بھٹکل:3/مارچ    (ایس او نیوز) ایس ایس ایل سی پرائیویٹ امتحان کے لئے نیشل پبلک اسکول اسکول پہنچی پڑوسی علاقہ  بیندور کی نابالغ لڑکی کے ساتھ کار میں لے جا کر جنسی ہراسانی کئے جانے کے معاملے کو لے کر درج کئے گئے کیس کے تین ملزمان میں سے ایک ملزم بندرروڈ پر واقع نیشنل پبلک ہائی اسکول کے لکچرر ندیم مُلّا (44)  کو پولس نے گرفتارکرلیاہے جب کہ پرنسپال شکیل مُلّا (48)  اور کارڈرائیور جس کی شناخت نہیں ہوپائی ہے،  ابھی تک فرارہیں جن کی گرفتاری کے لئے پولس نے جال بچھادیا ہے۔

ملزم ندیم مُلّا  اسکول کے اندر موجود ہونے کی اطلاع پا کر پولس جمعہ کی دوپہر 12بجے سے ہی وارنٹ لے کر اسکول پہنچی تھی ، لیکن پولس کی گرفتار ی کے خوف سے ندیم اسکول کے اوپری حصہ میں جاکر نیچے والی سیڑھی کے گیٹ کو اندر سے بند کردیا اور گرفتاری سے بچنے کی کافی کوشش کی۔ اسکول کے باہر پولس نےبھی  سخت سکیورٹی کا انتطام کرکے ندیم کے باہر نکلنے کا  شام تک انتظار کرتی بیٹھی رہی ، لیکن وہ باہر نہیں نکلا۔ معاملہ کی خبر پھیلتے ہی سینکڑوں لوگ اسکول کے باہر جمع ہونے لگے۔ شام 5بجے کے بعد پولس بھٹکل ڈی وائی ایس پی شیوپرساد کی قیادت میں دروازہ توڑ کر گرفتاری کی تیاری کرنے لگی تو کمرے کے اندرسے ملزم نے دروازہ نہ توڑنے کی اپیل کرتے ہوئے باہر نکلا۔ پولس نے بھی اس کی بات مانتے ہوئے باہر نکلنے کے بعد گرفتارکرلیا۔ اسی وقت ملزم ندیم ملانے میڈیا کے سامنے بات کرتے ہوئے کہاکہ اُن کے خلاف سازش رچی جارہی ہے۔ لڑکی  نے اپنی  شکایت میں جس کار کا نمبر دیا ہے وہ ہماری نہیں ہے، ندیم نے بتایا کہ اُنہیں  عدالت پر بھروسہ ہے، اور سچ کیا ہے ظاہرہوجائے گا۔ میڈیکل ٹسٹ کے بعد ملزم کو ضلعی عدالت میں پیش کرنے کے لئے کاروار سیشن کورٹ لے جایا گیا ہے۔ گرفتاری کے موقع پر بھٹکل سی پی آئی سریش نایک پی ایس آئی کوڈگنٹی سمیت پولس بس سمیت تین جیپ موجود تھی، جبکہ احتیاطی طور پر 108  ایمبولنس کو بھی بلوایا گیا تھا۔ 

ندیم مُلا کی گرفتاری کی وڈیو رپورٹ :

اس خبر سے منسلک پہلے شائع شدہ خبر :

بھٹکل میں نابالغ طالبہ کے ساتھ عصمت دری کی کوشش؛ شکیل مُلاسمیت تین کے خلاف شکایت درج