بھٹکل :24؍اکتوبر(ایس اؤ نیوز) مچھلی شکار کے لئے سمندر میں اُتری  ایک ماہی گیر کشتی بھٹکل بندرگاہ کی طرف لوٹنے کے دوران طوفانی لہروں کی لپیٹ میں آکر خطرےمیں پھنس گئی تھی مگر  کافی کوششوں کے بعد واپس  بندرگاہ پہنچنے میں کامیاب ہوگئی، یہ واقعہ جمعرات کو  پیش آیا ۔

منگلورو کی’ گرین سلور ‘نامی بوٹ سمند رمیں مچھلی شکار کے دوران زبردست سمندری  طوفان کا خطرہ محسوس کرتےہوئے بھٹکل بندرگاہ کا رخ کرنے لگی،  مگر اس دوران دیپ استھمب پہاڑ کے قریب کشتی کئی بار پلٹنے کے قریب ہوگئی۔ البتہ  کشتی پر  سوار ماہی گیروں کی مسلسل کوششوں  کے نتیجےمیں کشتی بحفاظت پارلگ گئی۔

بحر عرب میں اگلے 48 گھنٹوں تک طوفان کا اندیشہ ظاہر کئے جانے کی  وجہ سے ماہی گیروں کو  سمندر میں نہ  اترنے  کی ہدایت دی گئی ہے۔