بھٹکلی جماعت المسلمین مینگلورو کا مستحسن اقدام : بنٹوال میں ہوئے سڑک حادثے میں شدید زخمیوں کی عیادت کرنے اور اُنہیں ہرممکن تعاون دینے جماعت کے وفد کا اسپتال دورہ

Source: S.O. News Service | By Abu Aisha | Published on 20th July 2019, 9:48 PM | ساحلی خبریں | ان خبروں کو پڑھنا مت بھولئے |

بھٹکل :20؍جولائی  (ایس اؤ نیوز) بھٹکلی  جماعت المسلمین مینگلور کے ایک وفد نے  مینگلور کے مختلف اسپتالوں کا دورہ کرتے ہو ئے  کل جمعہ کو سڑک حادثے میں ہوئے زخمی بھٹکلی لوگوں کی عیادت کی اور اُن کے رشتہ داروں سے بات چیت کرتے ہوئے جماعت کی جانب سے ہر ممکن تعاون کا یقین دلایا۔

خیال رہے کہ جمعہ کو  مینگلورو کے قریب بنٹوال میں پیش آئے بھیانک سڑک حادثے میں بھٹکل کی موگیر کمیونٹی کے  ایک ہی خاندان کے  چار افراد  ہلاک اور سات دیگر شدید زخمی ہو گئے تھے، زخمیوں کو  مینگلورو کے مختلف اسپتالوں میں ایڈمٹ کیا گیا ہے ، جہاں اُن کا علاج جاری ہے۔ واقعے کی اطلاع ملتے ہی جمعہ کی شب کو ہی  بھٹکلی جماعت المسلمین مینگلور کے صدر جناب   ایس ایم سید ارشد کی قیادت میں  وفد نے  زیر علاج مریضوں کی عیادت اور ہلاک شدگان کے متاثرین کی تعزیت کرتے ہوئے انہیں ہر ممکن تعاون کرنے کا بھروسہ دلایا اور ڈاکٹروں سے بھی بات چیت کرتے ہوئے  ہرممکن تعاون  فراہم کرنے کی اپیل کی۔

جماعت کا وفد پہلے  مینگلورو کے سٹی اسپتال پہنچا جہاں ایک خاتون  زیرعلاج ہے،  ڈاکٹر نے بتایا کہ مریضہ کے سر کو شدید چوٹ لگی ہے اور اس کے علاج کے لئے کافی دن ایڈمٹ رہنا ضروری ہوگا۔ وفد نے مریضہ  کی عیادت اورگھروالوں سے ملاقات کرتے ہوئے انہیں ممکنہ مالی تعاون دینے کا بھروسہ دلایا۔ اس کےبعداسپتال کے  مالک بھاسکر شٹی سے خصوصی گفتگو کرتے ہوئے فیس میں رعایت کرنے کی اپیل کی ۔ وہاں سے وفد   اے جے اسپتال پہنچا جہاں زیر علاج بھائی بہن اور بہنوئی کی عیادت کرتے ہوئے انہیں دلاسہ دیا۔ یہاں آئی سی یو  میں داخل بہن کی حالت  نازک بتائی گئی  ہے۔ اسپتال کے نگراں ڈاکٹر سنیل شٹی سے ملاقات کرتے ہوئے ضروری معلومات حاصل کی  اور  فیس میں رعایت کرنے کو کہا اور جماعت کی جانب سے متاثرین کو مالی امداد فراہم کرنے  کی بات کہی۔ پھر وہاں سے فادر ملر تمبے اسپتال میں مہلوک کے گھروالوں سے تعزیت کی۔

ساحل آن لائن سے فون پر گفتگو کرتے ہوئے جماعت کے جنرل سکریٹری جناب امتیاز دامدا نے بتایا کہ  بھٹکل کے مہلوکین اور شدید زخمی خاندان کے متاثرین سے ملاقات کرتے ہوئے ان سے حالات کی جانکاری لی گئی ہے انہوں نے  جماعت کی جانب سے   اُن کو   ہرممکن  مالی مدد فراہم کرنے کا  یقین دلایا۔  وفد میں جماعت کے  صدر ایس ایم ارشد کے ہمراہ  جنرل سکریٹری امتیاز دامدا ،جوائنٹ سکریٹری محمد طلحہ اکرمی ، رکن انتظامیہ داؤد خلیفہ و  دیگر ممبران  موجود  تھے۔

یاد رہے کہ جمعہ کی صبح  بنٹوال میں ہوئے ایک سڑک حادثے میں بھٹکل کے  چار افراد کی موقع پر ہی موت واقع ہوگئی تھی، جبکہ دیگر  سات زخمی ہوئے تھے،  یہ لوگ  دھرمستھلا مندر میں پوجا پاٹ کے بعد مینگلور ہوتے ہوئے بھٹکل واپس آرہے تھے جس کے دوران ان کی کار مخالف سمت سے آنے والی ایک گیس سے بھری ٹینکر سے ٹکراگئی تھی۔ بتایا گیا ہے کہ  سڑک پر پڑے ہوئے ایک گہرے گڈھے سے بچنے کی کوشش میں  یہ حادثہ پیش آیا تھا۔ 

