بھٹکل آئی اے ایس فاؤنڈیشن کے زیراہتمام مسابقاتی امتحانات کے لئے بچوں میں بیداری پیدا کرنے منفرد پروگرام : رٹّا مارنے کے بجائے سمجھ کر پڑھیں گے تو کامیابی یقینی

Source: S.O. News Service | By Abu Aisha | Published on 22nd August 2019, 9:06 PM | ساحلی خبریں |

بھٹکل:22؍اگست   (ایس اؤ نیوز) یونین پبلک سروس کمیشن (یوپی ایس سی ) کی جانب سے منعقد ہونےو الے مسابقاتی امتحانات آئی اے ایس، آئی پی ایس وغیرہ کے متعلق طلبا  میں بیداری کرنے اور اُنہیں ان امتحانات میں شریک ہونے  کی ترغیب دینے کےمقصد سے   بھٹکل آئی اے ایس فاونڈیشن کی جانب سے رابطہ ہال میں ایک  تربیتی پروگرام منعقد کیا گیا جس میں مینگلور سے یو پی ایس سی  کے طلبا کو  ٹریننگ دینے والے ماہر   مسٹر دیپک ایل نے طلبا کو مفید مشوروں سے نوازا۔

بدھ کی شام منعقدہ پروگرام میں آٹھویں سے لے کرڈگری تک کے طلبا کو مخاطب کرتے ہوئے مسٹر دیپک نے  بتایا کہ یو پی ایس سی کے امتحان میں طلبا آسانی کے ساتھ کامیاب ہوسکتے ہیں اور یہ کوئی مشکل امتحان نہیں ہے۔ انہوں نے کہا کہ جو طلبا  یہ امتحان دینا چاہتے ہیں ، اُن کے لئے ضروری ہے کہ وہ  اسکولوں میں جو  بھی پڑھائی کرتے ہیں، اُسے صرف سمجھ کر پڑھنا چاہئے۔ انہوں نے کہا کہ صرف رٹّا مار نے اور  زبانی یاد کرنے سے کام نہیں بنے گا، برابر سمجھ کر پڑھائی کریں گے تو یہی عمل  یو پی ایس  سی کے امتحان میں کامیابی دلائی گی۔  انہوں نے کہا کہ لوگوں کے ذہنوں میں اس امتحان کو لے کر بہت ہی  خوف کا ماحول ہے جب کہ یہ امتحانات کو ئی کٹھن مرحلہ نہیں ہیں ، صرف  اچھے  ڈھنگ کے  مطالعہ کے ساتھ امتحان د ینے کی ضرورت ہے۔

 آئی اے ایس کی تربیت دینے والے ماہر تجربہ کار دیپک نے طلبا سے کہاکہ اگر آپ کو  ایسے مسابقاتی امتحانات میں کامیاب ہونا ہے تو پھر اس کی تیاری کے لئے ضروری ہے کہ ہشتم جماعت (8th Std)سے ہی مطالعہ کی شروعات کرنی ہوگی ۔ کیونکہ ان امتحانات کا نصاب 8ویں سے پی یوسی دوم تک کے نصاب پر مشتمل ہوتاہے۔ اور جو طلبا ان امتحانات میں شریک ہونے کا شوق رکھتےہیں انہیں اپنا نصاب صرف زبانی طور پر یاد  نہیں کرنا چاہئے بلکہ ہر مضمون کو سمجھ کر پڑھنا چاہئے تبھی یہ امتحانات آسان ہونگے۔ اور ہر کوئی ان امتحانات میں کامیاب ہوسکے گا۔

دبئی کے ادارہ مواصلات کے ماہر انجینر اور ساحل آن لائن کے ڈائرکٹر  مسٹر کے ایم سمیر نے طلبا  کی نفسیات کے مطابق خطاب کرتےہوئے طلبا سے سوالیہ انداز میں پوچھا کہ اگر آپ اپنی بائک کے ذریعے کہیں جارہے ہیں راستے میں کوئی پولس افسریا آرٹی اؤ افسر نظرآئے تو آپ کیا کریں گے ؟ جب طلبا نے جواب دیا کہ اُنہیں ڈر محسوس ہوگا اور وہ اپنا راستہ بدل دیں گے تو سمیر صاحب نے پوچھا کہ اگر وہی آفیسرآپ کو سلام کرے ، سیلوٹ مارے تو کیسا  محسوس کریں گے تو بچوں نے بتایا کہ اُنہیں فخر محسوس ہوگا، اُسی بات کو آگے بڑھاتے ہوئے جناب سمیر صاحب نے کہا کہ اگر آپ کو اُس مقام پر پہنچنا  ہے تو پھر  آئی اے ایس ، آئی پی ایس آفسر بننا ہوگا۔انہوں نے کہاکہ بھٹکل کے لوگ بے حد ذہین ہوتے ہیں اور ہر میدان میں  ہمارے لوگ کامیاب ہوئے ہیں،البتہ ہمارے لوگوں نے مسابقاتی امتحانات میں کبھی حصہ نہیں لیا ہے،  اگر ہمارے نوجوان بھی اس طرف توجہ دیں  ہم ایسے مسابقاتی امتحانات میں آسانی کے ساتھ  کامیاب ہوسکتےہیں۔ انہوں نے طلبا کو ہدایت دیتے ہوئے کہاکہ طلبا غیر ضروری بہانے بازی سے اسکول و کالجوں سے چھٹی نہ کریں، اپنی خواہشات کو لگام دیں ،ادھر ادھر گھومنے سے پرہیز کریں صرف اپنے مقصد پر فوکس کریں۔ طلبا اگر اعلیٰ منازل و مقام کو حاصل کرنا  اپنا مقصد بنائیں تو پھر کامیابی یقینی ہے۔مسٹر سمیر نے کہا کہ  طلبا اگر کسی بھی اعلیٰ منزل کو پانے کا  تہیہ کرلیں اور اُس پر جی توڑ محنت کریں تو یقینا ً اُنہیں منزل مل کر رہے گی۔ انہوں نے کہا کہ  ملک کے حکومتی اداروں میں مسلمانوں کی آبادی کے مطابق ہماری نمائندگی کی شرح بے حد  کم ہے۔ اگر ہم بھی ملک کی ترقی اور اپنے سماج کے لئے کچھ کرنا چاہتے ہیں تو یو پی ایس سی کا امتحان دے کر بہت ساری  خدمات انجام دے سکتے ہیں۔

