کرناٹکا میں کورونا کے مزید دس معاملات؛ بھٹکل کے پھر تین لوگوں کی رپورٹ آئی پوزیٹیو؛ بھٹکل میں مکمل خاموشی؛ آئی این ایف نے اسپتال کے لئے فراہم کئے کٹس

Source: S.O. News Service | By I.G. Bhatkali | Published on 28th March 2020, 5:14 PM | ساحلی خبریں | ریاستی خبریں |

بھٹکل 28/مارچ (ایس او نیوز)  کرناٹکا میں کورونا  پوزیٹیو کے آج دس معاملے سامنے آئے ہیں جس میں ضلع اُترکنڑا کے تین لوگ بھی شامل ہیں۔ کرناٹکا میں دس معاملے سامنے آنے کے بعد ریاست بھرمیں کورونا سے متاثرہ مریضوں کی تعداد بڑھ کر 74ہوگئی ہے۔

خیال رہے کہ دو روز قبل بھٹکل کا ایک 65 سالہ شخص جو دبئی سے لوٹا تھا، اس کی رپورٹ کورونا پوزیٹیو آئی تھی، آج جو تین تازہ معاملوں کی تصدیق ہوئی ہے، اُن کے بارے میں ذرائع سے پتہ چلا ہے کہ اُن کی بیوی اور دو دُختران کی رپورٹ بھی کورونا پوزیٹیو آئی ہے۔ایک ہی دن میں تین معاملات سامنے آنے کے بعد اُترکنڑا میں کورونا مریضوں کی تعداد بڑھ کر چھ ہوگئی ہے۔

یاد رہے کہ 65 سالہ شخص جس کی رپورٹ کورونا پوزیٹیو آئی تھی، کرناٹک میں کورونا سے متاثر ہونے پر   اُن کا نمبر 36 ہے، اب جو تین نئے معاملات سامنے آئے ہیں، اس میں اُن کی 54 سالہ اہلیہ (مریض نمبر 65)، 28 سالہ دُختر (مریض نمبر 66) اور 23 سالہ دُختر (مریض نمبر 67) ہے۔ ان تینوں کو بھٹکل سرکاری اسپتال میں کورنٹائن کیا گیا ہے ۔

بھٹکل میں کورونا کے بڑھتے  معاملات سے نہ صرف بھٹکل اور اُترکنڑا بلکہ پوری ریاست میں تشویش پائی جارہی ہے اور اس کی روک تھام کے لئے ہرکوئی اپنے طور پر کوشش کرتے نظر آرہے ہیں۔

بھٹکل کے عوام جو شہر کے ساتھ ساتھ  بیرون بھٹکل سمیت  گلف میں بھی بڑی تعداد میں مقیم ہیں،  بھٹکل میں کورونا مریضوں کی  بڑھتی تعداد پر بہت زیادہ فکرمند ہیں اور اس وبا  کی روک تھام کے لئے ہرممکن اقدامات اُٹھانے پر زور دے رہے ہیں۔ 

قومی سماجی ادارہ مجلس اصلاح تنظیم کے ساتھ بیرون بھٹکل و بیرون ملک میں مقیم بھٹکلی باشندے  اپنی جانب سے ہرممکن تعاون فراہم کرنے کا  یقین  دلارہے ہیں تاکہ کورونا کے معاملات پر جلد سے جلد قابو پایاجاسکے۔

بھٹکل میں چونکہ مکمل لاک ڈاون چل رہا ہے، آج بھی گذشتہ تین دنوں کی طرح سڑکیں سنسان رہیں اورہر طرف مکمل خاموشی نظرآئی۔

انڈین نوائط فورم نے فراہم کی  کٹس: اس دوران  انڈین نوائط فورم نے اپنی جانب سے تعاون دینے کی   پہل کرتے ہوئے بھٹکل سرکاری اسپتال کو  پرسنل پروٹیکشن کٹس فراہم کیں ہیں۔ تنظیم کے صدر جناب ایس ایم پرویز اور فیڈریشن کے جنرل سکریٹری محمد نصیف خلیفہ سمیت انڈین نوائط فورم کے ذمہ دار داود خلیفہ کی موجودگی میں میڈیکل کٹس سرکاری اسپتال کو فراہم کی گئیں ہیں۔

اخبارنویسوں سے گفتگو کرتے ہوئے آئی این ایف کے جنرل سکریٹری جناب معاذ جوکاکو نے بتایا کہ ڈاکٹروں کو خود کے تحفظ کے لئے ہم نے یہ کِٹس فراہم کی ہیں  جس میں  بوڈی سوٹس اور سینی ٹائزر سمیت کافی دیگر چیزیں شامل ہیں۔ انہوں  نے بتایا کہ چونکہ  ٹرانسپورٹ پورے ملک میں بند ہے اور سواریوں کو ایک جگہ سے دوسری جگہ جانے کی اجازت بھی نہیں ہے،  جس کو دیکھتے ہوئے خصوصی سواری کے ذریعے تمام چیزیں بنگلور  سے بھٹکل سرکاری اسپتال روانہ کی گئی تھیں جو آج  ان کے حوالے کی گئیں۔

