بھٹکل:09؍اپریل(ایس او نیوز)بھٹکل ایکسائز محکمہ کے افسران نے منگل کی صبح تعلقہ کے مختلف مقامات پر چھاپہ  ماری کرتےہوئے ہزاروں روپئے  مالیت کی غیرقانونی دیسی شراب ضبط کرلیا ہے۔

منگل کی صبح ایکسائز افسران نے تعلقہ کے کونار گرام پنچایت حدود کے ہڈیل سبَّتی فاریسٹ علاقے میں چھاپہ مار کر ہزاروں روپئے کی دیسی شراب ضبط کرلینے کی اطلاعات موصول ہوئی ہیں۔ ضبط شدہ اشیاء  میں 39000لیٹر دیسی شراب اور 90000لیٹر کچی شراب شامل ہے جس کی قیمت 18150روپئے اندازا کی گئی ہے۔ ملزم فرار بتائے گئے  ہیں جن کی گرفتاری کے لئے تلاش جاری رہنے کی ذرائع نے خبر دی ہے۔ ایکسائز انسپکٹر سیما، عملہ چندر شیکھر ، نارائن ، مہادیو ، ناگیش ، ناگراج کارروائی میں شریک تھے۔ لوک سبھا انتخابات کے پیش نظر ایکسا ئز محکمہ کے افسران مختلف دیسی شراب کے اڈوں پر لگاتار چھاپہ ماری کررہے ہیں۔