بھٹکل: قاضی منتخب ہونے کے بعد مولانا عبدالرب خطیبی ندوی کا پہلا خطاب؛ کہا؛ عملی سطح پر ملت کے لئے کام کرنا ہرایک کی ذمہ داری

Source: S.O. News Service | By Abu Aisha | Published on 6th April 2021, 9:06 PM | ساحلی خبریں | ان خبروں کو پڑھنا مت بھولئے |

بھٹکل:6؍ اپریل(ایس اؤ نیوز)ایک مسلمان ہونےکی حیثیت سے ہم سب کی اہم ذمہ داری ہےکہ وہ دین کی اشاعت و تبلیغ کا کام کریں ۔ متحدو متفق رہیں ، ایک دوسرے کا تعاون ، قدر اور احترام کریں تو کام آگے بڑھتاہے اور ایک معاشرہ و ماحول تشکیل پاتاہے۔ جماعت المسلمین بھٹکل کے نومنتخب قاضی مولانا عبدالرب خطیبی ندوی نے ان خیالات کااظہارکیا۔

وہ یہاں جماعت اسلامی ہند بھٹکل کی دعوت پر دعوت سنٹر میں منعقدہ اجتماع میں اپنے خیالات کااظہار کررہےتھے۔  مولانا نے بڑی درد مندی کے ساتھ فرمایا کہ کوئی بھی ذمہ داری کسی تنہا شخص سے ادا نہیں ہوتی  اس کے لئے عوام کاتعاون ضروری ہوتا ہے  اور اس سلسلےمیں ایک مسلمان ہونے کےناطے ہر ایک کو  ذمہ دار بن کر کام کرنا ضروری ہے۔ جہاں ہم کواپنی اصلاح ، گھر والوں اور بچوں  کی اصلاح اور ساری انسانیت کی اصلاح کی فکر کرنا ہے  وہیں ہمیں ہمارے  معاملات کو  بھی بالکل صاف رکھنا ہے۔ ملت کے اتحاد و اتفاق پر گفتگو کرتے ہوئے مولانا نےکہاکہ اختلافات کا ہونا فطری ہے، ہر گھر میں ہوتے ہیں ، نظریاتی ہوں یا کسی اور طرح کے۔ یہ عین ممکن ہے۔ صحابہ ؓکے درمیان بھی اختلافات تھے۔لیکن یاد رکھئے یہ اختلافات آپس میں مخالفت اور محاذ آرائی کا باعث نہ بنیں   بلکہ جو جس میدان میں کام کررہاہے اچھے سےاچھے انداز میں کرے ۔ دوسرے میدانوں میں جولوگ کام کررہےہیں ان سے بھی اچھے تعلقات بنائے رکھیں۔ اسی سے  ایک مثالی معاشرہ بنتاہے۔ اس وقت ساری دنیا کے جو حالات ہیں وہ سب کے سامنے ہیں۔ ہم صرف ناظر یا  تبصرہ نگار  نہ بنیں بلکہ ان  حالات سے  سبق لیں اور   ہماری توجہ  اس طرف  مبذول کرے۔

وہ منظر بھی قابل دید تھا جب قاضی محترم کے شاگرد رشیدبچوں کے ماہنامہ پھول کے مدیر مولانا عبداللہ دامدا ابو ندوی حضرت یعقوب علیہ السلام کی اپنی اولاد کو کی جانے والی وصیت پر مشتمل آیات کا پُر اثر درس قرآن دے رہے تھے۔ عین اسی وقت قاضی صاحب دعوت سینٹر پہنچے  اور سادگی کے ساتھ سامنے بیٹھ کر  درس کو سماعت کیا۔ اجتماع میں جماعت اسلامی ہند بھٹکل کے بزرگ رکن  قادر میراں پٹیل نے نومنتخب قاضی مولانا عبدالرب خطیبی ندوی کا تعارف پیش کیا ۔ ڈائس پر جماعت اسلامی ہند بھٹکل کے معاون امیر مقامی مجاہد مصطفیٰ موجود تھے۔