انہوں نے بتایا کہ کورونا ایک مہلک وبا ہے جس کی روک تھام کے لئے تمام لوگوں کو یکجٹ ہوکر اس سے فائٹ کرنا ہوگا اور اس بیماری پر قابوپانے کے لئے ضروری ہے کہ ہم اپنے اپنے گھروں میں ہی بند رہیں اور گلف سے اگر کوئی بھٹکل پہنچا ہو اور انہیں کسی بھی قسم کی کوئی تکلیف ہوتو خود سرکاری اسپتال پہنچ کر اپنی جانچ کرائیں  تاکہ اس وبا کو مزید پھیلنے سے روکا جاسکے۔

ایک نظر اس پر بھی

منگلورو ایئر پورٹ پر بم رکھنے کا معاملہ ؛ ملزم آدتیہ راؤ سے پوچھ تاچھ کیلئے مرکزی وزارت داخلہ سے اجازت کا انتظار

گودی میڈیا نے منگلورو ایئر پورٹ پر بم رکھ کر تہلکہ مچانے والے سنگھ پریوار سے جڑے نوجوان آدتیہ راؤ کے معاملہ پر پوری طرح اب تک خاموشی اختیار رکھی ہے اور اب تک اس سلسلہ میں کوئی خبر ہی نہیں دی گئی تھی، اس معاملہ پر پردہ ڈالنے کی بھی کوشش جاری ہے ،

اُترکنڑا میں پھر دو کی رپورٹ کورونا پوزیٹو ہونے کی خبر؛ ایک کاروار اور دوسرا ڈانڈیلی سے آیا معاملہ سامنے

کچھ دنوں کے وقفے کے بعد آج سنیچر کو  ضلع اُترکنڑا سے پھر دو لوگوں کی رپورٹ کورونا پوزیٹو آنے کی تصدیق  ہوئی ہے۔ ذرائع سے پتہ چلا ہے کہ کورونا پوزیٹو کا ایک معاملہ کاروار سے اور دوسرا ڈانڈیلی سے  سامنے آیا ہے۔

بھٹکل میں ریت سےبھرے آٹو رکشہ کو پولس نے کیا ضبط

تعلقہ کے مُنڈلی نستار سمندرکنارے سے ریت تھیلوں میں بھرکر گڈس آٹو رکشہ پر لاد کر  لے جانے کے دوران  بھٹکل پولس اور محکمہ محصولات کی ٹیم نے چھاپہ ماردیا، جس کے دوران بتایا گیا ہے کہ آٹو ڈرائیور فرار ہوگیا، البتہ پولس نے رکشہ کو ضبط کرلیا۔واردات جمعہ کو پیش آئی۔

ہمارے اسپتالوں نے ثابت کردیاہے کہ ہم اترکنڑا میں  بھی اچھی طبی امداد مہیا کراسکتے ہیں؛ بھٹکل میں ڈپٹی کمشنر کا اظہار خیال

ہمارے اسپتالوں نے ثابت کردیاہے کہ ہم اترکنڑا میں  بھی اچھی طبی امداد مہیا کراسکتے ہیں۔ یہ بات ضلع کے ڈپٹی کمشنر ڈاکٹر  ہریش کمار نے کہی۔ بھٹکل پہنچنے پر صحافیوں سے بات چیت کرتے ہوئے انہوں نے کہا کہ اس سے قبل یہاں یہ باتیں سننے میں آرہی تھی کہ  اتر کنڑا میں کوئی طبی سہولت ...

منگلورو ایئر پورٹ پر بم رکھنے کا معاملہ ؛ ملزم آدتیہ راؤ سے پوچھ تاچھ کیلئے مرکزی وزارت داخلہ سے اجازت کا انتظار

گودی میڈیا نے منگلورو ایئر پورٹ پر بم رکھ کر تہلکہ مچانے والے سنگھ پریوار سے جڑے نوجوان آدتیہ راؤ کے معاملہ پر پوری طرح اب تک خاموشی اختیار رکھی ہے اور اب تک اس سلسلہ میں کوئی خبر ہی نہیں دی گئی تھی، اس معاملہ پر پردہ ڈالنے کی بھی کوشش جاری ہے ،

کرناٹک بی جے پی میں اچانک بغاوت، یڈ یورپا کی قیادت خطرے میں۔کورونا وائرس سے نپٹنے میں ناکام قرار دے کر بزرگ رہنما کو اقتدار سے بے دخل کرنے باغی اراکین اسمبلی کی خفیہ میٹنگ

کرناٹک میں بی ایس ایڈی یورپا کی قیادت والی بی جے پی حکومت جمعہ کی دیر رات اس وقت سیاسی بحران کا شکار ہو گئی جب بی جے پی کے 27اراکین اسمبلی نے سابق وزیر اور برگشتہ بی جے پی لیڈر امیش کتی کے گھر پر میٹنگ کی اور بی جے پی اعلیٰ کمان پر اس بات کے لئے دباؤ بنانے کا منصوبہ بنایا کہ ریاست کی ...