بھٹکل : گڈلک روڈ کی درستی و نئے تارکول بچھانے کا مطالبہ لے کر علاقائی عوام کا رکن اسمبلی کو میمورنڈم
بھٹکل:07؍دسمبر(ایس اؤ نیوز)جالی پٹن پنچایت حدود کے گڈلک روڈ اور ہندو کالونی کراس کی سڑک برباد ہونے جانے پر اس کی دوبار ہ درستی اور تارکول بچھانے کا مطالبہ لے کر بھٹکل کے رکن اسمبلی سنیل نائک کو علاقے کے عوام نے میمورنڈم سونپا۔
رکن اسمبلی کو دئیے گئے میمورنڈم میں منگ کی گئی ہے کہ گڈلک اور ہندو کالونی کی روڈ پوری طرح برباد ہوگئی ہے، سڑک کی تارکول نکل گئی ہے جہاں تہاں گڑھے ہوگئے ہیں، جس کے نیتجےمیں راہ گیروں اور سواریوں کو گزرنےمیں مشکلات کا سامنا ہے۔ سڑک کی خستہ حالت اور گڑھے بائک سواروں کے لئے حادثے کو جگہ دے رہےہیں، قریب 700میٹر لمبی سڑک اور سڑک سے متصل اندرونی نالیاں بھی خراب ہوگئی ہیں، بارش کے موسم میں پانی بھر جانے سے بچوں اور بڑھوں سمیت سواریوں کا گزرنا مشکل ہوجاتاہے۔ ان وجوہات کوسامنے رکھتےہوئے ہم آپ سے درخواست کرتے ہیں کہ سڑک کی درستی کرتے ہوئے دوبارہ تارکول بچھائیں اور عوام کے لئے راحت پہنچائیں۔ اس موقع پر مسعود شینگیری ، فروا ایم جے ،ریحان اسر مٹا، معاویہ ، محمد مقبول وغیرہ موجود تھے۔