بھٹکل:07؍اکتوبر(ایس اؤ نیوز)وزیر اعلیٰ کا حلف لیتے ہی بی ایس یڈیورپا نے ماہی گیروں کے قرضہ جات معاف کرنے کا اعلان کیاتھا، لیکن ابھی تک قرضہ معاف کی کارروائی شروع نہیں ہونے سے ماہی گیر طبقہ کو مشکلات کا سامنا ہے۔ حکومت اس معاملے میں دیری کئے بغیر قرضہ معاف اسکیم کو نافذ کرنے کا بھٹکل تعلقہ مینوگارر سہکاری سنگھ وکوٹا کے صدر وٹھل دئیمنے نے مطالبہ کیا ہے۔
وہ یہاں پرائیویٹ ہوٹل میں پریس کانفر نس میں بات کرتےہوئے انہوں نےکہاکہ سمندرمیں مچھلیوں کی قلت سے ماہی گیر طبقہ پہلے سے ہی پریشان حال ہے، قرضے لوٹانا ان کے لئے محال ہے، ان حالات میں وزیراعلیٰ نے قرضہ معاف کا اعلان کیا تھاتو ایک گونہ راحت ملی تھی اور امید بھی جگی تھی ۔ پھر اس کے بعد یکم اگست کو سہکاری سنگھ کے عہدیداران اور افسران کے ساتھ منعقدہ میٹنگ میں قرضہ داروں کی فہرست تیار کرنے کہاگیا تھا۔ مگر افسوس ابھی تک یہ کارروائی شروع ہی نہیں کی گئی ۔ کسانوں کی طرح ماہی گیر بھی ملک کی جائیداد ہیں، ضلع نگراں کاروزیر ، ارکان اسمبلی ، ودھان پریشد ارکان ، ایم پی وغیرہ سبھی مل کر حکومت پر دباؤ ڈال کر عوام سے انصاف کرنے کی اپیل کی ہے۔ اس موقع پر چولراج ، راجیش ہریکانت، راماموگیر، گنپتی موگیر وغیرہ موجود تھے۔