دبئی میں بھٹکل کی طالبہ فاطمہ امل کی شاندار کامیابی؛ بارہویں میں حاصل کئے 98.2 فیصد مارکس
بھٹکل یکم اگست (ایس او نیوز) دبئی میں مقیم بھٹکل سے تعلق رکھنے والی فاطمہ امل نے بارہویں کے سینٹرل بورڈ آف سکینڈری ایجوکیشن (CBSE) میں 98.2 فیصد کے ساتھ شاندار کامیابی درج کرتے ہوئے نہ صرف بھٹکل بلکہ پورے ملک کا نام روشن کردیا ہے۔
سینٹرل اسکول دبئی میں تعلیم حاصل کرتے ہوئے فاطمہ امل اپنے اسکول میں بھی اول رینک سے کامیابی پائی ہے۔ حاجرہ سُواد اور عبدالقادر اشتیاق محتشم کی دُختر فاطمہ امل نے Vocational stream میں یہ کامیابی حاصل کی ہے ۔ بتایا گیا ہے کہ یہ کامرس جیسا ہی ایک شعبہ ہے جس میں سیلس مین شپ، بزنس اسٹڈیس، انگلش اور ہوم سائنس وغیرہ سبجیکٹ ہیں۔
فاطمہ امل نے اپنی ابتدائی تعلیم بھی دبئی کے اسی سنٹرل اسکول سے حاصل کی، اب وہ دینی تعلیم حاصل کرنے کی خواہشمند ہے جس کے لئے اس نے اسلامک یونیورسٹی جوائن کی ہے۔
بارہویں میں 98.2 فیصد سے شاندار کامیابی درج کرنے پر قائد قوم جناب ایس ایم سید خلیل الرحمن کے ساتھ ساتھ دبئی جماعت کے صدر جناب اشفاق سعدا اور جنرل سکریٹری جناب یوسف برماور سمیت جماعت کے دیگراراکین نے طالبہ فاطمہ امل سمیت اس کے والدین کو بھی مبارکباد پیش کی ہے اور مستقبل میں بھی مزید کامیابیوں کے لئے نیک تمناوں کا اظہار کیا ہے۔