میں گوشت خورہوں، گوشت کھانے میں کیا حرج ہے؟ اپوزیشن لیڈر سدارامیا
بنگلورو، 22؍اگست (ایس او نیوز) میں ایک گوشت خور ہوں، گوشت کھانے میں کیا حرج ہے؟ آپ کی خوراک آپ کی ہے، ہماری خوراک ہماری ہے۔ یہ باتیں ریاستی قانون ساز اسمبلی میں اپوزیشن لیڈر سدارامیا نے کہیں۔
بروز اتوار چکبالا پور شہر میں صحافیوں سے بات کرتے ہوئے انہوں نے کہا کہ جس دن وہ مڈکیر گئے تھے اس دن انہوں نے گیسٹ ہاؤس میں دوپہر کا کھانا کھایا تھا۔ میں شام کو مندر گیا۔
انہوں نے سوال کرتے ہوئے کہا کہ کیا خدا نے کہا کہ ایسی ہی چیز کھا کر میرے سامنے آنا؟ انہوں نے اعتراض کرنے والوں پر کڑی تنقید کرتے ہوئے کہا کہ رات کو گوشت کھا کر صبح مندر جاسکتے ہیں تو دوپہر کو گوشت کھا کر شام کو مندر کیو نہیں جاسکتے۔
انہوں نے بی جے پی پر تنقید کا نشانہ بناتے ہوئے کہا کہ بی جے پی کو دہی کنکریاں نکالنے کا شوق ہے ۔ جہاں کچھ ہوگا وہاں وہ لوگ زہر ملا دیتے ہیں۔
انہوں نے ایک سوال کا جواب دیتے ہوئے کہا کہ ان کی کار پر انڈا پھینکنے والا کانگریس پارٹی سے ہے، ایسا بیان اس شخص سے بی جے پی والوں نے زیردستی دلایا ہے۔ وہ شخص آر ایس ایس سے تعلق رکھنے والا ہے، حکومت نے منصوبہ بند طریقہ سے یہ حملہ کروایا ہے۔ سدارامیا نے کہا کہ بی جے پی والے ٹیپو سلطان کی مخالفت کرتے ہیں۔ جبکہ بی ایس ایڈی یورپا اور جگدیش شٹر نے ٹیپو سلطان کی حمایت میں کیا کچھ کہے ہیں، اس بارے میں میرے پاس جانکاری ہے۔ اس وقت بی جے پی کے ان قائدین کے خلاف کیوں احتجاج نہین کیا گیا؟
ایڈی یورپا نے ٹیپو کا پیٹھا اور تلوار تھامے ہوئے تصویر میں موجود ہین، اس وقت بی جے پی اور پرہلاد جوشی کہاں چلے گئے تھے، اس لیے میں کہتا ہوں کہ بی جے پی والے ڈھونگی افراد کی ٹیم ہے۔
