بھٹکل :کاجو باغ میں لگی اچانک آگ سے سیکڑوں پودے جل کر خاک
بھٹکل:15؍جنوری (ایس اؤ نیوز)تعلقہ کے بیلکے ، گولیمر نامی مقام پر کاجو کے باغ میں اچانک آگ لگنے سے سینکڑوں کاجو کے پودے جل کر خاک ہونےکا واقعہ پیش آیا ہے۔
کاجو ترقی نگم کی ملکیت والےاس باغ میں قریب ایک ایکڑ زمین تک آگ پھیل گئی ،مقامی لوگوں نے آگ بجھانےکی ہرممکن کوشش کی مگر کامیاب نہیں ہوسکے۔ تھوڑی دیر بعد فائر برگیڈ جائے وقوع پر پہنچی اور آگ پر قابوپانےمیں کامیاب ہوئی۔ کاجو ترقی نگم کا عملہ آگ بجھانےمیں شریک تھا۔