بھٹکل آئی اے ایس فاؤنڈیشن کے بانی جیلانی محتشم نے افتتاحی کلمات پیش کرتے ہوئے بتایا کہ ہمارے طلبا کافی باصلاحیت اور قابلیت کے حامل ہیں، انہیں بس رہنمائی کی ضرورت ہے، انہوں نے  ایسے پروگراموں کے ذریعے طلبا کو یو پی ایس سی  کی طرف  راغب کرنے اور آگے بڑھانے کے لئے ہرممکن تعاون فراہم کرنے کا یقین دلایا ۔ انہوں نے بھٹکل کی مختلف جماعتوں کی جانب سے  یو پی ایس سی امتحانات میں شامل ہونے والوں کے لئے کئی ایک اسکالر شپ اسکیم  سے بھی فائدہ اُٹھانے  کی طرف توجہ دلائی اور کہا کہ اس تعلق سے رابطہ آفس یا ساحل آن لائن دفتر پہنچ کر معلومات حاصل کی جاسکتی ہے۔ ڈائس پر ساحل آن لائن کے مینجنگ ایڈیٹر عنایت اللہ گوائی بھی موجود تھے۔ فاونڈیشن کے سرگرم رکن مصعب عابیدہ نے نظامت کے فرائض انجام دئے، علی مفاذ کھروری نے  شکریہ ادا کیا، فاونڈیشن کے رکن نواز خان، مراد اُدیاور و دیگر ذمہ داران بھی موجود تھے۔ پروگرام میں شہر کے مختلف اسکولوں وکالجوں کےسو سے زائد طلبا  شریک ہوئے۔

مینگلور سے تشریف فرما  یو پی ایس سی کے طلبا کو تربیت دینے والے ماہر کوچ مسٹر دیپک ایل کا بھٹکل کے طلبا کو دیا گیا خطاب:

دبئی کے ماہر انجینر جناب سمیرکے ایم   کا بھٹکل کے طلبا کو  دیا گیا خطاب:

 

ایک نظر اس پر بھی

منگلورو: جعلی کرنسی چھاپنے اور بازار میں چلانے والے دو ملزمین گرفتار 

بجپے پولیس اسٹیشن کے افسرا ن نے جعلی نوٹ چھاپنے اور اسے بازار میں چلانے کی کوشش کرنے والے دو ملزمین کو گرفتار کیا ہے اور ان کے قبضے سے جعلی نوٹ، کلر پرنٹر، موبائل فونس اور موٹر سائیکل ضبط کرلیے گئے ہیں۔

کوسموس اسپورٹس سنٹر بھٹکل کے زیراہتمام تعلیمی و تہنیتی ایوارڈ پروگرام کا شاندار انعقاد :وہی علم ،علم ہے جو اللہ سے جوڑے

کوسموس اسپورٹس سنٹر بھٹکل کے زیر اہتمام کوسموس تعلیمی و تہنیتی ایوارڈ کی تقریب بروز جمعرات کی رات 27فروری 2020کو مرکزی خلیفہ جماعت المسلمین بھٹکل کے قاضی مولانا خواجہ معین الدین اکرمی ندوی مدنی کی زیر سرپرستی  خلیفہ محلہ میں کامیابی کے ساتھ  منعقد ہوا۔

گنگولی کی توحید وومنس کالج میں ماحولیات اور قائدانہ صلاحیت پرپروگرام کا انعقاد : طلبا سرکاری منصوبہ جات کو سماج تک پہنچانے میں اہم رول ادا کریں

توحید وومنس ڈگری کالج گنگولی کے زیراہتمام نہرو یوتھ سنٹر اُڈپی، آسرے یوتھ کلب تراسی کے اشتراک سے کالج طلبا میں ماحولیات ،پانی کا غیر ضروری استعمال اور قائدانہ صلاحیت پیدا کرنے کے مقصد کو لے کر ’یوتھ پارلیمنٹ ‘ پروگرام کا انعقاد کیاگیا ۔

کنداپور اور بیندور پولیس نے دبئی سے سونا اسمگل کرنے کے الزام میں بھٹکل کے 13افراد کو کیا گرفتار

دبئی سے کالیکٹ ایئر پورٹ پر اترنے کے بعد غیر قانونی طور پر کاراور ٹرین کے ذریعے سونا اسمگل کرنے کے الزام میں کنداپور اور بیندور پولیس نے بھٹکل سے تعلق رکھنے والے 13افرد کو گرفتار کیا ہے اوران کے قبضے سے تقریباً51لاکھ روپے کا سونا ضبط کیا ہے۔