بھٹکل ایم ایل اے سنیل نائک کی طبیعت بگڑنے پر منی پال اسپتال میں منتقل کیا گیا۔ ایم ایل اے کی اہلیہ بھی آگئیں کورونا کی زد میں 

Source: S.O. News Service | Published on 22nd August 2020, 11:39 AM | ساحلی خبریں |

بھٹکل،22؍اگست (ایس او نیوز)کووِڈ رپورٹ پوزیٹیو نکلنے کے بعدبھٹکل رکن اسمبلی سنیل نائک کاعلاج تعلقہ اسپتال میں کیا جارہا تھا، مگراب پتہ چلا ہے کہ کل ان کی طبیعت مزید بگڑنے کی وجہ سے انہیں بہتر علاج کے لئے منی پال اسپتال میں منتقل کیا گیا ہے۔

خیال رہے کہ بیماری کی علامات ظاہر ہونے کے بعد ریپڈ کووِڈ ٹیسٹ کرنے پر سنیل نائک کا نتیجہ مثبت نکلا تھا۔ ایک دن پہلے بخارتیز ہونے پر انہیں بھٹکل تعلقہ اسپتال میں داخل کیا گیاتھا۔ ذرائع سے ملی خبروں کے مطابق انتہائی تیز بخار کے ساتھ ان کے جسم میں آکسیجن کی مقدار بھی کم ہونے لگی۔ ان کے علاج کے لئے خصوصی طور پر کاروار سے آئے ڈاکٹر نے معائنہ کرنے کے بعد جب محسوس کیا کہ ان کی صحت میں بہتری نہیں آرہی ہے تو پھر انہیں منی پال کے کستوربا میڈیکل کالج اسپتال میں منتقل کرنے کا فیصلہ کیا۔ 

اس کے علاوہ ایم ایل اے سنیل نائک کی اہلیہ کی جانچ رپورٹ پوزیٹیو آئی تھی اور اس کا علاج بھی تعلقہ اسپتال میں کیا جارہا تھا۔ مگر سنیل نائک کو چونکہ منی پال اسپتال میں منتقل کرناتھا اس لئے ان کی اہلیہ کو بھی ان کے ساتھ میں منی پال منتقل کرنے کا فیصلہ کیا گیا۔

ایک نظر اس پر بھی

اڈپی میں نابالغ ہندو لڑکی کامبینہ اغواء۔ سنگھیوں نے کیا احتجاجی مظاہرہ۔ لگایا ’لوجہاد‘ کا الزام

تین دن پہلے ایک ہندونابالغ لڑکی کا اغواء مسلم نوجوان کی طرف سے کیے جانے کا الزام لگاتے ہوئےہیری اڈکا پولیس اسٹیشن کےسامنے بشمول بی جے پی دیگر ہندونواز سنگھی تنظیموں نے احتجاجی مظاہرا کیا اور اے ایس پی کے توسط سے سپرنٹنڈنٹ آ ف پولیس کےنام میمورنڈم پیش کیا۔

بھٹکل میں 3نومبرکو ہوگی اتی کرم داروں کی خصوصی میٹنگ

حالیہ دنوں میں بھٹکل تعلقہ کےمختلف علاقوں میں محکمہ جنگلات کے افسران اور عملےکی طرف سے اتی کرم داروں کو جو اذیت دی جارہی ہے اس کا جائزہ لینے کے لئے ایک خصوصی میٹنگ  3نومبر کو بھٹکل کے ستکار ہوٹل صبح 10بجے منعقد ہوگی۔

بھٹکل میں محکمہ جنگلات کے دفتر کے باہر اتی کرم داروں نے کیا احتجاجی مظاہرہ

بھٹکل تعلقہ کے جالی پنچایت، ہیبلے پنچایت اور دوسرے علاقوں میں کل محکمہ جنگلات کےافسران اور عملے نے اتی کرم  جگہوں پر تعمیرات روکنے اور قبضہ خالی کروانے کی جو مہم چلائی تھی اس کے خلاف بھٹکل محکمہ جنگلات کے دفتر کےسامنے اتی کرم داروں نے احتجاجی مظاہرہ کیا۔