بھٹکل کےمخدوم کالونی میں سوامی جی کا مسلما نوں نے کیا استقبال : سوامی جی نے کار سے اترکرقبول کی گل پوشی
بھٹکل:4؍مارچ (ایس اؤ نیوز)بھٹکل کے بحرہ عرب کنارےکریکال میں واقع ’دھیان کُٹیر ‘نامی نامدھاری طبقے کےمذہبی مرکز میں منعقدہ پروگرام میں شرکت کے لئے بھٹکل پہنچے اجیرے مٹھ کے شری برہمانند سرسوتی سوامی جی کا مخدوم کالونی کے مسلمانوں نے پھولوں کاہار پہنا کر اور تحفے میں مٹھائی دے کر استقبال کرتے ہوئے قومی یک جہتی اور شہر میں ہندو مسلم اتحاد کا مظاہرہ پیش کیا۔
برہمانند سوامی جی اپنی کار پر سوار کریکال کے لئے جارہے تھے تو مخدوم کالونی پہنچتے ہی مسلمانوں کو جمع دیکھاتو کار سے نیچے اترے اور مسلمانوں کے تحفے اور گل پوشی کو قبول کرتےہوئے ہندو مسلم اتحاد پر خوشی کا اظہار کیا۔ اس موقع پر شاہین اسپورٹس سنٹر بھٹکل کے صدر سمیع اللہ اٹل، ٹی ایم سی ممبر اسماعیل امشاد، وٹھل نائک، مبشر حسین ہلارے، مولانا عرفان میڈیکل ، مولانا فیضان ایس ایم، عبدالقیوم کولمبو، مختار مختصر، اسرار جمشیر سمیت کئی لوگ موجو د تھے۔