعیل ضیاد ایس ایم، مرتضیٰ رکن الدین،محمد ریاض مرچنٹ، عبدالواجد دامودی، عبدالغنی صوبیدار، عبدالحفیظ صدیقہ، ربیع احمد ائیکری، وصی اللہ مصباح، حشمت اللہ رکن الدین (نواب)، عبدالرحمن طارق رکن الدین، سید فرید ایس جے، سید سلیم علی اکبرا، عبدالباسط ائیکری، سید صائم سید حُسینا، عبدالباری رکن الدین، جعفر صادق نورا لدین، عبدالمغنی شینگیری، حافظ محمد معظم سعدا، عمر قیس رکن الدین، حافظ رکن الدین افضل، سُہیل احمد ائیکری، محمد آصف کولا، عبدالباری ایس پی۔
