بھٹکل:31؍جنوری(ایس اؤ نیوز)بی کام سال اول کے طلبا میں لیپ ٹاپ  تقسیم کئے جارہےہیں، اس منصوبے کو وسعت دیتے ہوئے بی کام فائنل کے طلبا کو بھی لیپ ٹاپ دینے کا مطالبہ لےکر بھٹکل سرکاری ڈگری کالج بی کام فائنل کے طلبا نے جمعرات کو رکن اسمبلی کو میمورنڈم سونپا۔

میمورنڈم میں طلبا نے مانگ کی ہے کہ ہم پچھلے تین برسوں سے لیپ ٹاپ کے انتظارمیں ہیں، ابھی تک ہمیں نہیں دیا گیا ہے،  طلبہ نے مطالبہ کیا ہے کہ جولیپ ٹاپ سال اول کے طلبا کو منظور ہوئے ہیں وہی انہیں  مہیا کئے جائیں۔ اس کے بعد اگر  لیپ ٹاپ  پھر  منظور ہوتے ہیں وہ  سال اول میں زیر تعلیم کو  دیا جائے، میمورنڈم میں بتایا گیا ہے کہ اسی اصول کے مطابق ریاست کے دیگر مقامات پر عمل کیا جارہاہے، وہی بھٹکل میں بھی نافذ کیا جائے۔

میمورنڈم وصول کرنے کے بعد رکن اسمبلی سنیل نائک نے کہاکہ اس سلسلے میں افسران سے بات چیت کرنے  کے بعدوہ مناسب  کارروائی کریں گے۔  بی کام کے طلبا راجیو نائک، بے بی موگیر، دیپیکا گونڈ، ودیا گونڈ، سومیا شری نائک، ونوتا نائک ، پشپا دیواڑیگا، شانتلا کھاروی ، چیتن وغیرہ موجود تھے۔