بھٹکل: ہیومن ویلفئیر ٹرسٹ مرڈیشور کی جانب سے معاشی طور پر کمزور خواتین میں تقسیم کی گئیں سلائی مشین

Source: S.O. News Service | By I.G. Bhatkali | Published on 22nd August 2019, 6:37 PM | ساحلی خبریں | ان خبروں کو پڑھنا مت بھولئے |

بھٹکل 22/اگست (ایس او نیوز/رئیس احمد گنجام) بھٹکل تعلقہ کے مرڈیشور میں ہومن ویلفیر ٹرسٹ مرڈیشور کی جانب سے مرڈیشور کے  معاشی طور پر کمزور  اور پچھڑے ہوئے  خاندانوں کو  خودکار روزگار پیدا کرکے اپنا  گھر چلانے کے مقصدسے  قرعہ اندازی کے ذریعے سلائی مشینیں تقسیم کی گئیں۔ اس تعلق سے   ایک پروگرام منعقد کیا گیا تھا جس میں  مرڈیشور اور بھٹکل کے  کئی ایک ذمہ داران موجود تھے۔

مہمان خصوصی کے طور پر تشریف فرما مرڈیشور جماعت المسلمین کے صدر جناب سیف اللہ اٰمین نے اس بات پرنہایت خوشی کا اظہار کیا کہ  ہومن ویلفیر ٹرسٹ کی جانب سے  خدمت خلق کا اتنا بہترین کام انجام دیا جارہا ہے۔ انہوں نے ٹرسٹ کی خدمات سے متاثر ہوکر کہا کہ ہومن ویلفیر ٹرسٹ مرڈیشور،   ہندووں اور مسلمانوں کے درمیان ایک پُل کی طرح کام کررہا ہے۔ انہوں نے اس موقع پر اپنی جانب سے بھی 20 سلائی مشینیں دینے کا اعلان کیا، جس کے ساتھ ہی ہیومن ٹرسٹ کی جانب سے 37 سلائی مشینوں کے ساتھ جناب سیف اللہ اٰمین کی طرف سے 20 مشینیں ، اس طرح جملہ 57 مشینیں تقسیم کی گئیں۔

پروگرام کی صدارت کرتے ہوئے جماعت اسلامی ہند کے رکن اور  کنڑا نامہ نگار  جناب محمد رضا مانوی نے بتایا کہ ہومن ویلفیر ٹرسٹ کی جانب سے ہندو مسلم بھائی چارگی میں اضافہ کرنے اور علاقہ میں امن و امان کی فضاء کو بحال رکھنے   مختلف پروگرامس منعقد کئے جاتے رہے ہیں اور خوشی کی بات یہ ہے کہ ایسے پروگراموں میں جب بھی  ہم نے غیر مسلم لیڈران کو مدعو کیا ہے، وہ ہمیشہ  شریک ہوئے ہیں ۔

ہومن ویلفئیر ٹرسٹ مرڈیشور کے صدر ڈاکٹر امین الدین گوڈا نے  ٹرسٹ کا تعارف پیش کرنے کے ساتھ ساتھ ٹرسٹ کی جانب سے  پیش کی جارہی سرگرمیوں کی تفصیلات پیش کیں۔ انہوں نے بتایا کہ ہندو مسلم کی تفریق کئے بغیر ٹرسٹ کی جانب سے  سو غریب گھرانوں میں  ماہانہ راشن فراہم کیا جاتا ہے،  اسی طرح غریب بچوں کو ہر سال  اسکول بُکس، شوز،  بارش کے موسم میں چھتریاں ، سیلاب آنے کی صورت میں  متاثرہ علاقوں کا دورہ کرکے غریبوں کی ہرممکن مدد کی جاتی ہے۔ لڑکوں اور لڑکیوں کو خود کفیل بنانے کے لئے اُنہیں کمپوٹر کورس،  دوپہر کے بعد لڑکیوں کے لئے  کپڑے سلائی کرنے کی تربیت، اچھی لکھاوٹ کی ٹریننگ وغیرہ بھی دی جاتی ہے۔ انہوں نے یہ بھی بتایا کہ جس طرح زمانہ ترقی کرتا ہے، اُسی کی مناسبت سے ہرسال نئے نئے کورسس بھی متعارف کئے جاتے ہیں۔ انہوں نے یہ بھی بتایا کہ رمضان کے موقع پر غریب مسلمانوں کے لئے خصوصی کٹس اور عیدالاضحیٰ کے موقع پر عید کِٹس تقسیم کئے جاتے ہیں،جبکہ عیدالفطر کے فوری بعد غیر مسلمانوں کے ساتھ ایک گیٹ ٹو گیدر پروگرام میں منعقد کیا جاتا ہے۔

پروگرام کا آغاز  مولانا محمد عدنان کی تلاوت کلام پاک سے ہوا، رئیس احمد گنجام نے  ترجمہ پیش کیا، امتیاز ماسٹر نے نظامت کی اور مولانا محمد حُسین کی دُعا پر پروگرام اختتام کو پہنچا۔

