بھٹکل کا لڑکا بنگلور فٹ بال کلب کے لئے منتخب، انڈین ٹیم میں شامل ہونے کی توقع؛ ضلع شمالی کینرا سے منتخب ہونے والا پہلا کھلاڑی؛ فائنل ٹریل کے لئے بلاری روانہ

Source: S.O. News Service | By I.G. Bhatkali | Published on 6th April 2021, 2:05 PM | ساحلی خبریں | اسپورٹس |

بھٹکل 6 اپریل (ایس او نیوز)  بھٹکل سمیت ضلع اُترکنڑا کے عوام کے لئے  بہت بڑی خوش خبری یہ ہے کہ   یہاں کا ایک بارہ سالہ لڑکا احمد شاہ بندری ابن فواز شاہ بندری ہندوستانی انڈر۔12 فٹ بال ٹیم میں شامل ہونے کے فائنل اسٹیج پر پہنچنے میں کامیاب ہوگیا ہے، اور اگر اس اسٹیج میں بھی احمد کامیاب ہوتا ہے تو پھر اسے ہندوستانی قومی ٹیم میں شامل کیا جاسکتا ہے۔

بتایا گیا ہے کہ بنگلور  فٹ بال کلب (بی ایف سی ) ہندوستان کی واحد فٹ بال اکیڈمی ہے جو ایشین فٹ بال کنفیڈریشن کے تحت سند یافتہ ہے اور احمد شاہ بندری اس   کلب کے  فائنل فیس کے لئے منتخب ہوگیا ہے ۔

احمد کو  اب ہندوستان بھر سے منتخب کردہ انڈر۔12 کے  30 ٹاپ  فٹ بال کھلاڑیوں میں شامل  کیا گیا ہے  جنہیں      بلاری   میں منعقدہ ایک ماہ کے  فائنل ٹریل کے لئے روانہ کیا گیا ہے۔ پتہ چلا ہے کہ بلاری میں ایک ماہ کا  فائنل ٹریل سیشن 3 اپریل سے شروع ہوچکا ہے،ا س ٹریل میں اگر احمد اپنا پرفارمنس منوانے میں کامیاب ہوتا ہے تو پھر اسے انڈر۔12 کی قومی فٹ بال ٹیم میں شامل کیا جائے گا۔

ذرائع کی مانیں تو  بنگلور فٹ بال کلب  میں شمولیت پانے کے لئے کرناٹک کے مختلف اضلاع سے  1500 کھلاڑیوں نے اپنا پرفارمینس پیش کیا تھا جس میں احمد  شاہ بندری کا پرفارمینس اتنا بہترین رہا کہ اس نے  کرناٹک کے انڈر۔12 کے زمرہ میں  ٹاپ فور کھلاڑیوں  میں  مقام بنالیا۔

بتایا جاتا ہے کہ  بنگلور فٹ بال  اکیڈمی ہندوستان کی مانی ہوئی ایک بہترین  فٹ بال اکیڈمی ہے جہاں سے  کئی ایک کھلاڑی نیشنل ٹیم کے لئے منتخب ہوچکے ہیں۔ ذرائع کی مانیں تو  نیشنل ٹیم میں جگہ بنانے والوں میں  انڈین فٹ بال ٹیم کے کپتان  سنیل چھتری بھی شامل ہیں۔ اس اکیڈمی میں  ہندوستان سمیت دیگر ممالک کے بھی بہترین کوچ موجود ہیں جبکہ انٹرنیشنل اسٹینڈرڈ کی سہولیات کھلاڑیوں کو فراہم کی جاتی ہیں۔

احمد شاہ بندری کے  تعلق سے پتہ چلا ہے کہ  وہ گذشتہ تین سالوں سے بھٹکل   انٹر  فٹ بال اسوسی ایشن (BIFA) کا کھلاڑی ہے،  مقامی سطح پر کئی ٹورنامنٹوں میں  حصہ لے چکا ہے،  انڈر 12 میں اسے بیسٹ پلئیر کا خطاب بھی مل چکا ہے جبکہ وہ  دس سال کی عمر میں انڈر۔14 کے میچس میں بھی حصہ لے کر بہترین پرفارمینس پیش کرچکا ہے۔

احمد شاہ بندری  بھٹکل  کے علی پبلک اسکول میں چھٹی کا طالب علم  ہے اور اسکول ذرائع کے مطابق وہ لکھائی پڑھائی میں بھی   کافی ذہین ہے اور اسکول میں   ہمیشہ ٹاپ کرتا آیا ہے۔

فٹ بال  میں احمد شاہ بندری کے اس بہترین پرفارمینس پر بیفا کے  صدر اور اُترکنڑا ڈسٹرکٹ فٹ بال اسوسی ایشن  کے جنرل سکریٹری  ماویہ محتشم اور بیفا کے جنرل سکریٹری حِبّان  شاہ بندری سمیت علی پبلک اسکول کے صدر مولانا الیاس جاکٹی ندوی  صاحب نے مبارکباد پیش کی ہے اور  مستقبل میں بھی اس کی مزید کامیابیوں کے لئے نیک خواہشات کا اظہار کیا ہے۔

