بھٹکل،21؍جنوری (ایس او نیوز) بھٹکل تعلقہ کے گورٹے میں مہاستی مندر کے پیچھے کھلی جگہ پر لوگوں کو جمع کرکے جوا کھیلنے والے  ہیریا پجاری(30سال) کو پولیس سرکل انسپکٹر کی ٹیم  نے گرفتار کرلیا۔ 

پولیس کا کہنا ہے کہ ہیریا پجاری بیندور کا رہنے والا ہے جس کے تعلق سے پولیس کو مصدقہ اطلاع ملی تھی کہ جوے بازی میں مصروف ہے۔ اس پر کارروائی کرتے ہوئے پولیس نے ملزم کو گرفتار کرنے کے ساتھ 1100روپے نقد اور جوے بازی میں استعمال کی جانے والی چیزیں بھی ضبط کرلی ہیں۔ مزید تحقیقات جاری ہے۔