بھٹکل: ایس پی کے تبادلے کی افواہوں کو ڈسٹرکٹ انچارج منسڑ نے دی مزید ہوا، کہا؛ افسران کے تبادلے کوئی نئی بات نہیں!

Source: S.O. News Service | By Abu Aisha | Published on 27th September 2022, 11:30 PM | ساحلی خبریں |

بھٹکل:27؍ ستمبر(ایس اؤ نیوز) ایماندار افسر کے طورپر مشہور اترکنڑا ضلع ایس پی ڈاکٹر سمن پنیکر کے تبادلے کی افواہوں کو ہوا دیتےہوئے ضلع نگراں کار وزیر کوٹا سرینواس پجاری نے کہاکہ افسران کے تبادلے کوئی نئی بات نہیں ہے۔ دراصل ذرائع سے خبریں موصول ہوئی تھیں کہ بعض سیاستدان ضلع کی ایس پی کا تبادلہ کرانے وزیر اعلیٰ سے ملنے گئے تھے۔ مگر جب وزیر کوٹا سری نواس پجاری سے اس تعلق سے پوچھا گیا تو موصوف نے متعلقہ جواب دے کر اس بات کی گویا تصدیق کرلی کہ تبادلہ کوئی نہیں بات نہیں۔ بتایا جارہا تھا کہ ایس پی کی جراتمندانہ کارروائیوں سے بعض مقامی سیاستدان خوش نہیں ہیں اس لئے ان کا تبادلہ کرانے ہر ممکن کوششوں میں لگے ہیں۔

اخبار نویس کے اس مشورے پر کہ ضلع کی ایس پی ایک ایماندار افسر ہے اور غیر قانونی کاروائیوں کو روکنے میں اہم رول ادا کررہی ہیں،اس لئے ان کا تبادلہ نہیں کیا جانا چاہیے، جواب میں

وزیر موصوف نے کہاکہ سرکاری افسران کے تبادلے عام طورپر ہوتے رہتے ہیں اس میں کوئی نئی یا انوکھی بات نہیں ہے، سرکاری خدمات پر مامور افسران کسی بھی علاقے میں خدمات انجام دینے کےلئے تیار رہتے ہیں۔ حکومت جہاں ضرورت ہوتی ہے وہاں ان کے تبادلے کرتے رہتی ہے، وزیر موصوف کے مطابق ضلع نگراں کار وزیر تک بدلے جاتے ہیں ایسے میں افسران کا تبادلہ کوئی غلط بات نہیں ہے ۔ وزیر نے کہا کہ ایماندار افسران کی دیگر اضلاع کےلئے بھی مانگ رہتی ہے وقت پر اس کو ترجیح دینی ہوتی ہے۔ شہر بھٹکل میں مندر مہادوار کو لے کر ہونے والے تنازعہ اور اتی کرم عمارات کی انہدامی کے تعلق سے رکن اسمبلی کے بیانات کے متعلق پوچھے گئے سوال پر وزیر نے کہاکہ اس سلسلے میں انہیں کوئی جانکاری نہیں ہے۔ اس موقع پر رکن اسمبلی سنیل نائک بھی موجود تھے۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...