بھٹکل: 20؍ستمبر(ایس اؤ نیوز) مجلس اصلاح و تنظیم بھٹکل کا سالانہ عام اجلاس 3اکتوبر 2021بروز اتوارصبح 30-10بجے تنظیم ہال میں منعقد ہوگا، اس بات کی جانکاری تنظیم جنرل سکریٹری عبدالرقیب ایم جے نددی نے پریس ریلیز جاری کرتے ہوئے دی ہے۔
پریس ریلیز کے مطابق متعلقہ اجلاس میں یکم اپریل 2020سے 31مارچ 2021تک کی ایک سالہ کارکردگی رپورٹ پیش کی جائے گی۔ ممبران سے اپیل کی گئی ہے کہ اگر کوئی تحقیقی سوال ہے تو اجلاس کی متعینہ تاریخ سے تین دن قبل تنظیم آفس میں تحریراً جمع کرائیں
ریلیز میں اس بات کی بھی جانکاری د ی گئی ہے کہ جن اراکین کادوسال سے زائد مدت کا ممبری چندہ باقی ہے انہیں اجلاس عام میں سوال کرنے کا حق نہیں ہوگا۔ جنرل سکریٹری نے عام اراکین سے کثیر تعدا دمیں بروقت شریک ہوکر اجلاس کو کامیاب بنانے کی اپیل کی ہے۔