بھٹکل  :31/جولائی (ایس اؤ نیوز) رفعت گیسایجنسی بھٹکل اور انڈین گیس ایجنسی کے اشتراک سے تعلقہ کے سرکٹ ہاؤس میں اجولا منصوبے کے تحت پسماندہ طبقات اور  ذات  اور انتودیا کارڈ کے مستفیدین میں گیس چولھا اور گیس سلینڈر کی تقسیم کاری پروگرام کا انعقاد ہوا۔

مستفیدین میں گیس سلینڈر تقسیم کرنے کے بعد رکن اسمبلی سنیل نائک نے خطاب کرتے ہوئے کہاکہ  دیہی علاقوں کے عوام پر دھوئیں سے ہونے والے برے اثرات کو دیکھتے ہوئے مرکزی حکومت اجولا گیس منصوبہ  جاری کیاہے، عوام منصوبے سے  بہتر استفادہ کر یں۔ 

رکن اسمبلی نے کہاکہ ہمیشہ دھوئیں میں رہنے سے آنکھیں اور پھیپھڑوں کو نقصان ہوتاہے، عوام کو بیماریوں میں مبتلا ہوتے دیکھ کر ہی متعلقہ منصوبے کو جاری کرنے کی بات کہتے ہوئے کہا کہ یہ منصوبہ وزیرا عظم کا ایک خواب تھا۔ 5برسوں پہلے گیس سلینڈر کے لئے چکر کاٹنے اور سفارش کرنی پڑتی تھی۔ اب حالات بدل گئے ہیں عام عوام کو جدید ٹکنالوجی سہولیات سے آراستہ اسپتالوں میں علاج کے لئے صحت کارڈ دیا جارہاہے، عوام اس کارڈ بھی فائدہ حاصل کرنے کی بات کہی۔رنجن گیس ایجنسی کی مالکن شیوانی شانتا رام نے استقبال کرتے ہوئے افتتاحی کلمات پیش کئے ۔ تعلقہ پنچایت ممبر پاشور ناتھ جین، ہنومنت نائک، مالتی موہن دیواڑیگا، کرشنا نائک آسارکیری ، رفعت ایجنسی کے نابط دامدا وغیرہ موجود تھے۔اس سے قبل فائر برگیڈ کے آفیسر رمیش کمار نے گیس سلینڈر سے اچانک آگ بھڑکنے پر تحفظاتی اقدامات کے متعلق جانکاری دی ۔