بھٹکل کمیونٹی جدہ کے نئے عہدیداران کا انتخاب؛ عبدالسلام دامدا ابوپھر ایک بار صدر منتخب، عبدالمعیز جوکاکوبنے جنرل سکریٹری
جدہ :2؍ اکتوبر(ایس اؤ نیوز)بھٹکل کمیونٹی جدہ کی مجلس انتظامیہ نے آئندہ میعاد کے لئے عبدالسلام دامدا ابو کو پھر ایک بار صدر منتخب کیا ہے جبکہ عبدالمعیز جوکاکو کو جنرل سکریٹری کے طورپر منتخب کیاہے۔
سکریٹری کی طرف سے جاری کردہ پریس ریلیز کے مطابق بھٹکل کمیونٹی جدہ کی نئی مجلس انتظامیہ کےلئے 16ستمبر 2021کو پولنگ ہوئی تھی اور اسی روز نتائج کا اعلان بھی کیاگیا تھا۔ منتخب مجلس انتظامیہ کاپہلا اجلاس یکم اکتوبر 2021بروزجمعہ بعدنماز عشاء بغدادیہ الغربیہ (محمد فیضان شاہ بندری کی رہائش گاہ ) پرشریف اکرمی کی صدارت میں منعقد ہوا۔ جس میں آئندہ میعاد کے لئےجن عہدیداران کا اانتخاب عمل میں آیا ہے اس کی تفصیل اس طرح ہے۔
صدر: عبدالسلام دامدا ابو
نائب صدر : عبیداللہ عسکری
جنرل سکریٹری : عبدالمعیز جوکاکو
سکریٹری: نوید حسن ائیکری
محاسب : نورالامین دامدا
سکریٹری مالیات: شریف اکرمی
اجلاس کا آغاز رکن انتظامیہ عدنان رکن الدین کی تلاوت قرآن سے ہوا۔ الیکشن کمشنر عدنان رکن الدین نے انتخابات کی تفصیلات پر مختصراًروشنی ڈالتے ہوئے بتایا کہ کل 170میں سے 142اراکین نے اپنی رائے دہی کااستعمال کیا ۔جوممبران بھٹکل میں مقیم تھے انہیں بھی پولنگ میں شریک ہونے کا موقع دیاگیا اور انہوں نے بھی ووٹ دیا۔ خیال رہےکہ نئی مجلس انتظامیہ کے لئے کل 16اراکین کا انتخاب ہواتھا۔ جس کی تفصیل یوں ہے۔
نئی مجلس انتظامیہ کے اراکین : عبیداللہ لیاقت عسکری ، عبدالمعیز جوکاکو، محمد نعمان علی اکبرا، ریحان کوبٹے، محمد فیضان شاہ بندری ، نورالامین دامدا، شریف اکرمی، محمد ارشد ائیکری ، ایس ایم شعیب کوٹیشور، قمر سعدا، محمد وسیم سدی باپا، شکیل سعدا، محمد یسین عسکری ، محمد ادریس سدی باپا، محمد یاسر رکن الدین ، عبدالجبار مصباح اور دستور کی دفعہ نمبر 6(3)کے تحت لئیق کے ایس کو رکن انتظامیہ کے طورپر منتخب کیاگیا ۔خیال رہےکہ پرانی انتظامیہ سے عبدالسلام دامداابو، نوید حسن ائیکری اور عدنان رکن الدین کو منتخب کیاگیا تھا۔ اس طرح کل 20اراکین پر مشتمل مجلس انتظامیہ نئے جوش وولولے اور حوصلے سے قوم کی خدمت میں سرگرم عمل رہے گی۔ ان شاء اللہ
اس کے علاوہ اجلاس میں مجلس انتظامیہ نے مختلف کمیٹیوں کی تشکیل کرتےہوئے اس کے نظماء کا تقرربھی کیا۔ امداد باہمی کمیٹی کے کنونیر وسیم سدی باپا ، کرئیر گائڈنس کے کنونیرشعیب کوٹیشور، اسپورٹس سکریٹری کےطور پر فیضان شاہ بندری ، سیف اسکیم کے ذمہ دار عدنان رکن الدین ، تصفیہ کمیٹی کے نگراں کار نعمان علی اکبرا،ممبرساز کمیٹی کے کنونیر ارشد ائیکری اور ایونٹ مینجمنٹ کمیٹی کے کنونیر ریحان کوبٹے کو ذمہ دارایاں سونپی گئیں۔
