بھٹکل کے ڈی وائی ایس پی ولنٹائن ڈیسوزا کا تبادلہ
بھٹکل:6؍ستمبر(ایس اؤ نیوز)بین الاقوامی شہرت یافتہ باڈی بلڈر،صدرہند تمغہ کے ایوارڈ یافتہ ،بھٹکل ڈی وائی ایس پی ولنٹائن ڈیسوزا کا محکمہ پولس کی جانب سے تبادلہ کیاگیا ہے۔ جمعہ کو ان کی جگہ آئی پی ایس آفیسر نکھیل بی نے چارج دیا گیا ہے۔ ولنٹائن ڈیسوزا کا اب مینگلور تبادلہ کیا گیا ہے۔
بھٹکل میں ڈی وائی ایس پی ڈیسوزا کا دور بہت ہی بہتر ین اور پرامن رہا ، کیونکہ جب ان کا تبادلہ ہواتو اس وقت تک یہاں بھٹکل میونسپالٹی کی دکانوں کے نیلامی کا ہنگامہ ، ہوناور میں پریش میستا کی مشتبہ موت، اس کے بعد ہونے والے فسادات ، آگ زنی جیسے معاملات ٹھنڈے ہوچکے تھے۔وہ یہاں شہری سطح پر سواریوں کی پارکنگ کانظام بہتر بنانے میں کامیاب رہے۔ اسی طرح محکمہ پولس کا رعب داب بھی دیگر محکمہ جات کی طرح تھا جس سے عوام ان کے کافی قریب نظر آیے۔
گزشتہ ایک مہینےسے ولنٹائن ڈیسوزا کے تبادلے کو لےکر باتیں ہورہی تھیں، ساتھ ہی بھٹکل میں امن و امان کو دیکھتے ہوئے ڈی وائی ایس پی بھی بھٹکل میں ہی رہنے کو ترجیح دیتے ہوئے منگلورو سے رابطہ میں رہنے کی خبریں بھی تھیں۔ اسی دوران ریاستی حکومت نے اچانک آئی پی ایس آفیسر بی نکھیل کو اے ایس پی کے طورپر بھٹکل تبادلہ کرتے ہوئے سرکلر جاری کیا تو رات کو ہی بنگلورو سے نکل کر نکھیل صبح صبح بھٹکل پہنچ گئے۔