بھٹکل کمیونٹی جدہ کے زیر اہتمام عید ملن پروگرام میں ایجوکیشنل ایوارڈ کی تقسیم اور حفاظ کرام کی تہنیت
جدہ :28؍ مئی (ایس اؤ نیوز) بھٹکل کمیونٹی جدہ کے زیر اہتمام زوم پر منعقدہ عید ملن 2021پروگرام میں سعودی عرب کے جدہ میں تعلیمی میدان میں نمایاں کارکردگی کا مظاہرہ کرنےوالے طلبا وطالبات کو سال 2019-2020کے تعلیمی ایوارڈ سے نوازا گیا اور حفاظ کرام کو بھی ایوارڈ سے نوازتے ہوئے ان کی تہنیت کی گئی ۔ اس کے ساتھ ساتھ عیدملن کی مناسبت سے منعقدہ کوئز مقابلےمیں شریک ہونےوالوں کے درمیان بھی انعامات کی تقسیم عمل میں آئی ۔
عید ملن میں اول جماعت سے لےکر بارہویں جماعت تک اول آنے والے طلبا وطالبات کو گولڈ میڈل اور سند عطا کی گئی ۔ اول جماعت میں عیسٰی عبدالمعیز جوکاکو ، دوم جماعت سے محمد جاذب ابن عبدالجبار مصباح اور مہرین بنت عبدالمنان قاضیہ ، سوم جماعت سے عائشہ بنت محمد فیضان شاہ بندری اور نفیسہ بنت عبدالسلام دامدا ابو ، چہارم جماعت سے عنارہ بنت محمد طہ شاہ بندری اور محمد ابن شریف محی الدین اکرمی ، پنجم جماعت سے ثناء بنت محمد ادریس سدی باپا ،مریم بنت فیصل دامودی اور ریمہ بنت نورالامین دامدا ، ششم جماعت سے حنان بنت شریف محی الدین اکرمی ، ہشتم جماعت سے منال بنت محمد ادریس سدی باپا کو سند سے نوازتے ہوئے ان کی تہنیت کی گئی ۔ اسی طرح بارہوین جماعت سے سائنس شعبہ میں نصیف ابن محمد ادریس سدی باپا اور کامرس شعبہ سے سید ابرار ابن امیر حمزہ پیرزادے اور عیسیٰ ابن محمد فیصل رکن الدین کو گولڈ میڈل سے نوازاگیا۔
اس موقع پر عبیدا للہ عسکری کے جڑواں بچے ایوب عسکری اور یعقوب عسکری کو قرآن حفظ مکمل کرنے پر گولڈ میڈل اور سند سے نوازتے ہوئے ان کی تہنیت کی گئی ۔
بی سی جے کے عید ملن کی مناسبت سے 21مئی کو کوئز مقابلہ کا اہتمام کیاگیاتھا جس میں کل 228طلبا و طالبات شریک ہوتےہوئےاپنی صلاحیتوں کا بہترین مظاہرہ کیا۔ کوئز مقابلےمیں اول نمبر پر ارشد ائیکری(500سعودی ریال) ، دوم زینب سندس (300سعودی ریال )اور سوم لیث بخاری (200سعودی ریال )انعام کے حق دار بنے ۔ اسی طرح عثمان منیری ، محمد کولا ، طہ شاہ بندری ، زینت سعدا ، سید حسن مسعود ، عبدالمعید اور اسامہ اسحق شاہ بندری کو تشجیعی انعامات کے طورپر فی کس 100 سعودی ریال سےنوازا گیا۔
عید ملن پروگرام کا آغاز حفظ الرحمن منیری کی تلاوت قرآن سے ہوا۔ بی سی جے کے جنرل سکریٹری نوید حسن ائیکری نے استقبالیہ کلمات پیش کئے تو حسام عبدالغفار عسکری نے ہدیہ نعت پیش کی ۔ اس موقع پر بی ایم کے سی کے جنرل سکریٹری یونس قاضیہ نے خطاب کیا۔
ایجوکیشنل ایوارڈ کے موقع پر سدرہ اور عیسیٰ جوکاکو نے نشید پیش کی۔ طہ شاہ بندری نے نوائطی گیت اور نظم ، امن قاسمجی نے نظم پیش کئے۔ نورالامین دامدا نے نظامت کے فرائض انجام دئیے۔ فیضان ، یاسر اور عدنان رکن الدین نے ان کا تعاون کیا۔