بھٹکل : بس اسٹائنڈ سے متصل خالی جگہ پر پارکنگ  سہولت کا مطالبہ  ۔ ٹیکسی ڈرائیورس اور مالکان نے دیا اے سی اور تحصیلدار کو میمورنڈم 

Source: S.O. News Service | Published on 13th October 2021, 12:48 PM | ساحلی خبریں |

بھٹکل ،13؍ اکتوبر (ایس او نیوز) ٹیکسی ڈرائیور اور مالکان یونین کی طرف سے بھٹکل اسسٹنٹ کمشنراور تحصیلدار کو میمورنڈم دیتے ہوئے شکایت کی گئی انہیں نیشنل ہائی وے کنارے  پر اپنی گاڑیاں پارک کرنے کے لئے مناسب جگہ کا انتظام  نہیں ہے ۔
    
میمورنڈم میں کہا گیا ہے کہ بھٹکل تعلقہ ٹیکسی ڈرائیوراور مالکان کی یونین میں 250 سے زائد اراکین کی ٹیکسیاں موجود ہیں ۔ تقریباً 25 سال سے بس اسٹینڈ کے سامنے والی جگہ پر یہ گاڑیاں پارک کی جاتی ہیں ۔ چونکہ اب نیشنل ہائی وے 66 کی توسیع ہورہی ہے اس سے ان گاڑیوں کی پارکنگ کے لئے مناسب جگہ نہیں رہی ہے ۔ اس وجہ سے بس اسٹائنڈ سے متصل جو خالی جگہ ہے وہاں ٹیکسیاں پارک کرنے کا انتظام کیا جائے ۔ بس اسٹائنڈ سے متصل ہی ٹیکسی پارکنگ ہونے  سے دور دراز مقامات سے آنے والے مسافروں اور معمر شہریوں کے لئے ٹیکسی کرایے پر لینے میں بہت آسانی ہوگی ۔ میمورنڈم میں اس درخواست کو قبول کرتے ہوئے جلد ہی ٹیکسی پارکنگ کی سہولت فراہم کرنے کی گزارش کی گئی ہے۔
    
اس موقع پر یونین صدر فیصل پیرزادے، نائب صدر اودئے نائک کے علاوہ یونین کے اراکین روی نائک، رمیش نائک، سرفراز، جگدیش نائک، موہن نائک وغیرہ موجود تھے ۔

ایک نظر اس پر بھی

بھٹکل کے اعلیٰ افسران کے خلاف ہتک ذات مقدمہ درج ہونے کا معاملہ : سرکاری ملازمین سنگھا کی کڑی مذمت

18اکتوبر کو بھٹکل میونسپالٹی کے دکانوں کی نیلامی میں شریک ہوئے بھٹکل اسسٹنٹ کمشنر، تحصیلدار اور چیف آفیسر کے خلاف بغیر کسی وجہ کے ، غیرقانونی طورپر ہتک ذات کا معاملہ درج کئےجانے کی کرناٹکا ملازمین سنگھ بھٹکل شاخ نے مذمت کی ہے۔

کاروار: طلبا اور روزگار وں کےلئے تعلقہ ، ضلعی ، ریاستی اور قومی سطح کا تقریری مقابلہ : 18سے 29سال کی عمر والے توجہ دیں؛ قومی سطح پر اول آنے پر دولاکھ روپیہ انعام

یوتھ اینڈ اسپورٹس وزارت کے تعاون سے نہرو یوا کیندر کی جانب سے تعلقہ ، ضلع، ریاستی اور قومی سطح پر ہندی اور انگریزی زبانوں میں  تقریری مقابلوں کا انعقاد کئے جانے نہرو یوا کیندر کے ذمہ داروں نے پریس ریلیز کے ذریعے جانکاری دی ہے۔

بھٹکل جماعت اسلامی ہند اور سدبھاؤنا منچ بھٹکل کے اشتراک سے’حضرت محمد  ﷺ مثالی رہنما‘ کے عنوان پر پروگرام کا انعقاد

آخری نبی حضرت محمد ﷺ کی تعلیمات کو ریاستی عوام کے سامنے پیش کرنےکی غرض وغایت لے کر جماعت اسلامی ہند کرناٹکا کی طرف سے 17سے 26اکتوبر تک منائی جارہی ’سیرتؐ مہم ‘ کی مناسبت سے بھٹکل کے دعوت سنٹر میں 26اکتوبر بروزمنگل کو  منعقدہ سیرت پروگرام میں مقررین نے اپنے خیالات کا اظہار ...

بھٹکل ہیبلے گرام پنچایت انتظامیہ پر رشوت خوری کا الزام : خصوصی میٹنگ میں الزام ثابت کرنے کا مطالبہ

تعلقہ کے ہیبلے گرام پنچایت کے چند ممبران نے گرام پنچایت انتظامیہ  پر رشوت خوری کا الزام عائد کئےجانےکو لےکر ہیبلے پنچایت ہال میں پنچایت ممبران کی  خصوصی میٹنگ منعقد ہوئی ۔