بھٹکل:5؍اگست(ایس اؤ نیوز)ہندوستان کی  75ویں یوم آزادی (امرت مہوتسوا)کی مناسبت سے 12اگست بروزجمعہ کو بھٹکل بلاک کانگریس کی طرف سے پیدل یاترا کا اہتمام کئےجانےکی بلاک کانگریس صدر سنتوش نائک نے جانکاری دی  ہے۔

پریس ریلیز جاری کرتےہوئے بلاک کانگریس صدر نے بتایا ہے کہ بھٹکل بلاک کانگریس کمیٹی کی میٹنگ میں ملک کے 75ویں یومِ آزادی کی مناسبت سے شہر میں پیدل یاترا نکالنےکا فیصلہ لیاگیا ہے۔ امرت مہوتسوا کے موقع کانگریس پارٹی کی جانب سے 12 اگست بروز جمعہ کو پیدل یاترا کا اہتمام کرتےہوئے آزادی کا جشن منایاجائےگا۔ 12اگست بروز جمعہ کی صبح 30-8بجے ساگر روڈ پر واقع پولس میدان میں تمام لوگ جمع ہونگے۔ وہاں سے امرت مہوتسوا کی پیدل یاترا نکلے گی ، قومی شاہراہ سے چلتے ہوئے شرالی، بینگرے ، کائی کنی ، بستی ۔مرڈیشور سے ہوتے ہوئے مرڈیشور پہنچیں گے۔ اس سلسلے میں سبھی کارکنان سے پیدل یاترا میں شریک ہونےکی بلاک کانگریس صدر نے اپیل کی ہے۔