بھٹکل میں محکمہ جنگلات کے افسران کے ساتھ اجلاس میں احتجاجی کمیٹی کے صدر رویندرا ناتھ کی شرکت

Source: S.O. News Service | By Shahid Mukhtesar | Published on 13th April 2019, 11:31 PM | ساحلی خبریں |

بھٹکل 13؍اپریل (ایس او نیوز) محکمہ جنگلات کے دفتر میں افسران اور جنگلاتی زمین کے اتی کرم داروں کے ساتھ ایک مشترکہ اجلاس منعقد کیا گیا جس میں جنگلاتی زمین کے حقوق کی جدوجہد کرنے والی ہوراٹا سمیتی کے ضلع صدر رویندرا ناتھ نے شرکت کی۔

اس موقع پر انہوں نے کہا کہ یہ خبر عام ہوئی ہے کہ محکمہ جنگلات کے افسران نے بھٹکل تعلقہ کے 1863اتی کرم داروں کو ان کے قبضے والی زمینوں سے بے دخل کرنے کے لئے حکومت کو سفارش بھیجی ہے۔ مگر اس بات میں کوئی سچائی نہیں ہے۔اگر کبھی اتی کرم داروں کواس طرح بے دخل کرنے کا قدم اٹھایا گیا تو پھر ہوراٹا سمیتی کی جانب سے ہر قسم کا احتجاج شروع کیا جائے گا۔انہوں نے کہا کہ جس زمین پر لوگ رہائش اختیار کرکے 30سے40 برس کا عرصہ گزر چکا ہے۔ گھروں کے ٹیکس اداکیے جارہے ہیں۔ اتی کرم کو سکرم کرنے کی درخواستیں جمع کی گئی ہیں۔ جی پی ایس کا عمل بھی کیا گیا ہے۔اس کے باوجود محکمہ جنگلات کے افسران غریب اتی کرم داروں کو ایک باتھ روم تک باندھنے کی اجازت نہیں دے رہے ہیں۔ان کے خلاف مسلسل ظلم وستم کیا جارہا ہے۔ جبکہ امیر اتی کرم داروں کی طرف سے افسران آنکھیں موند لیتے ہیں۔ رویندرانائک نے محکمہ جنگلات کے افسران سے مطالبہ کیا کہ غریب اتی کرم داروں کو انصاف دلانے کا کام کریں۔

اس پر ردعمل ظاہر کرتے ہوئے اے سی ایف بالچندرا نے کہا کہ اتی کرم کے معاملے میں بھٹکل اور ضلع کے دوسرے تعلقہ جات میں بڑا فرق نظر آرہا ہے۔ قبضہ کی گئی زمین پر اتی کرم داروں کی رہائش اہم بات ہوتی ہے۔اتی کرم داروں کو بے دخل کرنے کے لئے حکومت سے کی گئی سفارش کا معاملہ پرانا ہے۔ دوبارہ اس پرکا جائزہ لینے کا کام کیا جارہا ہے۔ پرانا قبضہ داروں کو تنگ کرنے کا کام ہم نہیں کررہے ہیں۔ ماضی میں چند معاملات میں فوجداری مقدمات درج ہوئے ہیں اوراس تعلق سے قانونی کارروائی شروع ہوئی ہے جس کی وجہ سے کچھ مسائل کھڑے ہوگئے ہیں۔ 

اس موقع پر اتی کرم ہوراٹا سمیتی بھٹکل تعلقہ صدر راما موگیرکے علاوہ رضوان، عبدالقیوم، دیوراج وغیرہ موجود تھے۔

ایک نظر اس پر بھی

بیلتنگڈی : ریاست میں لگی ہے غیر اعلان شدہ ایمرجنسی ۔ کانگریسی لیڈر وسنت بنگیرا کا الزام

مندروں کو منہدم کرنے کی ریاستی  پالیسی کے خلاف احتجاجی مظاہرے سے خطاب کرتے ہوئے سابق ایم ایل اے اور کانگریسی لیڈر وسنت بنگیرا نے الزام لگایا کہ حکومت کی طرف سے  ریاست میں غیر معلنہ ایمرجنسی نافذ کی گئی ہے جس کے چلتے احتجاجی مظاہرے منعقد کرنے میں رکاوٹ پیدا کی جارہی ہے ۔

بھٹکل : ضلع شمالی کینرا میں بجلی سربراہی کی مسئلہ پر وزیر توانائی کے ساتھ اراکین اسمبلی نے کی گفتگو

کرناٹکا ودھان سودھا میں اسپیکر وشویشورا ہیگڈے کاگیری اور ضلع شمالی کینرا انچارج وزیر شیورام ہیبار کی موجودگی میں کمٹہ، ہلیال اور بھٹکل کے اراکین اسمبلی نے وزیرتوانائی سنیل کمار سے ملاقات کی اور کاروار، انکولہ سرسی، ہوناوراور بھٹکل جیسے مقامات بجلی سربراہی سے متعلق مسائل ...

بھٹکل : سمیع اللہ اِٹّل پھر ایک بار شاہین اسپورٹس سینٹر کے صدرمنتخب ؛ جسّاد سعدا ندوی کا جنرل سکریٹری کے طور پر انتخاب

بھٹکل مخدوم کالونی  کے  شاہین اسپورٹس سینٹر کے لئے سمیع اللہ اِٹّل     پھر ایک بار صدر کے عہدہ پر منتخب ہوگئے جبکہ  مولوی  جسّاد سعدا ندوی کا جنرل سکریٹری کے طور پر انتخاب عمل میں آیا۔ عہدیداران کا انتخاب جمعرات  بعد نماز عشاء   فاطمہ علی  ہال میں منعقد ہوا۔

بھٹکل : بلدیہ ملازمین کے لئے مکانات کی تعمیر سست روی کا شکار

بھٹکل ٹاون میونسپالٹی میں صفائی کرمچاری کی ذمہ داری انجام دینے والے ملازمین کے لئے رہائشی اسکیم کے تحت جو مجوزہ مکانات کی تعمیر سست رفتاری کا شکار ہوگئی ہے اور ملازمین کے لئے گھروں کا بندوبست ابھی تک ادھورا خواب بنا ہوا ہے۔

مینگلور: ہندتوا کے نام پر اقتدار پانے والی حکومت پورے دیش کو برباد کر سکتی ہے : ایچ جے وی کے بانی صدر رمیش شیٹی نے ظاہر کیا خدشہ

میسور میں ہوئے مندرانہدام کی مذمت میں ریاستی حکومت کے خلاف منعقدہ احتجاجی مظاہرے سے خطاب کرتے ہوئے ہندو جاگرن ویدیکے کے بانی صدر رمیش شیٹی تمیروڈی نے کہا کہ ہندوتوا کے نام پر اقتدار پر آنے والی مرکزی حکومت دیش کی املاک فروخت کرنے میں لگی ہوئی ہے اور ایسا لگتا ہے کہ آنے والے ...