 آر این ایس پولی ٹیکنیک کالج کے پرنسپال ایم وی ہیگڈے، وائس   پرنسپال مری سوامی،  ریاض جماعت مرڈیشور کے  صدر جناب کوٹیشور محمد اشفاق صاحب، بھٹکل بی جے پی لیڈر اور آٹو رکشہ یونین کے  صدر کرشنا نائک اور سماجی کارکن شیخ شبر،  اسٹیج پر موجود تھے۔

 

ایک نظر اس پر بھی

کاروار اسپتال سے 12 مزید لوگ ڈسچارج

بھلے ہی  ضلع اُترکنڑا میں کورونا پوزیٹیو کے معاملے ہر روز سامنے آرہے ہوں، لیکن کاروار اسپتال میں ایڈمٹ کورونا کے متاثرین  روبہ صحت ہوکر ڈسچارج ہونے کا سلسلہ بھی برابر جاری ہے۔

اُترکنڑا میں پھر 36 کورونا پوزیٹیو؛ بھٹکل میں بھی کورونا کے بڑھنے کا سلسلہ جاری؛ آج ایک ہی دن 19 معاملات

اُترکنڑا میں کورونا کے معاملات میں روز بروز اضافہ کا سلسلہ جاری ہے اور آج منگل کو بھی ضلع کے مختلف تعلقہ جات سے 36 کورونا کے معاملات سامنے آئے ہیں جس میں صرف بھٹکل سے پھر ایک بار سب سے زیادہ  یعنی 19 معاملات سامنے آئے ہیں۔ کاروار میں 6،  ہلیال میں 3،  کمٹہ، ہوناور ...

دبئی سے بھٹکل و اطراف کے 181 لوگوں کو لے کر آج آرہی ہے دوسری چارٹرڈ فلائٹ؛ رات کو مینگلور ائرپورٹ میں ہوگی لینڈنگ

کورونا وباء اور اس کے بعد ہوئے لاک ڈاون سے  دبئی اور امارات میں پھنسے ہوئے 181 لوگوں کو لے کر آج دبئی سے دوسری چارٹرڈ فلائٹ مینگلور پہنچ رہی ہے۔ اس بات کا اطلاع بھٹکل کے معروف اورقومی سماجی ادارہ مجلس اصلاح و تنظیم کے نائب صدر  جناب عتیق الرحمن مُنیری نے دی۔

منگلورو:گروپور میں منڈلارہا ہے مزید پہاڑی کھسکنے کا خطرہ۔ قریبی گھروں کو کروایا گیاخالی۔ مکینوں میں مایوسی اور دہشت کا عالم

گروپور میں اتوار کے دن بنگلے گُڈے میں پہاڑی کھسکنے سے جہاں  تین  مکان زمین بوس اور دو بچے، صفوان (16سال) اور سہلہ (10سال) جاں بحق ہوگئے تھے وہاں پر مزید پہاڑی کھسکنے کا خطرہ لوگوں کے سر پر منڈلا رہا ہے۔

بھٹکل میں اب کورونا کا قہر؛ 45 معاملات سامنے آنے کے بعدحکام کی اُڑ گئی نیند؛ انتظامیہ نےکیا دوپہر دوبجے سے ہی لاک ڈاون کا اعلان

بھٹکل میں کورونا کو لے کر گذشتہ چار پانچ دنوں سے جس طرح کے خدشات ظاہر کئے جارہے تھے، بالکل وہی ہوا، آج ایک ہی دن 45 کورونا کے معاملات سامنے آنے سے نہ صرف حکام  کی نیندیں اُڑ گئیں بلکہ عوام میں بھی خوف وہراس کی لہر دوڑ گئی۔  حیرت کی بات یہ رہی کہ آج جن لوگوں کے رپورٹس پوزیٹیو ...

خطرے میں اسپین، 95 فیصد آبادی ہو سکتی ہے کورونا کا شکار: تحقیق

کورونا وائرس یعنی کووڈ-19 کے حوالہ سے اسپین میں کی گئی اسٹڈی میں یہ بات سامنے آئی ہے کہ اسپین کی آبادی کا صرف 5فیصد ہی اینٹی باڈیز تیار کرسکا ہے، جس سے یہ بات ثابت ہوتی ہے کہ کورونا سے بچاؤ کے لیے ’ہرڈ امیونٹی‘ حاصل نہیں کی جاسکتی۔

کاروار اسپتال سے 12 مزید لوگ ڈسچارج

بھلے ہی  ضلع اُترکنڑا میں کورونا پوزیٹیو کے معاملے ہر روز سامنے آرہے ہوں، لیکن کاروار اسپتال میں ایڈمٹ کورونا کے متاثرین  روبہ صحت ہوکر ڈسچارج ہونے کا سلسلہ بھی برابر جاری ہے۔