بھٹکل اور ساحلی کرناٹکا سمیت ملک بھر میں آج سے منائی جارہی ہے عید الاضحیٰ؛ کووڈ وباء کے چلتے سادگی سے منایا جارہا ہے تہوار

Source: S.O. News Service | By I.G. Bhatkali | Published on 21st July 2021, 9:51 PM | ساحلی خبریں | ملکی خبریں |

بھٹکل 21 جولائی (ایس او نیوز) بھٹکل اور ساحلی کرناٹکا سمیت ملک بھر میں آج بدھ  سے عید الاضحیٰ نہایت سادگی کے ساتھ  منائی جارہی ہے ۔   کووِڈ وباء کی وجہ سے اکثر شہروں میں   عیدگاہوں میں نماز کی ادائیگی پر پابندی ہے اس بناء پر متعدد علاقوں میں   مساجد میں ہی   کووڈ ہدایات پر عمل کرتے ہوئے عید کی دوگانہ ادا کی گئی۔  ریاست کرناٹک میں  چونکہ  بڑے جانوروں کے ذبح پر پابندی کا قانون نافذ کیا گیا ہے،    کافی لوگوں نے بکروں کی قربانی  دیتے ہوئے  سنت ابراہیمی کو ادا کیا۔

بھٹکل اورکرناٹک سمیت کیرالہ، آندھرا پردیش، آسام، بہار،  مدھیہ پردیش، اُترپردیش اور ملک کی راجدھانی دہلی میں بھی آج بدھ سے ہی بقر عید منائی جارہی ہے۔

بھٹکل جامع مسجدمیں  عید کا پیغام دیتے ہوئے  مولانا عبدالعلیم خطیب ندوی نے پُرزور خطاب کیا اور  عید منانے  کا طریقہ، اللہ کو راضی کرنے کے لئے قربانی کرنے، نفس کو قابو  میں رکھنے، استقامت اور دین کے معاملے میں کسی طرح کا سمجھوتہ نہ کرنے سمیت کئی اُمور کی طرف توجہ دلائی۔  انہوں نے   نوجوانوں کے لئے حلال حرام کی تمیز کرتے ہوئے کاروبار کرنے   اور موبائلوں پر اپنا وقت برباد نہ کرنے کی تلقین کی تو وہیں  قوم کے ذمہ داروں کو مخاطب کرتے  ہوئے کہا کہ  قوم کو صحیح راستے پر لے جانا قائدین قوم کی ذمہ داری ہوتی ہے، انہوں نے کہا کہ ذمہ داران اپنی مرضی  کے مطابق قوم کو نہ چلائیں بلکہ یہ دیکھیں کہ قوم کے کیا جذبات ہیں اور شریعت کے کیا تقاضے ہیں  اُس کے مطابق قوم کو لے چلیں۔

خلیفہ جامع مسجد میں    مولانا خواجہ معین الدین اکرمی  مدنی نے نماز عید کی دوگانہ پڑھائی، اسی طرح نوائط کالونی تنظیم  جمعہ مسجدمیں مولانا انصار خطیب مدنی،  مدینہ جمعہ مسجد میں مولانا ذکریا برماور ندوی، مخدومیہ جمعہ مسجد میں مولانا  نعمت اللہ عسکری ندوی، نور جمعہ مسجد میں مولانا محمد امین رکن الدین ندوی،   مسجد  احمد سعید میں مولانا جعفر فقی بھاو ندوی، سیدنا  ابوذر غفاری  جمعہ مسجد(گلمی)   میں مولانا عبدالاحد فکردے ندوی،  بلال  جمعہ مسجد  (موگلی ہونڈا) میں  مولانا منور پیشمام   ندوی،  بدریہ جمعہ مسجد میں  مولانا  عبدالغنی کولاندوی اور  مسجدامام بخار ی   میں عبداللہ ابن شفیق دامدا سنابلی نے نماز عید پڑھاتے ہوئے مسلمانوں کو عید کا پیغام دیا۔

 

ایک نظر اس پر بھی

اترکنڑا میں بارش کا سلسلہ جاری؛ 737کروڑروپیوں کا نقصان، راستوں پر چٹان کھسکنے کے واقعات جاری

اترکنڑا ضلع میں مسلسل برسی بارش سے پید ا ہونے والے سیلاب کےنتیجےمیں کل 737.54 کروڑ روپئے کا نقصان ہونے اور سڑکیں، برج، سرکاری عمارات، پینے کےپانی کے منصوبے ، چھوٹی آب پاشی کے تعمیراتی کام، ہیسکام اور قومی شاہراہ سمیت کئی محکمہ جات کی املاک کو نقصان پہنچنے کا ضلع انتظامیہ نے ...