اجتماع کے بعد ہرایک کو مولانا سے ملاقات کا شرف حاصل ہوا ۔ اس کے بعد ذمہ داران جماعت کے ساتھ دعوت سنٹر کا دورہ کیا اس دوران انہیں جماعت کی طرف سے مقامی سطح پر انجام دی جانے والی مختلف سرگرمیوں سے واقف کرایا گیا۔

ایک نظر اس پر بھی

ہوناور کے کاسرکوڈ سمندر سے ایک نامعلوم خاتون کی نعش برآمد؛ شناخت کے لئے عوام سے تعاون کی اپیل

تعلقہ کے کاسرکوڈ سمندر سے ایک نامعلوم خاتون کی نعش برآمد ہوئی ہے جس کی عمر  35 سے 45 سال  تک ہوسکتی ہے۔ پولس نے عوام الناس سے اپیل کی  ہے کہ اگر کسی کو اس خاتون کےتعلق سے کوئی جانکاری ہوتو پولس کو خبرکریں۔

منگلورو: بس پر سفر کے دوران خاتون کی بیگ سے 2.5 لاکھ روپے مالیت کے زیورات چرانے والا ملزم گرفتار

شیموگہ سے منگلورو کی طرف بس میں سفر کررہی ایک خاتون کی بیگ سے 53 گرام وزنی 2.5 لاکھ روپے مالیت کے سونے کے زیورات چوری کرنے کے الزام میں پولیس نے ایک شخص کو گرفتار کرلیا ہے جس کی شناخت  پی جنارتنم کرپا راو کی حییثیت سے کی گئی ہے۔

سی بی ایس ای 12ویں جماعت کے نتائج 10ویں اور 11ویں کی کارکردگی پر منحصر ہوں گے

  سی بی ایس ای بورڈ کی 12ویں جماعت کے نتائج اور مارک شیٹ تیار کرنے کے لئے تشدیل دی گئی 13 رکنی کمیٹی نے جمعرات کو سپریم کورٹ میں اپنی رپورٹ پیش کر دی ہے۔ سی بی ایس ای نے بتایا کہ 10ویں، 11ویں اور 12ویں کے پری بورڈ امتحانات کو 12ویں کے حتمی نتائج کی بنیاد بنایا جائے گا۔ سپریم کورٹ میں ...

ہندوستان میں کورونا کے تقریباً 67 ہزار نئے معاملے، 2330 افراد فوت

 ملک میں کورونا وائرس (کووڈ۔ 19) کی رفتار دھیمی پڑھنے کے درمیان گزشتہ 24 گھنٹوں کے دوران کورونا کے تقریباً 67 ہزار نئے کیسز سامنے آئے ہیں اور اس وبا سے صحتیاب ہونے والوں کی تعداد زیادہ رہنے سے شفایابی کی شرح بڑھ کر 95.93 فیصد ہوگئی ہے۔ اس درمیان بدھ کے روز 34 لاکھ 63 ہزار 961 افراد کو ...

بھٹکل انجمن انجنئیرنگ کالج کی طالبہ کو قومی سطح کے آن لائن مقابلے میں اول انعام

انجمن انسٹی ٹیوٹ آف ٹکنالوجی اینڈ مینجمنٹ بھٹکل کے شعبہ سول میں زیر تعلیم فائنل ائیر کی طالبہ صابرہ سوئبہ نے یوریکا 2021کےقومی سطح کے  آن لائن مقالہ نگاری میں اول مقام حاصل کرتےہوئے کالج اور شہر کا نام روشن کیا ہے۔

کرناٹک میں پی یو سی نتائج کے اعلان پر روک؛رپیٹرس کو پاس کرنے کی عدالت سے درخواست

جاریہ سال میں  پی یو سی سال دوم طلبا کو امتحان کے بغیر پاس کرنے کا حکومت نے فیصلہ کر لیا ہے۔ اس کے خلاف ہائی کورٹ میں ان طلبا نے بھی عرضی دائر کی جو پچھلے امتحانات میں فیل ہوگئے ہیں۔ اس لئے ان کو رپیٹرس کہا جاتا ہے۔ عرضی میں انہوں نے عدالت سے درخواست کی ہے کہ اس سال تمام طلبا کو ...