بھٹکل:21؍ اکتوبر(ایس اؤ نیوز) تعلقہ کے ماوین کوروے گرام پنچایت حدود والے  کریکال دیہات کے ساحل سمندر پرجھینگا فارم پر روک لگانے کا مطالبہ لے کر کریکال علاقے کے عوام نے بھٹکل اسسٹنٹ کمشنر ممتادیوی کو میمورنڈم سونپا۔

میمورنڈم میں کہا گیا ہےکہ کریکال عوام کو جانکاری ملی ہےکہ دیہات کے ساحل سمندر پر کچھ لوگ پراؤنس فارم بنانےکی تیاری میں ہیں۔ کریکال کی مختلف جگہوں پر 50میٹر گہرائی تک غیر قانونی طورپر ریت نکالی گئی ہے اور اب جھینگا فارم بنائے جانےکی دیہات کے تمام عوام سخت مخالف ہیں۔ علاقے میں مندر، سرکاری ہائر پرائمری اسکول اور رہائشی مکانات ہیں ساتھ ہی اسی جگہ سے چھوٹی کشتیوں کےذریعے ماہی گیری کی جاتی ہے۔ اب اگر جھینگا فارم بنایاگیا تو ان سب کو تکلیف اورپریشانی ہوگی جس کی عوام مخالفت کررہے ہیں۔ اس کے علاوہ جھینگا فارم میں استعمال کردہ زہریلا پانی دوبارہ سمندر میں چھوڑے جانے سے سمندر کا پانی آلودہ ہوگا اور مچھلیوں کی نسل متاثر ہوگی۔ متعلقہ وجوہات کےپیش نظر عوام نے کریکال سمندر کنارے جھینگا فارم کی تشکیل کو روکنے کا مطالبہ کیا ہے۔ متعلقہ میمورنڈم کی نقول اترکنڑا ضلع ڈی سی ، ضلع پنچایت سی ای اؤ سمیت محکمہ سے تعلق رکھنےو الے افسران کو بھیجی گئی ہیں۔