ایک نظر اس پر بھی

منگلورو : 'ایئس' آئی اے ایس اکیڈیمی کی جانب سے سول امتحان میں رینک پانے والے فیضان احمد کی تہنیت 

امسال آئی اے ایس امتحان میں 58 واں رینک پانے والے فیضان احمد کے اعزاز میں منگلورو میں سول امتحانات کی تربیت دینے والے ادارے 'ایئس' آئی اے ایس اکیڈیمی کی جانب سے تہنیتی اجلاس منعقد کیا گیا ۔

کونکن ریلوے سروس کے مکمل ہوئے31 سال ۔ سورتکل - انکولہ کے درمیان کیا رو - رو سروس کا آغاز 

کونکن ریلوے سروس کے 31 سال مکمل ہونے پر ورچیول جشن منایا گیا اور اس موقع پر سورتکل - انکولہ کے درمیان مال بردار ٹرکس / کنٹینرس  لے جانے والے ٹرکس کی نقل و حمل کے لئے رول آن - رول آف (رو - رو) سروس کا شروع کرنے کا اعلان کیا گیا ۔

بھٹکل : کیترے گرام میں پتھروں کی غیر قانونی کھدائی ۔ مقامی عوام نے دیا اے سی اور تحصیلدار کو میمورنڈم 

بھٹکل اسسٹنٹ کمشنر اور تحصیلدار کو دئے گئے میمورنڈم میں کیترے گرام کے مکّی ہیتل میں پتھروں کی غیرقانونی کھدائی جاری رہنے کی شکایت کرتے ہوئے فوراً اس پر روک لگانے کی مانگ کی گئی ۔

بھٹکل: 20اکتوبر کو ہوگا انڈر 16بوائز کرکٹ سلیکشن ٹرائلس : ضلع اُترکنڑا کے کھلاڑی توجہ دیں

کرناٹکا اسٹیٹ کرکٹ اسوسی ایشن (کے ایس سی اے ) کے زیر اہتمام 20اکتوبر کو بھٹکل اسپورٹس اکیڈمی بھٹکل میں اترکنڑا ضلع کے  انڈر 16بوائز کاکرکٹ  اوپن سلیکشن ٹرائلس ہوگا۔ اہل کھلاڑیوں سے اپیل کی گئی ہےکہ وہ متعلقہ تاریخ کو متعینہ مقام پر شریک ہوکر اپنے کھیل کا مظاہرہ کریں۔ اس بات کی ...

آئی پی ایل فائنل میں چنئی نے دی کولکاتا نائٹ رائڈرس کو شکست، چنئی بنا چوتھی مرتبہ آئی پی ایل چیمپئن

سلامی بلے باز ڈو پلیسسز (86) کی بہترین نصف سنچری کے ساتھ روبن اتھپا کے (31) اور معین علی کے (ناٹ آؤٹ37) کی جارحانہ اننگز کے نتیجے میں چنئی سپر کنگس نے کولکاتا نائٹ رائڈرس کو  27 رنوں سے شکست دے دی اور چوتھی بار آئی پی ایل چمپئن بننے کا فخر حاصل کرلیا۔ 

آئی پی ایل 2021: کولکاتہ تیسری مرتبہ آئی پی ایل کے فائنل میں ، راہل ترپاٹھی نے چھکا لگا کر دلائی جیت

)  آئی پی ایل 2021 کا خطابی مقابلہ اب کولکاتہ نائٹ رائیڈرس اور چنئی سپرکنگس کے درمیان کھیلا جائے گا ۔ کے کے آر نے کوالیفائر 2 کے میچ میں دہلی کیپیٹلز کو 3 وکٹوں سے شکست دیدی ہے ۔ دہلی کی ٹیم پوائنٹس ٹیبل پر سرفہرست رہی تھی اور اس کو کوالیفائر 1 میں چنئی سپرکنگس نے شکست دی تھی ۔ میچ ...

چنئی نے ریکارڈ بنایا، نویں بار آئی پی ایل کے فائنل میں پہنچی، دہلی کو دی شکست

دبئی میں کھیلے گئے کوالیفائنگ مقابلہ میں چنئی سپر کنگس (سی ایس کے) نے دہلی کیپیٹلس کو شکست دے کر فائنل میں اپنی جگہ بنا لی ۔ سی ایس کے کپتان دھونی نے ایک شاندار پاری کھیلتے ہوئے چھہ گیندوں میں 18 رن بنائے اور آخری گیند پر چوکا لگاکر ٹیم کو جیت دلائی۔رابن اتھپا اور رتو راج ...