بنٹوال : پائپ لائن میں سوراخ بنا کر ڈیزل کی چوری ۔ کیس درج ہونے کے بعد ملزم ہوگیا فرار

بنٹوال کے مضافات اربی سوناڈو علاقے میں ایوان نامی ایک شخص کے ذریعے منگلورو ریفائنری اینڈ پیٹرولیم لمیٹیڈ (ایم آر پی ایل) کی پائپ لائن میں سوراخ بنا کر ڈیزل چوری کرنے اور زمین کے اندر سے ہی ڈیڑھ کلومیٹر دور پائپ بچھا کر ڈیزل اپنے گھر تک لے جانے کا معاملہ سامنے آیا ہے۔

مہاراشٹرا کے کونکن میں  سیلاب سے مچی تباہی کا منظر دیکھنے کے بعد  بھٹکل تنظیم وفد کے اراکین کی طرف سے 22 لاکھ روپیوں کی امداد؛ بازآباکاری کے لئے بھٹکل تنظیم کی طرف سے امداد کی اپیل

ومی سماجی ادارہ مجلس اصلاح و تنظیم بھٹکل کے نائب صدر(دوم)جناب  عتیق الرحمن مُنیری کی قیادت میں چار گاڑیوں پر  جملہ 19 اراکین پر مشتمل وفد جب مہاراشٹرا کے کونکن علاقہ پہنچا اور اپنی انکھوں سے تباہی کے  مناظر دیکھے  تو  کئی ایک کی انکھوں سے آنسو جاری ہوگئے تو کئی ایک  افسوس کا ...

یلاپور تعلقہ میں سیلاب سے بری طرح متاثر کلچی مضاف کو مکمل منتقل کیا جائے گا: وزیر اعلیٰ بسوراج بومائی

اترکنڑا ضلع یلاپور تعلقہ کے وجرلی گرام پنچایت حدود کے کلچی نامی مضاف بری طرح متاثر ہوا ہے، یہاں سب سے زیادہ زمین کھسکنے اور رہائشی علاقوں کو نقصان پہنچنے کے واقعات پیش آئے ہیں۔ وزیر اعلیٰ بسوراج بومائی نے مضاف کا معائنہ کرنے کے بعد ضلعی انتظامیہ کو حکم دیا کہ کلچی مضاف مکمل ...

زوردار بارش کے دوران مدھیہ پردیش کے بھِنڈ میں ڈسٹرکٹ جیل کی دیوار منہدم، 22 قیدی زخمی، 2 کی حالت نازک

 مدھیہ پردیش کے ضلع بھِنڈ میں ہفتہ کی صبح اس وقت ایک بڑا حادثہ پیش آیا جب ضلع جیل کی ایک خستہ حال دیوار موسلادھار بارشوں کے دوران بھربھرا کر گر گئی۔ اس سے بیرک نمبر 6 میں قید 22 قیدی زخمی ہو گئے، جن میں سے 2 کی حال نازک بتائی جا رہی ہے۔

سی بی ایس ای 12 ویں کلاس کے نتائج :ختم ہوا انتظار

  آخر کار طویل انتظار کے بعد ، سنٹرل بورڈ آف سیکنڈری ایجوکیشن (سی بی ایس ای) نے 12 ویں کلاس کے نتیجہ جاری کر دیے ہیں۔ طلباء اپنے نتائج ویب سائٹ cbseresults.nic.in ، cbse.gov.in پر دیکھ سکتے ہیں۔ اس سال 99.37فیصد طلبہ کامیاب ہوئے ہیں۔

گئوشالہ میں 50 سے زائد گایوں کی موت پر ہنگامہ، تحقیقات شروع

گئوشالاؤں میں موجود گایوں کی دیکھ بھال کے نام پر سرکاری امداد حاصل کرنے اور اس کو ہضم کر جانے کے کئی معاملے سامنے آ چکے ہیں۔ تازہ معاملہ راجستھان کے ضلع جیسلمیر کا ہے جہاں رام گڑھ واقع کوہریوں کا گاؤں علاقہ میں چل رہی 200 گایوں پر مشتمل گئوشالہ میں تقریباً 50 سے زائد گایوں کے ...

ذات پر مبنی مردم شماری کے حق میں ہیں نتیش کمار، پی ایم مودی کو جلد لکھیں گے خط

بہار کے وزیراعلیٰ نتیش کمار نے اپوزیشن لیڈر تیجسوی یادو کو ایک ملاقات کے دوران یقین دلایا کہ وہ ذات پر مبنی مردم شماری کے لیے وزیر اعظم نریندر مودی کو خط لکھیں گے اور ساتھ ہی قانونی طریقے پر بھی غور کریں گے۔

ہندوستان میں کورونا کے یومیہ معاملات میں معمولی کمی، 41649 نئے کیسز، 591 مریضوں کی موت

  ملک میں کورونا وائرس (کووڈ 19) کے یومیہ سامنے آنے والے معاملات میں معمولی کمی آئی ہے، تاہم نئے کیسز کی تعداد 40 ہزار سے زیادہ رہی۔ دریں اثنا ، جمعہ کو 52 لاکھ 99 ہزار 36 افراد کو کورونا کی ویکسین لگائی گئی۔ اب تک ملک میں 46 کروڑ 15 لاکھ 18 ہزار 479 افراد کو ویکسین دی جا چکی ہے۔