مرنے والے تین لوگ  بھٹکل   ہیبلے دیہات کے گاندھی نگر کے رہنے والے تھے، جبکہ ایک نوجوان جس کی ایک ماہ قبل ہی شادی ہوئی تھی  کریکل کا رہنے والا تھا۔ آج سنیچر صبح  قریب چھ بجے چاروں  کی  نعشیں  پوسٹ مارٹم کے بعد بھٹکل پہنچیں اور صبح  قریب دس بجے  ان کی آخری رسومات ادا کی گئیں۔

ایک نظر اس پر بھی

کاروارکے بیت کول میں آدھی رات کو ٹرک ڈرائیوروں پر حملہ۔ نقدی اور موبائل لوٹنے کے ساتھ لاریوں کو پہنچایاگیا نقصان۔پولیس اسٹیشن سے قریب ہی پیش آئی واردات

بیت کول ماہی گیری بندر کے علاقے میں پولیس اسٹیشن سے چار قدم کے فاصلے پر جمعرات کی شب میں شرپسندوں کے ذریعے بیرونی ریاستوں سے تعلق رکھنے والے ٹرک ڈرائیوروں کو لوٹنے اور گاڑیوں کو نقصان پہنچانے کی واردات پیش آئی ہے۔

افسران کی مبینہ ملی بھگت سے بھٹکل میں حد سے بڑھ گئی پتھروں کے لئے غیر قانونی کھدائی۔ منڈلّی کی پہاڑی کو نابود کرنے کی ہورہی ہے تیاری

بھٹکل میں قانون کی پاسدار ی کرنے والے کئی اسسٹنٹ کمشنرز اور اور کئی تحصیلدار تعینات کیے جاچکے ہیں، لیکن یہاں پر چل رہے ریت اور پتھروں کے غیر قانونی کاروبار پر کسی نے بھی پوری طرح روک لگائی ہو، ایسا دیکھنے میں نہیں آیا۔ بلکہ عوام کا ااحساس تو یہ ہے کہ کچھ افسران کی ملی بھگت سے ہی ...

شیرور میں کار اور لاری کی ٹکر۔کار ڈرائیور ہلاک۔ ایک مسافر شدید زخمی

پڑوسی علاقہ شیرور میں    نیشنل ہائی وے پرواقع سنکد گنڈی پُل کے قریب جمعرات   شام کو پیش آئے کار اور لاری کے تصادم میں کار ڈرائیور موقع پر ہی ہلاک ہوگیا ، جبکہ ایک مسافر شدید زخمی ہوگیا  جسے علاج کے لئے قریبی  اسپتال میں منتقل کیا گیا ہے۔

این آر سی دستاویزات کی تیاری میں اقلیتوں کی رہنمائی کرنے روشن بیگ نے اقلیتی کمیشن کے نئے چیرمین سے کیا مطالبہ

مرکزی حکومت کی ہدایت پر ریاستی حکومت کی طرف سے کرناٹک میں این آر سی نافذ کرنے کے لئے جو تیاری کی جا رہی ہے اس کے پیش نظر ریاستی اقلیتی کمیشن کی طرف سے اقلیتوں بالخصوص مسلمانوں کودستاویزات کی تکمیل میں آسانی فراہم کرنے کے لئے فوری طور پر قدم اٹھانے چاہئے۔ کمیشن کی طرف سے مساجد ...

تیراکی میں یونیورسٹی بلیو کا خطاب جیتنے والے بھٹکل انجمن کالج کے محمد اشفاق اب کریں گے آل انڈیا ٹورنامنٹ میں کرناٹکا یونیورسٹی دھارواڑ کی نمائندگی

انجمن آرٹس سائنس  کامرس  کالج اور پی جی سینٹر  بھٹکل کے ایک طالب العلم   محمد اشفاق ابن محمد  اسلم  تیراکی میں  بہترین مظاہرہ پیش کرتے ہوئے  کرناٹکا یونیورسٹی  بلیو   کا خطاب حاصل کرنے میں کامیاب ہوگئے ہیں  ۔کالج کے فزیکل ڈائرکٹر نے   بتایا کہ  تیراکی میں یونیورسٹی ...

پانچ مہینوں بعد  آئی پی ایس  اناملئی کا استعفیٰ منظور : کیا وہ تمل ناڈو کے سنگھ پریوار میں شامل ہوں گے ؟

آئی پی ایس عہدے سے پانچ مہینے پہلے  استعفیٰ دئیے اناملئی کا اب  جا کر مرکزی حکومت نے منظور کیا ہے۔ مستقبل میں اناملئی سنگھ پریوار کے کسی ایک ذیلی ادارے سے جڑ کر زندگی کا دوسرا دور شروع کرنے کے امکانات ظاہر کئے گئے ہیں۔

بابری مسجد مقدمہ میں شامل مسلم پارٹیوں کی طرف سے سپریم کورٹ آف انڈیا میں دیا گیا ایک بیان؛ مسلم پرسنل لاء بورڈ نے جاری کی پریس ریلیز

بابری مسجد کے تعلق سے  آل انڈیا مسلم  پرسنل لاء بورڈ کی بابری مسجد کے کو۔کنوینر   ڈاکٹر قاسم رسول الیاس نے پریس ریلیز جاری کرتے ہوئے مندرجہ ذیل نکات پیش کئے  ہیں :