بھٹکل:27؍ستمبر(ایس اؤ نیوز)جسمانی دولت رکھنے والے کالج طلباکاخون عطیہ کرنا مفید ہے۔ مستقبل کی صحت مندی ، خوشی کے لئے خون کا عطیہ کرناصحت مندی کی علامت ہے۔ کالج طلبا اس طرف خاص توجہ دینےکی بھٹکل اسسٹنٹ کمشنر ساجد ملا نے اپیل کی۔
وہ یہاں سرکاری ڈگری کالج بھٹکل میں سال 2019-2020کے ثقافتی پروگرام ، کھیل مقابلے ، یوتھ ریڈ کراس شاخ اور این ایس ایس اور کالج کے صحن میں منعقدہ خون عطیہ کیمپ کا افتتاح کرنے کے بعد خطاب کررہے تھے۔ انہوں نےکہاکہ دن گزرنے کے ساتھ ساتھ عمرگھٹتی رہتی ہے، جسم اور صحت کوبہتر رکھنے کے لئے خون کا عطیہ دیں تو متحرک رہنے میں مدد ملتی ہے۔شرالی جنتاودیالیا کے پرنسپا ل اے بی رام رتھ نے کہاکہ طلبا کو نصابی کتب کے ساتھ عملی سائنس کا تجربہ رکھنا ضروری ہے۔ ڈاکٹر وینا اور کالج بورڈ کے ایم آر نائک نے اپنے خیالات اظہار کیا۔ کالج پرنسپال سید دستگیر ہلیال نے پروگرام کی صدارت کی۔ ڈائس پر میڈیکل آفیسر ڈاکٹر مورتی راج بھٹ، ڈاکٹر پانڈورنگا نایک، بلدیہ ممبر راگھویندر شیٹھ، میڈیکل ایجوکیشن آفیسر ایریا دیواڑیگا، ضلع ورکنگ جرنلسٹ اسوسی ایشن کے صدر رادھا کرشنا بھٹ، بھٹکل جرنلسٹ اسوسی ایشن کے صدر رام چندرکنی ، رمیش کھاروی ، منجوناتھ کھاروی ، راجیش نائک ، شیوانی شانتارام، روی نائک جالی، فریندس جم کے وینکٹیش نائک، وویک بھٹ، راجیش مہالے وغیرہ موجود تھے۔ آئی کیو سی کی ناظمہ ڈاکٹر بھاگیرتھی نائک نے افتتاحی کلمات پیش کیں۔ یوتھ ریڈ کراس کے ناظم پروفیسر نرسپا کے سی نے استقبال کیا۔ پریما نے نظامت کی، نیتراوتی نائک نے مہمانوں کا تعارف پیش کیا۔