بھٹکل میں اترکنڑاضلع کے بہترین استادایوارڈ پروگرام کا انعقاد
بھٹکل:5؍ستمبر(ایس اؤ نیوز)اترکنڑا ضلع انتظامیہ ، ضلع پنچایت اترکنڑا، تعلیمات عامہ ، ڈپوٹی ڈائرکٹر دفتر اترکنڑا اور بی ای اؤ دفتر بھٹکل کے اشتراک سے شہر کے کملاوتی رام ناتھ شانبھاگ ہال میں منعقدہ یوم ِ اساتذہ پروگرام میں ضلع سطح کے بہترین استاد ایوارڈ سے نوازاگیا۔
پروگرام میں لوئر پرائمری زمرے میں بھٹکل سے ڈی کے الویکوڑی ،کاروار کے نارائن ٹی گنگی، انکولہ کی مالنی نائک، کمٹہ کے وینکٹ رایا نایک، ہوناور کے للتا کے نائک، ہائی اسکول زمرے میں سبرامنیا شیروگار،انکولہ کی انیتا باڈکر، کمٹہ کے دیانند دیش بھنڈاری، ہوناور کے شنکر ہریکانت اور بھٹکل کی ریشما وٹھوبانایک کو ایوارڈ سے نوازاگیا۔
پروگرام کی صدارت کرتےہوئے رکن اسمبلی سنیل نائک نےکہاکہ کسی بھی شخص کے پیچھے استاد اور سامنے منزل ہوتو اس کی کامیابی یقینی ہوتی ہے۔ ملک کی تعمیر و تبدیل صرف اساتذہ سے ممکن ہونےکی بات کہی۔ انہوں نے بھٹکل میں ’گروبھون ‘ کی تعمیر کے لئے رکن اسمبلی فنڈ سے 5لاکھ روپئے کی امداد دینے کا اعلان کیا۔بھٹکل اسسٹنٹ کمشنر ساجد ملا نے خطاب کرتے ہوئے کہاکہ اساتذہ کے لئے ضروری ہوتاہے کہ وہ ہرمرحلے پر طلبا کو جدت طریقہ کار اپناتے ہوئے انہیں ترغیب دینےکی صلاح دی۔ ضلع تعلیمات عامہ اور کمٹہ ڈائٹ کے ڈپوٹی ڈائرکٹر ایشورنائک اور ضلع پنچایت صدر جئے شری موگیر ،بھٹکل اربن بینک کے جنرل مینجر سبھاش شٹی نے بھی اپنے خیالات کااظہار کیا۔ ڈائس پر ضلع پنچایت ممبر سندھوبھاسکرنائک، تعلقہ پنچایت ممبران جئے لکشمی گونڈ، میناکشی نائک، وشنو دیواڑیگا، نارائن نائک، شریکانت ہیگڈے ،بی ای اؤ منجی ،یلما، شنکر نائک ،انجن گیس ایجنسی کی مالک شیوانی شانتا رام وغیرہ موجود تھے۔ منجوناتھ نے استقبال کرتے ہوئے افتتاحی کلمات پیش کئے تو پرمیشور نائک، راگھویندر مڈیوال اور منجولا شیرور نے نظامت کے فرائض انجام دیتےہوئے شکریہ اداکیا۔