بھٹکل : تنگن گنڈی ساحل کا نام بدلنے کے خلاف مقامی لوگوں نے دیا میمورنڈم 

Source: S.O. News Service | Published on 23rd January 2023, 7:07 PM | ساحلی خبریں |

بھٹکل، 23/ جنوری (ایس او نیوز) تنگن گنڈی ساحل کے قریب بسنے والے عوام کی طرف سے تعلقہ پنچایت چیف ایکزیکٹیو آفیسر کے نام میمورنڈم دیتے ہوئے مطالبہ کیا گیا ہے اس ساحل کا نام بدلنے کی جو کوشش ہو رہی ہے اسے روکا جائے۔
    
میمورنڈم میں کہا گیا ہے کہ ایک زمانہ سے تنگن گنڈی بیچ کے نام  معروف ساحل کا نام بدلنے کی کوشش پچھلے عرصہ سے  ہو رہی ہے اور اس علاقے میں نئے نام کے سائن بورڈ آویزاں کیے گئے ہیں ۔ اس کے خلاف آواز اٹھانے پر کچھ بورڈ ہٹائے گئے تھے مگر بہت سے بورڈ الگ الگ مقامات پر ابھی بھی لگے ہوئے ہیں ۔ گرام پنچایت دفتر میں اس تعلق سے کئی مرتبہ شکایت کی گئی اور میمورنڈم بھی دئے گئے مگر اس بارے میں کوئی کارروائی نہیں ہوئی ۔ اور اب پتہ چلا ہے کہ اندرونی طور پر تنگن گنڈی ساحل کا نام بدلنے کی پوری تیاری دفتری طور پر کی جا رہی ہے۔ 
    
میمورنڈم میں  مطالبہ کیا گیا ہے کہ اس طرح کی حرکت سے مسائل پیدا ہونگے اور اختلافات کا سلسلہ حالات میں بدمزگی پیدا کرنے کا سبب بن جائے گا ۔ اس لئے فوراً اس طرح کی حرکت پر روک لگائی جائے ۔ اس ساحل کا پرانا نام تنگنڈی بیچ ہی برقرار رکھا جائے  اور جو نئے نام کے بورڈ ابھی تک ہٹائے نہیں گئے ہیں انہیں جلد از جلد ہٹانے کی کارروائی کی جائے۔ 

ایک نظر اس پر بھی

بھٹکل اور ہوناور میں جماعت اسلامی ہند کے زیراہتمام ’سوہاردا افطار کوٹا‘کاانعقاد: برادران وطن نے کیا مسجد اور نماز کا بھی  نظارہ

جب ہم آپس میں ایک دوسرے سے ملتےہیں ، بس میں سفر کرتےہیں تو دنیا بھر کی باتیں کرتے ہیں، سیاست، معیشت، تجارت، بازار وغیرہ پر بہت ساری باتیں کرتےہیں جب کبھی مذہب کے متعلق بات کریں تو فوراً ٹوک دیتے ہیں کہ نہیں صاحب ہم سب آپس میں اچھے ہیں یہ مذہب کی باتیں کیوں؟ ۔ جب کہ سچائی یہ ہے کہ ...

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...