بھٹکل:5؍فروری(ایس اؤ نیوز)شہر کی شری گرو سدھیندرا ڈگری کالج بھٹکل میں کرناٹکا یونیورسٹی دھارواڑ سے ملحق ڈگری کالجوں کے تھرڈ زونل والی بال (مرد) ٹورنامنٹ  کا انعقاد ہوا۔ جس  میں کمٹہ کی اے وی بالیگا آرٹس اینڈ سائنس کالج نےفائنل میں سداشیو گڑھ کی بی جی وی ایس کالج کو شکست دیتے ہوئے  چمپئین شپ کا خطاب جیت لیا۔

بھٹکل سرکاری پی یوکالج کے پرنسپال وسنت راؤ گاؤنکر نے ٹورنامنٹ کا افتتاح کرنے کے بعد کہاکہ اترکنڑا ضلع کھیل مقابلوں میں ہمیشہ آگے رہاہے، کئی بہترین کھلاڑی یہاں سے ابھرے ہیں، تعلیم ذہنی راحت و سکون دیتی ہےتو کھیل جسمانی صحت عطا کرتا ہے۔ بھٹکل روٹری کلب کے سکریٹری شری نواس پڈیار نے مہمان خصوصی کی حیثیت سے بات کرتے ہوئے کہاکہ کھیل قائدانہ صلاحیتوں کو فروغ دیتا ہے اور آپسی تعاون کا جذبہ پیدا کرتاہے، یہی زندگی کا اہم سبق ہے۔ بھٹکل ایجوکیشن ٹرسٹ کے صدر ڈاکٹر سریش نایک نے پروگرام کی صدارت کی۔ ٹرسٹی مینجر راجیش نایک موجود تھے۔

پرنسپال شری ناتھ پائی نے استقبال کیا۔ بی بی اے کالج کے نائب پرنسپال وشوناتھ بھٹ نے شکریہ اداکیا۔ طالبہ پرتیکشھا نے نظامت کے فرائض انجام دئیے ۔ ٹورنامنٹ میں اترکنڑا ضلع کی  13سے زائد ٹیمیں شریک ہوئی تھیں۔